متاهة مشاعر

البارت 28

: دحگتها خطيه مبينه متأذيه گوه تمشي من الألم طلعنه صعدت بالسيارة خلت راسها ع الشباك مال سيارة بس احس گلبي ينعصر من ادحگها تتألم ، ول أبويه شنو اليوجعچ
: ألم ابطني موتني احسها تتملخ من الوجع
:وصلنه نزلتها بالباب مال العيادة ، انزلي انتظرني هين اخلي السيارة بالگراج و ارجعلچ ، دخلنه بقينه ننتظر دورنه ، دخلت ع الدكتوره و بعدين رجعنه للمختبر سوينالها تحاليل ، طلعت عدها إلتهابات بالمثانه ، سجلتلها علاج جبته وشدت كانونه للأبر و طلعنه نعبر الشارع هي گوه تمشي شلون تعبر الشارع اخذت أيدها
بس احس جسمي كله تكهرب وهي أيدها بأيدي تمنيت ما يخلص الشارع و اترك أيدها بس ابد ما ألتفتت عليها وهي  أيدها زغيرونه ضاعت بيدي ،

:من طلعنه و دنعبر عُمر جر أيدي اخذها بيده اني خجلت بس السيارة سريعة و اني تعبانه ، ايده دافيه هذا الي اجه على بالي بوقتها ، بس لمت نفسي شلون هشكل فكرت ويه روحي

:وصلنه البيت و أني احس بنشوة عجيبه من لمست أيدها
#متاهة_مشاعر
للكاتبة _مهرة
@mohra_9_30
:دخلنه خطيه عمتي تلگتنه
:ها يمه شگالتلج الدكتوره سولفتلها بس احس نفسي شويه الألم خف لان بالعيادة وأخذت علاج شلت زيون
اوووف ماما شتاقتلك من الصبح ماادري بيك أبوس و اشم بي أنتبهت عُمر يباوع عليه و هو مبتسم اخذت زيون و دخلت لغرفتي

:صعدت لغرفتي مادري شحس اضحك على نفسي لان تمنيت نفسي بمكان يزن وهي تبوس بي لمست أيدها بعدها مأثره بيه ، شمعنه هي ليش ما حسيت بهذا الشئ ويه نور ، اتذكرت نور و ضجت بقيت بغرفتي لحد مصاحتني امي ع العشا
:أم عُمر صيحي سارة خل تأكل شويه عجل تبقى بلا أكل من الصبح لهسه ، لا هسه تجي صحتها

گعدنه نتعشه بالهول شويه ونسمع صوت عمو صباح صاح وينهم صاحله عمو تعال أبو كنعان بالهول
دخل عمو صباح زيون بصفي مگعدته دياكُل سلم عمو صباح ودنگ باسني براسي و گال شلونها لحلوه وأخذ زيون بحضنه
: بخير عمو أنت شلونك والله مشتاقتلك بهل اثناء دخل كنعان و نور سلمو ويحلفون بينه أبقو كملو اكلكم لتگومون لتفتت عُمر خزرني عرفته لان بلا حجاب گمت و طلعت رحت اسوي چاي

: چاي نتعشه و اجه عمي سلم و باس راس سارة
أستغفر الله هذا عمي يريد يجلطنبي سلامه لو حضن لو بوس شلون أنه بي أثاري نور و كنعان يمشون وره وهي بلا حجاب ما تحملت كنعان يشوف شعرها خزرتها حتى تطلع

:داسوي چاي النوب اجوي بيت أبو خالد رنا و خالد وخالها و مرت خالها سلمت عليهم
:ول شلون صرتي والله بالي ضل يمج وهسه بس راح الخطار و گفت وگفه على خالد حتى يجيبني اشوفچ
:لا الحمد لله هسه احسن بس إلتهابات قويه طلعت عندي
: والله ما گدرت أجي أخذج تعرفين عدنه خطار
:لا رناوي حبيبتي معذوره
:سرى و سيف هم راح يچون هسه
: شويه و اجت سرى صايره چنها بطريق من الحمل هههه
سرى : يوالي شلون صرتي شو تلفانه
:دمشي امشي اني تلفانه دباعي نفسچ شلون صايره ههههه
: تقلدين حضرتج بس العتب على انه اجيت اشوفج

:ومشت و اني و رنا نضحك عليها

حضرت الچاي وچنه مسوين كليچه هم خلينه ،اخذناها اني و رنا ، الهول متروس عُمر اجه أخذ مني الصينيه اني بقيت و اگفه و احچي ويه عمو صباح و اضحك  ،هو وزع الچاي و گعد بالركن شافني بقيت و اگفه خزرني و اشرلي  بعيوني أگعد وره ما اعرف شبي صاير حچيه وياي كُلها خزرات گعدت وره بس نور بقت تتأفأف ،اوي شسويلهم مهتمتلها ...

سرى همست ل رنا
: يول رنا انتبهتي على عُمر
: رنا تضحك خلاها وره حتى محد يدحگ عليها وبت عمچ راح تطگ هههه

:چابت الچاي و باقيه و اگفه تستعرض طولها ، شلون انه وياها ، لا والنوب تسولف و تضحك ويه عمي وكنعان مآخذه الواهس يضحك على ضحكهم  اشرتلها تگعد وراي ما اريد احد يدحگها
#متاهة_مشاعر
للكاتبة _مهرة
@mohra_9_30