I'll never fall in love with you(დასრულებული)

თავი 2

  -ჯანდაბა!- ვოხრავ , როდესაც ტელეფონის ზარი მაღვიძებს.

-გისმენთ!- არც კი ვუკვირდები ისე ვიღებ ტელეფონს. გაბრაზებული ვპასუხობ.
-ჰმ. ჰეი ლისა,  ჯემა ვარ , როგორ ხარ?- მართლა ჯანდაბა!. უხეშად ვუპასუხე ეს კი ნამდვილად არ მომწონს.
- კარგად , მადლობა და შენ როგორ ხარ?- ვპასუხობ- და ბოდიში უხეშად გიპასუხე.
- მეც კარგად.. არაუშავს ლისა- მეუბნება და იცინის.- ხო მართლა, საუბარში დამავიწყდა რისთვის დაგირეკე..
- რა ხდება?- დაინტერესებული ვეკითხები.
- იქნებ ამ საღამოს ჩემთან მოხვიდე?
- რატომ?
- გავერთოთ.. რამეს ვუყუროთ და ასე შემდეგ.. არდადეგებია ამიტომ სახლში ვერ გამოიკეტები, როცა სკოლა  დაიწყება  ინატრებ ასეთ დღეებს- ისევ გაიცინა.. როგორ არის ეს გოგო ყოველთვის პოზიტიური?
- ჰჰმ.. არ ვიცი ჯემა.. თან ჯერ კლარისას უნდა ვკითხო..
- ეს უკვე მოვაგვარე.
- რას გულისხმობ?
- კლარისასთან დღეს დავრეკე და ის თანახმაა , რომ აქ მოხვიდე...- ცოტახნით დადუმდა ,მაგრამ  შემდეგ ისევ გააგრძელა- აბა?. მოხვალ? გთხოვ მოდიიი..
- ჰჰჰმ.. ჰო კარგი მოვალ- ვუთხარი. სიმართლე , რომ ვთქვა წასვლა არ მინდა. მინდოდა დღეს სახლში ვყოფილიყავი  და თან არ მინდა მათთან ხშირად ვიარო , ჯემა მხოლოდ გუშინ გავიცანი. მაგრამ რაც არის არის..  იქ , რომ მივალ ცოტას გავხალისდები მაინც..

საწოლიდან ვდგები და მომზადებას ვიწყებ..
სპორტულ ტანსაცმელს ვიცმევ და სამზარეულოში ჩავდივარ. ჯემამ თქვა საღამოსო ანუ დრო მაქვს ,რომ ცოტახნით გავისეირნო.

-დილამშვიდობის- მხიარულად ვამბობ.
- დილამშვიდობის ლისა-მიღიმის კლარისა. ლოყაზე მკოცნის და თან ჩემს წინ შოკოლადის ბლინებს დებს.
- ოოჰჰჰ როგორ მიყვარს- ვთქვი და საუზმობას შევუდექი..
- დღეს მიდიხარ ხომ ჯემასთან?
- კი წავალ.. ძალიან მთხოვა და უარი ვერ ვუთხარი..
- მიხარია , რომ დამეგობრდით.- იღიმის.
- მეც..- ვამბობ და საუზმობას ვაგრძელებ.- დეიი..
- გისმენ ლისა..
- შენსა და ბენს შორის ყველაფერი რიგზეა ხო?
- კი.. რატომ მეკითხები
- არაფერი.. ისე უბრალოდ გკითხე..
- ლისა!
- გუშინ ბენი ძალიან დაძაბული იყო ვახშმის დროს და მაგიტომ გკითხე.- თავი ავწიე და კლარისას შევხედე.
- გასაგებია...- თვალს არ ვაშორებდი.. კლარისა მიხვდა , რომ ხოლოდ სიტყვამ "გასაგებია" არ დამაკმაყოფილა და მეტი მაინტერესებდა, ამიტომ ამოიოხრა და განაგრძო.- ბენის დაძაბულობის მიზეზი მისი მეორე შვილი იყო.
- მაგაში რას გულისხმობ?- უფრო დავინტერესდი
- ვახშამზე არ იყო, ბენი ამის გამო გაბრაზდა და თან მისი შვილი როგორც გავიგე- გაჩუმდა . ალბად შესაფერის სიტყვას ეძებდა.- რთულია.
-აჰამ- ვამბობ და ჭამას ვაგრძელებ. არ მინდა კლარისა ამ თემაზე საუბრით დავღალო და თან არც ის მინდა ,რომ დილით რომელიმეს გუნება გაგვიფუჭდეს.