متاهة مشاعر

البارت 35

: گعدت الصبح على أيد يزن يضرب بوجهي ويدردم ، وصوت سارة تارس البيت اتدور عليه

:كعدت الصبح عمتي فتحت باب غرفتي و دخلت زيون أجاني يركض ،البارحة نايم يم عمتي ، أخذته لحضني ، اوووف ماما شتاقتلك ، كمت حضرت الريوگ تريگنه اني و عمو وعمتي خلصنه لميت الميز وبديت عمو و عمتي راحو گعدو بالهول لان اليوم جمعة بديت انظف بالمطبخ انتبهت يزن ماله صوت صحت على عمتي
: عمه يزن يمچ
: هسه طلع من يمنه شوفي بالغرفة ادور و أصيح عليه
:ول يمه خاف صعد فوگ
: صعدت ركض يزن بحضن عُمر اشو هذا گام يصيح عليه
: ول حيوانه صوتچ واصل السابع جار چم مره أگلچ حسچ لا ينسىع
:اهووو بدينه بموشحات عُمر الي متخلص صوتچ ، طولچ ، شعرچ ، محچيت شي لان هو دائما يناگرني من وره صوتي هههه
گُتله راح احضرلك الريوگ نزل يزن وياك
: تعالي أنتي أخذي ، اشو هاي ترفعلي بحواچبها هههه عرفت شأريد ، يول تعالي أخذي
: ما ( الحكيم لا يُلدغ من الجُحر مرتين )
: اهااا
: نعم نعم ( تقلد حچايته ) هههه
: وتقلدين حضرتچ مو
: نعم نعم
: عجل بسيطه
: من گال عجل بسيطه اني خفت ههههه نزلت ركض
سوتله ريوگ هو نزل شايل يزن ودخل للهول اخذتله الريوگ و رجعت اكمل شغلي خلصت البيت وطلعت للطرم سحبت الطونده وفتحت المي و رحت اجيب الماسحه رجعت وأشوف يزن لازم الصونده ويشرب مي منگع روحه لك يزززن ضربته ودخلته للبيت سديت المي ودخلت واسمع الصيحه
:سااااارة
: دخلت للهول عُمر خازرني ضربتي مو
: متشوفه شلون ناگع بالمي گام عليه ولزمني من شعري وگعدني گبال يزن
:تعال حبيبي أخذ حگك احنه ثارنه ما يبرد
:عمو و عمتي يضحكون
:ول يابه عوفها بين الأم وابنها ماكو ثارات
:لا يابه دمعت يزن متروح هيچ
:لزم ايدي و خلاها بحلگ يزن
:يله حبيبي عضها وهذا ابني يضحك ويعض بيه يگز بسنونه ويهز رأسه حتى يعضني حيييل واني اعيط بي وكل ما اعيط يگُله ، حيل حبيبي حيل عضها
: يول تعوفوها لا والله اگوم اطردگم ثنينگم منلبيت
:يله حبيبي كافي اخذنه حگنه امشي روحي جيبيله ملابس النوب أخذ ايدي يفرك مكان العضه سحبت ايدي ورحت اجيبله ملابس ( مخبل نسه نفسه يفرك بيدي )

:من شفت أيدها هذا الحيوان سنونه حافرات أيدها هههه
فرگتها الها سحبت أيدها انه صدگ انسه نفسي مرات ، چم مره ابويه لاگفني ادحگ عليها هههه بس يغلس عليه هههههه

:جبتله ملابس وردات البسه مقبل أخذهم مني وهو مخلي بحضنه گبال الصوبة نزعله ولبسه ملابسه وجواريب
عمه شسوي غده ؟
:لاتسون مشتهي سمچ اشوي بره و أجيبه

: طلعت اكمل خسل الطرم سمعت صوت سيارة بالباب دخلت نور
:صباح الخير
:صباح النور ، اني بقيت اكمل بشغلي ، خلصت ودخلت للهول عمتي و عُمر بحضنه يزن و نور گاعده يمه ، رجليناتي متگرمعات من البرودة مال مي
: ول يمه تعالي گربي ع الصوبه دفي رجليچ
:گعدت يم عمتي نور گالت
:سارة أنتي ما تستحين تلبسين تراكات يعني عادي گدام عُمر هيچ تلبسين
أم عُمر : ول عمه سارة مو جديده علينا هذا لبسها من اول ما دخلت بيتنه وهي ما تأخذ راحتها بالدشداشه إذا تشتغل
:اي عمه بس انه احسها عيب هيچ تلبس مو قصدي شي
: وليش استحي لبسي مستور لو جسمي ضخم مثل جسمچ چان صُدُگ عيب لان يطلع نشاز هذا البس بس اني رفيعة ، تريد تحرجني گدام عُمر بس اني مسكتلها اباوع لوجهه راح تنفجر و عُمر يسوي نفسه يمسح بلحيته وهم ظام حلگه من الضحگ گال انه راح اطلع اجيب لغده عاد طلع صعد يبدل و عمو طلع لصلاة الجمعة اني بعد مگعدت يمها بقت گاعده يم عمتي وره
ساعة رجع عُمر چايب الغده و عمو هماتين رجع من الصلاة گمت خليت السمچ بصواني و اني محضره الزلاطه واليمون لبن و تمر هماتين فرشت السفرة وحضرتها وهي گاعده يم عُمر ولا تركته أبد ، گعدنه
تغدينه و خليت الچاي ع النار ورجعت لميت السفرة و رجعت أخسل بالمواعين ، يزن لازم رجلي ويبچي نعس ، عُمر سمعه وأجا