حوبه گلب سيد ج١+ج٢

الحلقه ٤ ج٢

السلام عليكم ورداتي 💐

شونكم شخباركم ...

رجعت وياكم بلحلقه ٤  ج٢ من قصه حوبه كلب سيد

اتمنى لكم مشاهده ممتعه

🌺🌺🌺🌺🌺🌺

اخذتني رجلي لغرفتي فتحت الباب كاتمه صوتي ودموعي تجري على خدي ركض شمرت نفسي على الجربايه وخليت وجهي على المخده كاتمه صوتي الي طلع وصرختي الي لو نسمعت تهز البيت

ما حسيت اله نسحبت من ايدي بقوه ...

فزيت بخوف وكعدت كعود على الجربايه شفت علي كاعد نص كعده والقلق مبين على معاني وجها

: نسمه !!!!! شبيج ؟؟؟

مسحت دموعي واحاول ابعد الخنكه من صوتي : احممم ..ما بيه شي

رفعي حاجبه : كم مره كايل الج من اسألج جاوبيني لا تضلين ما بيه شي وماكو شي ..

بلعت ريك وكلت واني احاول اغير الموضوع : انته مو بره شون دخلت من النسوان ؟؟؟

عيونه تتفحص وجهي : من زمان هنا اجيت اسبح وابدل ملابسي ...

وكفت ورحت للكنتور : احضرلك ملابسك

وكف ورايه : لا ما يحتاج خلصت راح اطلع .

بلعت ريك واني اسد الباب مالت الكنتور من تقرب الي وانفاسه صارت بركبتي : من تروح العالم راح تسولفيلي شبيج ..تمام

جمدت بمكاني من طبع بوسه على كتفي وطلع درت على الباب اباوع للفراغ : شنو تريد اكولك بالله احجيلك على بت عمتك شون تحجي عليه وشنو الي كالته وبيمن شبهتني .... لو اعاتبك على الي سويته وياها... لو الومك لئن ما حسيت بيها ...

رحت غسلت وجهي وعدلت نفسي ونزلت لكيت حوراء وجهه ثكيل على ايمان وذيج ولا جنها كاعده
ابتعدت كل البعد عنها لا اريد احتك بيها ولا اريد اسمع سمها
مرات اكول مع الاسف على الشهاده الي شايلتها وهيه هيج حقوده وسماويه ..
ومرات انقهر عليها يعني فتحت عينها على الدنيا وهيه بأسم علي تالي من يخطبوها اله يعوفها ويروح يتزوج وحده ثانيه ..
ومو بس هاي حتى من ماتت شهد رجع امل الارتباط بيه وكطعوه من رجعو زوجوني اله .
فلهذا شدت حقدها علينا
ومرات اكول لازم ترضى بالامر الواقع وتشوف حياتها شكد يجوها خطابه حوراء تكول بس متريد متقتنع ما يعجبها شخص ..ما اعرف يمكن بالها جان اكو امل بأن علي يمكن يصير من نصيبها بيوم من الايام

خلصت المله وبدينا بلتوزيع وره ما خلصنا وبدت النسوان الغربه تطلع صعدت بسرعه بدلت ونزلت ويه نزلتي شفتها واكفه تسولف وتضحك مطيتني ظهرها ووجها بلمطبخ تقربت صرت خلفها وانصدم بعلي واكف وياها ويسولف

ناااار شعلت بيه دفعتها وفتت خزرت علي وفتت من يمه رحت للثلاجه اطلع مي درت عيني شفته يباوعلي ورافع حاجبه : هاي شبيج ليش هيج دفعتي ايمان ؟؟