ضياء : واجتمعت وي الموضفين حول مشروع جديد وخليت محاسبين جدد يطلعون الارباح والخسائر صارت الساعه ب10 خابرت المهندسين
رد عليه المهندس وضل يحجيلي عن الشغل البدو بيه واسمع واحد يصيح حريق حريق المهندس ضل يصيح وين الحريق اني انصدمت من سمعت يصيحون حرقيت ضليت اصيح الو الوو للمهندس ميريد قفلت الخط وطلعت من المكتب وخليت الحارس يجيب السياره لباب الشركه صعدت بسياره ورحت للبستان احس الطريق صار شطوله عليه سقت بكل سرعه عندي وصلت للبستان بس اشوف الناس ملتمه وسياره اسعاف واكفات دخلت بين الناس اركض وادفع بيهم وصلت كدام بيت ام ابراهيم طلعت بيتهم محترك والاطفاء يطفون بيه ضليت صافن شفت الاسعاف طلعت ام ابراهيم
ومخلين اله اوكسجين وطلعو البنيه وراه شايله واحد من الاطفائين ووجه كله اصماخ ومغمي عليه اخذوه لسياره الاسعاف وضلو يطفون البيت
سالت شنو صار كله كالت ميعرفون شنو صار شافو بس الدخان والنار يطلع من البيت عفتهم والحكت سياره الاسعاف وصلت للمستشفى اخذو
ام ابراهيم غرفه والبنيه الوياه غرفه ودخل عليهم الدكتور طلع الدكتور كالت سال الممرضه منو وياهم
ضياء:دكتور اني اصير اقارب بس من بعيد
الدكتور:انته اقاربهم بس اريد اطمنك عن حالتهم
ضياء:تفضل دكتور طمني
الدكتور:المره الجبيره بالعمر مختنكه كلش وصيار عده ضيق بالتنفس وخصوصا هي مريضه من الاساس وعده امراض
ضياء:شنو يعني دكتور
الدكتور:احتمال جبير تتوفه بس احنه سوينه العلينه والباقي ع الله
ضياء:ودكتور البنيه الثانيه الوياهه
الدكتور:البنيه الوياهه مبيه شي بس مختنكه من الدخان ومغمي عليه
ضياء:اوك دكتور شكرا جزيلا
الدكتور:العفو
ضياء:مشه الدكتور واني ضليت بس صافن شلون صار هجي وياهم وشنو سبب الحريق احجي وي نفسي ودك التلفون باوعت الرقم طلع ابويه
رديت عليه وحجيتله كلشي عن الصار وكال اني دقايق واني اكون يمك سديت الخط طلعت الممرضه من غرفه ام ابراهيم كالت منو اسمه ضياء
دريت عليه كتله تفضلي اني ضياء كالت المريضه تريدك دخلت للغرفه شفت امن ابراهيم مخلين اله اوكسجين وحالته كلش تعبانه باوعتلي
ضياء:الحمدلله ع سلامه خاله
ام ابراهيم:وخرت الاوكسجين من وجهه الله يسلمك يمه بس اريد اوصيك يمه وتحجي بصعوبه
ضياء:تفضلي خاله امري
ام ابراهيم:يمه اوصيك ع بيداء بنيتي امانه عندك وعند الله
ضياء:لاخاله لتكولين هجي ان شاء الله تكومين بخير وسلامه وترجعين لبنتج
ام ابراهيم: يمه وصيتي هاي واخليه امانه يمك
ضياء:ان شاء الله خاله بس ارتاحي خليت الاوكسجين اله وطلعت لكيت ابوي موجود وحجيتله عن حجي ام ابراهيمن وتفاجئ لان وصتني ع بنته
وضل يسال ليش وصتك كتله والله معرف
(نروح لبيت ام ابراهيم ونشوف شلون احترك البيت)
بيداء:كعدت الصبح صليت وحضرت الريوك وكعدت بيبي تريكت وياي وشلت الصينيه غسلت الماعين ورحت نضفت البيت صارت ب9 رجعت للمطبخ احط الحمص ع نار افوره حطيته وعفت يمه قطعه صغيره مال قماش اشيل بيه الجدر درت وجهي اريد ارجع الحمص رجعته واشتم ريحه حريق درت وجهي واشوف القطعه مال القماش محتركه ومحتركه وياهه الفراش بالمطبخ ردت اطفي معرف شصار بيه لان النار ضلت تزداد اكثر واكثر ضليت مااسيطر بس اصرخ واسمع صوت بيبي تصيح يمه بنيتي يمه بيداء اخر شي اختنكت من الدخان ومحسيت بعده بشي وشنو صار
ضياء:ضلينه كاعدين اني وابوي اخر شي حاجينه الممرضه وانطيناه الرقم وكناله شنو يصير تخابرنه وحاجينه الدكتور ع حالت ام ابراهيم كال ماكو تحسن وحالته تسوء اكثر واكثر لان مره جبيره بالعمر وهي مريضه
