حوبه گلب سيد ج١+ج٢

الحلقه ٢ ج٢

السلام عليكم ورداتي 💐
صباح  الخير على ورده منكم
رجعت وياكم بلحلقه ال٢ من الجزء ال٢ من حوبه كلب سيد
اترككم مع نسمه وعلي واحداثهم الجديده
لا تنسون تصويت وتعليق حتى اكمل باقي البارتات
🌺🌺🌺🌺🌺🌺

هواي عانيت قبل زواجي وبعد زواجي من علي وعانتيت بلغربه لحد ما تقالمت وهم عانيت من طلبت الطلاك

حسيت تبعثرت وضعت بعد ما تطلكت
بعد ما  لمني وخلالي علي كيان وشخصيه
حسيت تهت بعده
ضاعت علوم الفرح مني وكبرت سنين ببعُده
سنين واني اعاني كبرت وتغيرت
ضعفت ونكسرت ..
حتاجيته اكثر من حاجتي لنفسي ..
كمت احبه اكثر مني
اشم عطره بكل مره تروح فرح تبات عدهم من يجي من السفر ويريد يشوفها ..

ادمنته ادمان ..

وكأنه بس هو رجال بلدنيا خفت منه وعليه هواي خفت لا يضل ويه ذول الي خربو عليه شغله وبسببهم خربو عائلتنا ويضيع وخفت لا يلكه من تسد مكاني ..

بس الحمد لله هاي اني بعد سنين بغرفته وكاعده اتجمل اله لابسه احلى لبس يحبه واللون الي يفضله عليه الزيتوني وشعري نفس لونه الي ما احب اغيره وهاي يمي فرح لابسه البدله من البارحه لليوم مجلبه بيها وصارت سيان من الاكل والككاو والبهذله وبعدها بتسريحه شعرها الي ما تقبل تفتحها ولا تقبل تنزع البدله
: ماما فروحه تعالي خلي انزعج البدله صارت وسخه

: ماااة اني علوثه ...

: ادري بيج عروسه مو اني نزعت بدلتي وضميتها علمود ما تخرب انتي هم انزعيها توسخت كلبي

ركضت بره الغرفه وهيه تصرخ على بيبيتها : بيبيييييي بيبييييي تعالي لماما

رحت وكفت يم باب الغرفه وباوع عليها نزلت مجلبه بمحجر الدرج وتنزل بايه بايه عساس هيه مهزومه بسرعه وصوت العلويه ام عبد الله  من جوه يكول : ولججج نسمه شبيج وياهها ؟؟؟

تقربت وصرت كدام المحجر ونزلت راسي شفت فرح بحضن بيبيتها

بضحك رديت : والله عمه ما محاجتها بس كلت الها البدله تسينت ذبيها

جلبت فرح ببيبيتها وكالت : ماااااا

ام عبد الله : خليها نمونه تخربها نجيب الف وحده الها كم فرحه عدنه احنه ..واخذي خدها بوسه وذيج ما صدكت تتدلع على بيبيتها

عفتهن ودخلت الم الهوسه مالت الفرحه المكعبات والباربيات الي تارسه بيهم الكاع كل سفره يجيب علي الها ارواح الدنيا هاي بس الي هنا الي بيت اهلي بعده ما واصل هههه

الم واخلي بلصندوك الي جوه جربايتها خلصت كمت اخذت الاوراق والكارتات الي جابتهن امي البارحه وياها مالات اللقاحات والجناسي وكذا حاجه
خليتهن بلمجر الي بلكنتور ويه ما خليتهن وكع كارت اخضر اللون شلته وصفنت بيه
كارت لقاحات اجتي عيني على اخر موعد الها اخر لقاح اخذته
قبل هواي يعني بعد الها لقاح واحد وتخلص من تقبط ال٦ سنوات وهيه بعدها ب٥ اله
تاريخ اللقاح ذكرني بيومها
كعدت على الجربايه وبيدي الكارت وسرح بالي لذاك اليوم
اتفقنا اني ونغم نروح للعياده نلقح الجهال بس حسوني ابن سيف تنحس وما خله امه تروح فحضرت نفسي ولبست فرح ورحت وحدي المركز الصحي قريب علينا بعد شارعين
لبست جبه ولفيت الشال وخليت شويه مسكره وحمره سحريه على وجناتي وشويه على شفتي اخفي شحوب وجهي بيها
اخذت بيد فرح وطلعنا توها الساعه ٩ اغلب العالم نايمه لئن عطله وحاره فلناس ما تطلع هيج وكت
وصلت للمستوصف او المركز الصحي ودخلت لكيت صايره هوسه وسره بطول يوم السبت