Cinderella and the Seven Masters

Chapter 19

"Finn!"

Mabilis kong naitulak si Finn mula sa pagkakayakap sa akin. Ramdam ko ang talim ng mga matang mariing nakatitig sa amin. Ilang metro lang ang layo namin mula sa kinatatayuan ni Drake. Napapagitnaan sya ni Diane at Dwight.

Buong tapang kong sinalubong ang mga matang puno ng hinanakit. Sa talim ng bawat titig nito sa akin, para na ring tinutusok ang puso ko ng sandaang punyal. Agad akong nag-iwas ng tingin dahil doon.

"S-sige aalis n-na ako. Bibisita na lang ulit ako bukas." Mabilis kong tinahak ang daan palabas ng ospital. Saglit kong sinulyapan si Dwight at tipid itong ngumiti.

Napahawak ang kaliwang kamay ko sa dibdib habang ang isa'y nagawa ko pang ihawak sa pader para di ako mabuwal dahil sa pinaghalong kaba at sakit na nararamdaman. Ramdam ko ang lamig ng mga kamay ko at pangangatog ng binti, dumagdag pa ang gutom na ngayon ko lang naramdaman.

Dumaan muna ako sa convenience store para makakain kasi pakiramdam ko ay maduduwal na ako dahil sa gutom. Maghahating gabi na nang makabalik ako sa mansion. Dahil sa pagod ay agad kong ibinagsak ang katawan sa malambot na kama. Gusto ko pa sanang mag ayos ng mga gamit pero di na talaga kinaya. Bumigat ang talukap ng mga mata ko bago ko pa maisipang bumangon.

Ang nakakabinging katahimikan ang gumising sakin kinaumagahan. I'm wondering kung umuwi ba ang mga Vergara kagabi. Mabilis akong bumangon at ginawa ang morning rituals ko. Nang makapag ayos na ng sarili ay pa simple kong sinilip ang nakahilerang mga pinto ng mga kwarto ng mga Vergara.

"Good morning!"

"Ay kabayo ka!" Natutop ko ang bibig dahil sa gulat. Ilang segundo pa bago ko nakilala ang tinig na iyon. It was Diane. Why she's still here?

"Oh I'm sorry, did I startled you?" aniya sa malambing na boses. Umiling ako at tipid na napangiti. Assuring that it's fine with me. Ayokong mag-isip ng masama sa kanya pero may kung ano akong nakita sa mga mata nya. Muli ko syang pinagmasdan pero agad itong napalitan ng kislap.

"Good morning Drake. Are you hungry?" Agad akong napalingon. Ngumiti si Drake sa kanya kasabay ng isang pagtango. Nang dumako ang tingin nya sa akin, ako na ang umiwas.

"Okay, give me 15 minutes. Di pa ako nakakapagluto eh." I badly wanted to ask why she's still here, doing the things I used to do pero hinayaan ko na lang.

Dumiretso ako pababa sa kusina para tumulong sa paghahanda ng breakfast.
Sumunod si Diane sa akin.

"Are you sure ikaw na ang magluluto? I can help if-"

"No, I can manage. I studied culinary arts abroad kaya nasisiguro kong kaya ko, you could set the tables then if you want to help." She smiled.

Tumango ako bilang pagsuko. Kinuha ko at pinunasan muna ang mga utensils bago ko inihanda sa mesa. Ilang minuto lang ang lumipas nang makarinig ako ng mga yabag, magkasabay na naglalakad sina Drake at Yuan palapit sa mesa. Yuan is wearing a plain V-neck shirt with faded jeans, while Drake is still topless. Pinapatuyo nito ang buhok gamit ang isang tuwalya.

Nagbukas ito ng refrigerator at kumuha ng pitsel. Maagap ko syang inabutan ng baso. Tiim bagang nya lang itong tinitigan. Bumagsak ang balikat ko dahil doon at bigla na lamang nadulas ang baso sa kamay ko. The shattering noise of the glass echoed. Kumalat ang maliliit na bubog sa sahig.

"I-I'm sorry. " Mabilis akong naupo para pulutin ang mga bubog sa sahig.

"Wag!-" Dalawang boses ang sabay na nag echo sa buong mansion.

Sandali akong natigilan dahil sa pwersang pumigil sa mga kamay ko sa aktong pagpulot. Yuan gripped my hand. Mahigpit ang pagkakahawak nya.
Agaran ko itong binawi nang mapagtanto ang nangyari.