بيداء:ذكرت جارتنه ام سالم خفت اصعد بتكسي خاف يصير شي وخصوصا اني وحدي ضليت امشي واسئل ع منطقتنه للضهر يلا وصلت
كدام باب جوارينه ام سالم دكيت الباب طلعتلي رشا بنته
رشا:بيداااء تعالي دخلي
بيداء:بالكوه احجي من العطش دخلت للبيت واني اكح جابتلي مي شربته طلعت ام سالم
ام سالم:شفت بيداء هجي حالته رحت اله ركض يمه بيداء شبيج ولج يمه شبيج
بيداء:سالتني شبيج بسرعه بجيت من هذا سواله
ام سالم :يمه تعالي دخلي هنا بالغرفه جوه
بيداء:دخلت للغرفه كعدتني خطيه وحطت راسي بحضنه وتمسح ع شعري اووف محتاجه حضنج يمه
ام سالم:يمه شصاير بس فهميني صاير شي بس لا صار شي موزين يمه جاوبني خاله شبيج
بيداء:رفعت راسي اله واني اشهك من البجي خاله فدوه لتخليهم ياخذوني
ام سالم:منو يمه شصاير سولفيلي
بيداء:خاله من توفت بيبي خلتني امانه عد ضياء الولد الشترته البستان من عدنه وسولفت اله كلشي ........................ خاله والله
ماشفت الراحه عدهم والله خاله اتهمنو بذي اني ممسويته
ام سالم:كافي يبعد خالتج وعمره الله يطلع حقج والله يخاله ع بالي ودائما نسئل المدير عليج ويكول زينه
بيداء:والله خاله شفت المر هناك مشفت الراحه ابد وامهم اسمعني حجي واني بالكوه اسكت واتحمله
ام سالم:ارتاحي بنيتي الله كريم كافي يمه
بيداء:مسحت دموعي وخطيه بنته رشا تبجي ع بجيي اني وياه علاقتنه حييل قويه
ضياء:كاعد بالمكتب الصبح وخابر جدي عليه فنحت الخط هلا جدي صباح الخير
الجد:هلا ابني ابني بيداء عدكم اجتكم لو لا
ضياء:لا والله جدي ليش هي غير عندك
الجد:لاابني مموجوده بالبيت دورنه عليه ماله اثر
ضياء:شششنو لعد وين راحت
الجد:ابني شوفه خاف رايحه لبيتكم
ضياء:اي جدي هسه صار سديت الخط استغفر الله ياربي هاي وين راحت معقوله شردت لا لا ممعقوله حتى او شردت قابل وين تروح
دكيت ع روى كالتلي مموجوده طلعت من المكتب خابرت ابوي
الاب:هلا ضياء ابني
ضياء:بويه بيداء مموجوده بيت جدي
الاب:شلون يعني
ضياء:بويه جدي قبل اشويه خابرني وكالي مموجوده بالبيت كعدو الصبح لكوه مموجوده ماله اثر
الاب:شلون يعني وين راحت
ضياء:معرف يابه معرف اني اروح ادور عليه سديت
الاب:الله وياك ابني
ضياء:سديت الخط افتريت الشوارع كله متكو اله اثر ضليت ادور حتى بالمحلات ادخل خاف موجوده بمحل كاعده بس ماكو اهر شي
ايست رحت لبيت جدي الساعه ب9 بالليل لكيت الكل موجود عمامي ونسوانهم وولدهم
الجد:شفت ضياء كمت اله هااا ابني بشر
ضياء:شجاوب جدي دنكت راسي وكعدت وخليت ايدي ع راسي واني مدنك
الجد:ابني احجي شكو
ضياء:شحجي جدي شحجي
ابو ضياء:ابني لكيته لو لا
شياء:مالكيته دورت عليه كل شارع مخليت شي مرحت اله حتى المحلات دخلت الهن بس ماكو اله اثر كانو الكاع نشكت وبلعته
الجد:من سمعت هجي بنيه وصغيره وهي حلوه خطر كلشي ع بالي متحملت ووكعت
ابو ضياء:ولكم خابرو ع اسعاف بويه بوويه بوويه جاوبني
