بقلمي دموع البحر 🌺🌺🌺
نسمه
**********
بعد الي صار بهذاك اليوم من اجوي عيال شهد وطردوهم تأزم الوضع عدنه بلبدايه ناس تريد تهد وناس تريد تكتل
بعدين شويه شويه بردت السالفه ومر عليها 3اشهر هسه احنه بدايه العطله مال نصف السنه حياتنه عاديه مثل اي عائله روتين يومي بين التنظيف وتحظير الاكل وخطار وو الخ ......
بيوم اتصلت عليه نغم بت عمي ابو عباس صديقتي وويايه بنفس الصف ..
نغم ....نسومه حبيبتي
نسمه...هلاو نغومه شلونج مشتاقتلج
نغم ...اي مبين
نسمه :وداعت ماما مشتاقه الج وين ما وين
نغم :بهل بيت وين نروح
نسمه :تعالي يمي
نغم :ولج محد بلبيت بس اني وامي الجميع دايح ومره عباس راحت لاهله عرس ابن عمها صارلها يومين وابويه راح هو وعباس للنجف شغله ويزورون مناك واني وامي بلبيت كاعدات .
نسمه :نغم بس تدرين اني ما اريد اجيكم وانتي تعرفين السبب
نغم :اعرف والله بس هو باجر ينزل يعني اليوم ما موجود
نسمه :اوكي اشوف ماما وانطيج خبر
نغم :يله راح انتظر
نسمه :بس لا تتملين هوايه لان محمد بلبيت
يله باي
ورحت حاجيت ماما ويه ما دا احجي دخل بابا فلاح وسيف وحسين ووافق بابا وقال لحسين يوصلني
ورحت لبيت عمو همه يبعدون عنه شويه بس نتمشه 10دقايق ونوصل دخلت وحسين رجع سلام وسوالف وضحك
بعد مرور ساعتين تقريبا سمعت صوت الحقير اجه باوعت على نغم شفتها
اني شطت من شفته دخل للغرفه نغم
فراس :نغومه جوع.....ها بت العم هنا
اخذت حجابي ولفيته على راسي ودرت وجهي
نغم وكفت كباله وقالت :كم مره قتلك اكو باب يندك ليش تدخل قبل
فراس:وعيني شدعوه داخل لغرفه الملكه يله سويلي اكل جوعان
نغم :يله روح واني هسه اسويلك
ظل فراس يباوعلي واني رافعه اله حاجبي مستسغرته وكارهته
فراس وهو يطلع :يله ساعه اسبح وابدل الكه الاكل جاهز
طلع واني غميته :كبر بصفه مطي بصفه حفره بيها تيزاب
نغم بضحك:ولج غير دعوه هذي شلون رهمتيها
نسمه :احسن علمود خاف يفكر يطلع من الكبر يرفسه المطي بلحفره الي بيها تيزاب ويتحلل ونخلص من شره
نغم :ولج اني اخته وما سالمه من لسانه وشره يوميه كاتلني كتله والله ما اعرف عليمن شايف نفسه اشو محمود ابو المجاري احله منه ..
YOU ARE READING
حوبه گلب سيد ج١+ج٢
ChickLitكسرتو قلبي وذليتوني وجنيتو عليه وانه سيد ومظلوم ومكسور قلب روحو عساها ما تعداكم واشوف بيكم الي يبرد كلبي
