كلمات لطميات باسم الكربلائي وغيره من الرواديد ٢

٦١.طفو القمره

(ليلي طفوا القمره لو ضوه الزهره دجاوب يليلي
ويلي انحفر عظمي لو قبر امي دجاوب يليلي
امي يا ضي الشمع ينتهي باخر دمع)

هذه نعش امي لو نعش عمري
هذه قبر امي الحنينه لو قبر صبري
هذه تيزاب عله خدي لو دمع يجري
للحزن والهم بعدهه سلمت امري
راحت شمعة سنيني ضي الي بعيني خذوهه من ايدية
طاحت خيمه احلامي صارت ايامي بعدهه أذية
والونين من الضلع ينتهي باخر دمع

يالحملت جنازه امي احرص عليهه
بالمشي يلجم جرحهه خوفي تاذيهه
شايل الدنيه و ضواها و غربت بيها
خلي دمعات عله جفها من تواريها
زينب اني يالبضعه ما الج رجعه
ييمه. هضيمه
انحب يمه حاجيني لاتخليني غريبه و يتيمه
يمه صوتي الينسمع ينتهي باخر دمع
غافي جرح امي يبويه و ابالك اتقعده
اية القربة جفنهه و سورة السجده
من قطع وردة محمد؟ من سطر خدهه؟
١٨ دمعهه عمرها وماتت الورده
وينه حضنج الدافي صوتج الغافي
حنينه ييمه
بينه جمره اغيابج مو جمر بابج شملنه شيلمه
ما اظن هذه الوضع ينتهي باخر دمع

امي من شالوا نعشها شالوا عيوني
سوده كل الدنيا صارت لاتلوموني
ماعدا كلمه ييمه لاتسمعوني
كلمة اليمه اشثگلهه تكسر امتوني
ناري تسعر بضلعي مانفع دمعي و انام بجمرهه
داري ماجي ليهه امي مو بيهه و اتابع اثرهه
والحزن ما ينقطع ينتهي باخر دمع
يمه اتمنه دموعي بقد معاناتي
حته اغرق الدنيه كلهه بموج دمعاتي
ونتي صغيره عله قدي حته صفناتي
تنتهي الدنيه و اهلهه و تبقه مأساتي
روحي للقبر طارت بيا كتر صارت
عفتهه بحزنهه نوحي مارحت ليهه انظر عليهه و اعاين دفنهه
والعله امه ينفجع ينتهي باخر دمع

هذه دخان الجريمه يكشف الصورة
تحترق خيمه شفتهه واني مذعوره
انظر جفوف وشريعه وهامه مطبوره
خيل انظر يمه تسحك جثه منحوره
وسفه جني بالهيمه تحترك خيمه و اشاگف بديه
كلفه اني بت حيدر تالي اتيسر واصيرن سبيه
صوتي للشط يرتفع ينتهي باخر دمع

بعدج مصاب الصميده يهدم اركاني
من يروح الوالد ابقه بذمه اخواني
شلون لو راحوا اخوتي وين اروح اني
حرمه مسبية و غريبه ويه عدواني
تالي عالهزل لني ينسمع وني يحيدر يبويه
حالي امشي بالوادي والشمر حادي وانادي يخويه
والقلب من ينصدع ينتهي باخر دمع