ضياء:جدي وكع كله التمت عليه خابرنه ع اسعاف اجتي اخذته رحنه وراهه للمستشفى طلع الدكتور دكتور بشر
الدكتور:المريض مرتفع عنده الضغط والسكر وتعرض لجلطه
ابو ضياء:بوويه 😭😭
ضياء:اباوع للكل انخبص خبص وهسه دكتور شلونه
الدكتور:مكدر انطيك كلمه راح يضل بالعنايه المشدده تحت المراقبه
ضياء:مشكور دكتور تعبناك
الدكتور:العفو ولوو
ضياء:اختنكت من المستشفى احس الهوه ضاك بصدي بس اريد اجر النفس عفتهم وطلعت بالحديقه كعدت بس اريد اجر النفس
كوه اجره 😧😧 اووف ربي ليش خليته بطريقي المصيبه جدي وكع بس لايموت
بيداء:اجه ابو سالم حاجيته وكتله لتكول اني موجوده عدكم
ابو سالم:بس بنتي اعقل منطيه خبر الهم
بيداء:عمو اذا حملي ثكيل عليك كول حتى اطلع منا
ابو ئالم:لابنتي شنو هل حجي بنتي انتي مثل مابنتي رشا بس يبنتي ميصير هذا تصرفج غلط
بيداء:عمو تصرفي صح مقارنه وي الشفته عدهم من ضيم وقهر ومذفت الراحه عدهم
ابو سالم:والله بنتي معرف شكلج بس العندي اكوله الله يريح بالج واعتبري هذا البيت بيتج احنه نطلع وانتي ضلين
بيداء:تسلم عمو الله يحفظك بيداء مرت الايام واني عد بيت ام سالم مرات اطلع اباوع لبيتنه ولبستانه انقهر لان غيرو كلشي
بالبستان حتى مساحه بيتنه اخذوه من ضمن البستان صفيت وصفه الدهر
بيه لااني ماخذه حقي وكاعده ولااني كاعده عدهم ومرتاحه
ضياء:مرت الايام واحنه ندور عليه تركت الدوام ضل كل همي الكاهه اطلع من الصبح لليل يلا ارجع وارجع واني معرف شي عنه وجدي
بالعنايه المركزه تحت المراقبه مخلينه تقريبا اسبوعين ماداومت بعض الصفقات محضرتهن وخسرت بيهن رجعت داومت الكل يسئل
ع حالي اعتذرت لان متواجد بالشركه صارلي فتره حضرت صفقه واتفقنه عليه رجعت لمكتبي راسي دايج بسبب التفكير والليل
ماانامه صحت ابو سالم
ابو سالم:شلونك استاذ شخبارك
ضياء:الحمدلله بخير ابو سالم ممكن اسويلي قهوه
ابو سالم:اي حاصر استاذ
ضباء:راح ابو سالم يسوبلي قهوه سواه الي وجابنه
ابو سالم:نفظل استاذ
ضياء:تسلم ابو سالم عاشت ايدك
ابو سالم:مشكور استاذ الله يسلمك استاذ ممكن سوال
ضياء:تفظل ابو سالم
ابو سالم:بيداء شلونه ان شاء الله زينه
ضياء:والله ابو سالم معرف شنو اكلك
ابو سالم:خير استاذ
ضياء:والله ابو سالم بيداء مختفيه صارله فتره صارت مشكله بالبيت ومن بعده وديناه لبيت جدي وره فتره لكيناه طالعه من البيت دورت
الدنيا عليه ماليكته المصيبه جدي صارت بي جلطه والله مستعد كلشي اسوي حتى الكاهه وترجع
ابو سالم:استاذ بيداء موجوده عندي بالبيت
ضياء:من كالي ابو سالم بالبيت عنده بيداء صدمني يعني كل هل فتره عنده هي ومكالي معقوله هجي ابو سالم مجنت متوقعه منك
ابو سالم:اسف استاذ بس والله هي كالتلي لتكول واني مكدر اسكت اكثر بعد لذلك كتلك
ضياء:ابو سالم ممكن تاخذني لبيتك
ابو سالم:اكيد استاذ
