ضياء:ضلينه كاعدين اني وابوي اخر شي حاجينه الممرضه وانطيناه الرقم وكناله شنو يصير تخابرنه وحاجينه الدكتور ع حالت ام ابراهيم كال ماكو تحسن وحالته تسوء اكثر واكثر لان مره جبيره بالعمر وهي مريضه رجعنه للبيت تعبانين لان من الدوام للمستشفى طلعنه وبعدين رجعنه للبيت صعدت للغرفه تعبان وبس اريد ارتاح دهلت للغرفه ذبيت روحي ع جربايه وشمرت الجهاز احس جسمي مكسر من التعب نعست كمت كوه بدلت لبست كيمونه وشورت قصير ونمت
بيداء:احترك البيت ضليت اصرخ بس شفت بيبي كوه تمشي تريد تدخل للمطبخ ضليت اصرخ لا بيبي لا لدخلين بعده محسيت ع شي وشنو صار انغمه عليه ماحسيت ع نفسي والا اني بمكان مشايفته بعمري فتحت عيني شفت غرفه واني ع سرير درت وجهي لكيت بنيه لابسه لبس مختلف
سالته اني وين كالت انتي بالمستشفى كتله جابني هنا وبيبي وين كالت اهدي بس حجيت بصوت عالي بيبي وين كولي وين وديتوه وشجابني هنا ضلت تهدئ بيه ردت اكوم لزمتني وكالت ميصير هجي تصرفين وانتي تعبانه بس اهدئ طلعت ابره سالته شنو راح تسوين هي ساكته ضرب الابره بالكانونه ضليت احجي واهوس وين بيبي فدوه احس شلون المخدر وصار بيه معرف شكد ضليت اهوهس بعده معرف شنو صار
الممرضه:دكتور دكتور رحت اركض اله
الدكتور:خير شكو فهميني
الممرضه:دكتور المريضه قلبه ديتعرض للتوقف
الدكتور:رحت اركض للغرفه دخلت شفت الجهاز القلب القلب يتعرض للتوقف صحت للممرضه جيبي الصدمات الكهربائيه جابت الصدمات
وناديت ع ممرضه الثانيه تضرب ابره بالمغذي تساعده ع نفسه ضليت اسوي اله صدمات كهربائيه تقريبا ب10 دقايق اخر شي عجزت شنو
اسوي شفت شاشه جهاز القلب النبض متوقف عفت الجهاز وغطيت وجهه وطلعت وبعيوني الدمعه معرف ليش وشنو السبب كعدت ع كراسي
باب الغرفه اجتي الممرضه حاجتني
الممرضه:دكتور لتضوج الله كاتب اله اليوم يكون اخر يوم بحياته
الدكتور:ونعم بالله
الممرضه:دكتور نخابر ع الشاب المساعه انطانه رقمه وكال شنو يصير خابروني
الدكتور:اي اتصلي لازم ننطيه علم المريضه توفت
الممرضه:اوك دكتور اتصلت ع الرقم
الدكتور:انطيني التلفون اني احاجي
الممرضه:تفضل دكتور
ضياء:بدلت ونمت حسيت اكو صوت يمي حسبالي بحلم بعدين انتبهت لكيت الجهاز يدك باوعت لساعه ب10 وثلث رفعته لكيته من المستشفى رديت عليه
الدكتور:مرحبا استاذ اني الدكتور الي مساعه مراقب ع حاله المريضات الي تعرضن لختناق بسبب حريق
ضياء:اي تفضل دكتور اكو شي
الدكتور:استاذ احنه سوينه العلينه وكل امكانياتنه بس
ضياء:بس شنو دكتور
الدكتور:المريضه انطتك عمره البقيه بحياتك
ضياء:نصدمت من كال هجي وعرفت ام ابراهيم هي التوفت سالت الدكتور منو المريضه التوفه كال المريضه العجوز سديت الجهاز ونزلت جوه
لكيت امي كاعده ع Tv
ضياء:يمه ابوي وين
الام:هلا يمه ابوك بالمكتب يقره ليش تسال عنه
ضياء:عفت امي ومجاوبته رحت للمكتب دكيت الباب
الاب:تفضل
ضياء:مساء الخير يابه
الاب:هلا يابه مساء الخبرات تعال اكعد
ضياء:كعدت ونزلت راسي
الاب:خير يابه اكو شي
ضياء:يابه جنت نايم وخابرني الدكتور لنطيناه الرقم وكناله شنو يصير خابرني ع ام ابراهيم وبنته
الاب:اي وبعدين
ضياء:خابرني وكالي ان ابراهيم توفت
الاب:لاحول ولاقوه الا بالله الله يرحمه هم السابقون ونحن الاحقون الله يجعله من ساكنين الجنه
ضياء:وهسه يابه شنسوي
الاب:يابه نسال وين مقبرتهم وندفنه مساكين مبين معدهم احد
ضياء:يابه والبنيه الوصتني عليه
الاب:والله يابه معرف شسوي بس خلي نكول لجدك ونشوف شنو قراره
ضياء:اوك يابه يلا تصبح ع خير
الاب:وانته من اهلو باجر ان شاء الله حضر روحك من وكت نطلع نروح للمستشفى
