حوبه گلب سيد ج١+ج٢

الحلقه ١٦ ج٢

صباح الخير ورداتي💐

شلونكم شخباركم ان شاء الله بخير

رجعت وياكم بلحلقه ١٦من ج ٢ من قصه حوبه گلب سيد

البارتت طويللللللللل لعيونكم الحلوات

لا تنسون التفاعل ورداتي

اتركم تستمتعون بلقراءه واروح اسوي غده 😅🤞

نبدي بأسم الله
🌺🌺🌺🌺

شايفين من تحبون ناس حد العشگ!!

حد الهيام....

وتفدوهم بروحكم وبعمركم....

هيج تحسون تضيعون لو همه ما موجودين بحياتكم..

ومن تزعلون عليهم يتضايقون...

ويدورون رضاتكم بكل طريقه..

يمكن بباقه ورد...

او بأغنيه جميله...

بشعر معبر عن حالتهم...

برساله عتب واشتياق..

الللللللله شعور يخبللللل...

وانته بدورك شتسوي؟؟؟

تبيع ثگل... تقفل اكثر... علمود ينطيك اكثر..

يحس بيك اكثر..

يحبك اكثر واكثر واكثر...

هيج جان شعوري من شفت الي يحبوني ما متحملين زعلي

سيف اخويه وحبيبي وتاجه لراسي..

وعلاوي زوجي والحب... الحته الي بلشمال على گوله اخوتنه المصريين

جانو هل شخصين اكثر ثنين شلت منهم زعل وما رضيت عليهم بعد ما صدگوني بذيج الفتره

جنت من اگعد الصبح من النوم الكه ورده يم مخدتي وكلمه احبج بستيكر لون وردي من احلى ابو فرح رغم هو مينام يمنه طول فتره زعلي لئني شرطت عليه ميدخل للغرفه دامني بيها

جنت ابتسم داخلي اطير من الفرح واكوم بكل نشاط....

بس ما ابين اله من اشوفه گبالي... ابقى بثگلي وزعلي عليه وابوگ نظرات واشوفه يتحسر من افوت من يمه سابحه بلعطر ومبدله ومعدله نفسي....

هههههه عيشته بحرب نفسيه رغم گلت الكم من قبل هو الي سواه حقه اي شخص ممكن يسوي هيج واكثر بس لئن ما صدگني من حاجيته جاي اعاقبه هههههه

لو من افتح جهازي الكه شعر لرائد ابو فتيان او علي المنصوري لو لعريان لو فد قصيده لنزار القباني مرسوله من احن اخوووو بلدنيا

شعوري جان حلووو حلوووو حيللللل

من اشوف اهتمامهم بيه وحبهم اليه ويبدون يومهم بشي خاص الي وهم من يصير الليل الكه نفس الشي
مرات احس بيهم متفقين بينهم بس ما اتوقع لئن كل واحد بيهم يعبر غير شكل