ضياء:يلا لعد طلعت من الشركه واخذت وياي ابو سالم واني ممصدك وصلنه للبيت نزلت
بيداء:كاعده بالغرفه اني ورشا نسولف اندك الباب اكعدي اني اروح افتح الباب اكيد هاي خالتي لو سالم رحت فتحت الباب ونصدمت
ضياء:نزلت من السياره دك الباب ابو سالم واني واكف وراهه فتحت الباب بيداء ضلت صافنه بوجهي
بيداء:شفت ضياء كدامي حسيت الدنيا وكفت دخل هو وابو سالم وسد الباب اني ضليت واكفه بمكاني
ابو سالم:تعالي بنتي استاذ تفظل
بيداء:دخلنه للغرفه عافنه ابو سالم كال انتم اخذو راحتكم ضليت اني واكفه ممصدكه ضياء اجه ووعرف مكاني
ضباء:ضليت بس اباوع بوجه وهي صافنه لزمته من جتفه ليش هجي سويتي
بيداء:سحبت روحي من ايده المن جاي هنا مكفاكم السويتو بيه
ضياء:جاوبيني ليش هجي سويتي
بيداء:تسالني ليش هجي سويت لان تعبت منكم مشفت الراحه عدكم اطلع مريدك كدامي اطلع مريدكم كلكم اكرهتكم
ضياء:صوتج لتعلي نصي اول شي وثاني شي جاوبي بهدوء
بيداء:لا منصي صوتي وشلون تريد اجاوبك بهدوء بعد كل الشفته عدكم من ذله واتهامات امك الخبيثه ذبت عليه تهمه وحتى من طلعت
من البيت مخلصت منه تحجي كلام مثل السم اسمعه واسكت
ضياء:ضليت صافن بوجه اول مره اشوفه بهاي الحاله عصبيه وفقدت حجت ع امي
بيداء:امك اكبر خبيثه المن جاي ليش اجيت اكيد تريد تكمل عنه انته وامك كلكم خبيثين والحقاره انته ساسه عرفتك حقير من اخذت البستان مغرور اطلع انتم وحوش مو بشر الحيوان ارحم منكم احجي ومااحس الا راشدي نضربت 👋👋
ضياء:ضلت تحجي امك وامك غلطت عليه تحملته بس من كالت حقير ومغرور متحملت ضربته راشدي هي سكتت
بيداء:ضربني راشدي نصدمت بيه اكثر صدك الحيوان ارحم منهن ضليت اصييح اطلع
ضياء:ضلت تصيح بوجهي اطلع خليت وطلعت
بيداء:كعدت ابجي ع حالي دخلت رشا عليه لكتني ابجي حضنتني وضلت تواممسويته
بلاةزواؤراةالاة
ضياء:طلعت بسياره رحت كعدت ع شط اتصل ابوي عليه واني كاعد رفعته
الاب:هلا ابني وينك
ضياء:هلا بويه اني كاعد ع شط
الاب:بشر ابني معرفت شي عنه لبيداء
ضياء:بويه عرفت بيداء وين
الاب:ششنو صدك وين لكيته
ضياء:بويه ابو سالم الموضف العامل العندي جوارينهم وطلعت رايحه عنده واليوم يلا كالي وجانت هي كايلتله ميكول الي
الاب:الله يبشرك بالخير ابني اني رايح ابشرهم
ضياء:براحتك بويه سديت الخط من ابويه اذكرت شلون من ضربته راشدي اووف اني شسويت راح ابوي خبرهم اني لكيت بيداء وجدي
طلع من المستشفى وطلب منه انجيبه راح ابوي اله هو ورى
بيداء:من بعد مطلع ضياء من البيت ضليت عد بيت ام سالم كاعده ودخلت عليه روى
روى:بيداء وشبكته
بيداء:شبكته وضليت ابجي وهي ضلت تبجي وياي
روى:وين رحتي يمعوده خليتينه عايشين بخوف عليج
بيداء:روى اني تعبت تذكرين اخر مره من اجيتي بيه وصعدتي للغرفه يمي كعدتي لمن نزلتي امج سمعتني حجي وطلعتني اني
معندي اخلاق تعرفين شنو معناه هذا الحجي وشكد صعب عليه
روى:اووف والله عرفته كلت معقوله امي متسوي شي
بيداء:شنو ذنبي حتى يصير هجي وياي ذنبي لان اجيت للبيت وعشت وياكم وفوك هذا كله ضياء اجه هنا وضربني
روى:😵😵😶 شنو ضياء ضربج
بيداء:اي اجه هنا واني صرت عصبيه وهو ضربني
روى:اووف والله معرف شنو احجي بس ضياء ميحب شخص يصير عصبي بوجه حتى قبل لتتوفه حبيبته
بيداء:😵😵😵 ليش جانت عنده حبيبه
روى:اي جانت عنده حبيبه وحتى قررو يزوجون بس الله مكاتب بينهم الزواج
بيداء:ليش شنو صار
روى:حبيبته توفت ............... حجيت كلشي اله عن علاقه ضياء وضياء صارت حاله هجي بعد وفاه حبيبته شكد حاولنه نغيره بس
مكدرنه
بيداء:حتى لو بس مومعناه يمد ايده عليه
روى:والله ضياء كلبه طيب وماكو مثله بس هو كلبه نكسر بس وفاه حبيبته
بيداء:ايي بس مو مثل كسرت كلبي الصارت بيه بسببكم جاي نحجي ودخل ابو ضياء علينه
ابو ضياء:شلونج بنتي
بيداء:هلا عمو بخير الحمدلله
ابو ضياء:دووم ان شاء الله بنتي يلا بنتي حضري روحج
بيداء:ليش احضر روحي
ابو ضياء:حتى ترحين وياي بنتي الوالد طالبج
بيداء:اعذرني عمو ع هل كلام اني مريد اروح لان من دخلت بيتكم ابد مشفت الراحه واسمع كلام واتهمتوني بشي اني ممسويته
لذلك اني مالي وجود بينكم
ابو ضياء:بنتي حقج والله بس الولد صارت بيه جلطه من اليوم الختفيتي بيه وضل بالمستشفى بس من سمع لكيناج صارت حالته احسن
وطلبج
بيداء:مدر عمو اعتذر مريد شي الاريده بس تنطوني حقي حق البستان وعوفوني
ابو ضياء:بنتي لخاطره هو عوفيج منه وكل التحجي حقج والله مفرفح كلبه عليج ويريد بس يشوفج
بيداء:انكسر كلبي عليه هو خوش رجال وطيب كلبه ماشي عمو بس بشرط
ابو ضباء:امري بنتي شنو
بيداء:بس اشوفه مظل هناك يعني ترجعوني لهنا
ابو ضياء:ان شاء الله صدكي ارجعج لهنا
بيداء:بدلت ورحنه لبيت جد ضياء دخلت خطيه تلكاني لكيت الكل موجود سلمت عليه ضل يبوس بيه ممصدك رجعت اله
الجد:شلونج بنتي شخبارج
بيداء:الحمدلله تمام بخير انته شلونك
الجد:بشوفتج الحمدلله بنيتي ليش هجيس سويتي
بيداء:اعتذر جدي بس السويته بسبب الشي الصار والشفته اني من اجيت وتعرفت عليكم شفت بس الضيم والقهر واسمع حجي
مثل السم واتهمتوني بسرقه سوار روئ اني مريد شي الاريده بس تنطوني حقي حق البستان
الجد:حقج بنتي وان شاء الله حقج تاخذيه
ضياء:كاعد واباوع عليه ابد مرفعت عينه وباوعت اذكرت شلون من ضربته وذكرت عصبيته
الجد:مدام الكل هنا مجتمع قررت قرار وهل قرار الكل الاطراف يرضي اول شي حق البستان تاخذه وثاني شي قررت ازوج
بيداء من ضياء
بيداء:كاعده اسمع للحجي ونصدمت من كال يزوجني لضياء ذكرت شلون من ضربني
ضياء:كاعد وسمعت حجي جدي صدمني بكلامه
ولهنا خلص البارت طبعا مراح اكتب بارت ثاني لان باجر
راح تصير تكمله القصه ولحد تنكول بارت قصيره البارت اكثر من كل مره
رائيكم وتوقعاتكم انطوني
زهراء الغرابي......
