مازن:والله ماكو شي
روى:الحمدلله شلونه الدراسه بالخارج
مازن:حلوه وتغير جو وصداقات جديده وتعرف ع اشخاص جدد صدك راح طلعين تكملين بالخارج
روى:اي حجو وياي بهذا الشي بس بعدني ممقرره واحتمال جبير ارفض
مازن:ليش ترفضين حرامات فرصه تروح من حياتج
روى:والله يامازن معرف شكولك مكدر اسافر واذا سافرت معناه انطيت المجال لاامي وبيداء اضل وحده
مازن:شلون يعني انطيتي المجال لعمتي وبيداء اضل وحده فهميني
روى:مازن امي مقابله ع وجود بيداء بالبيت بس احنه مخلينه جبر عليه واكثر من مره صارت مشكله بسبب هذا الشي
مازن:ليش عمتي مقابله ع وجوده البارحه شفته بنيه مودبه وخلوقه
روى:مازن امي طبعه صعب متقبل وخصوصا اذا اجه شخص من بره وفجاه يصير من ضمن البيت وهي كل شويه تكلله بنت فكر وبنت شوارع
مازن:بنت فكر وبنت شوارع ليش الفقر مو عيب واذا معده اهل مو معناه بنت شوارع
روى:انته تعرف بسالفه بيداء
مازن:اي البارحه من طلعت بالحديقه وياج سالت فارس وكالي ع سالفه بس هسه هي وين
روى:همممم اوك هي موجوده بيت جدو البارحه مااجتي ويانه
مازن:ليش مااجتي وياكم
روى:لان امي البارحه هي وفرح مسمعاته حجي
مازن:اهااا يلا اني اترخص
روى:وين بعد وقت خلينه نشبع من شوفتك هههههه
مازن:هههههه سفر وبعد مااسافر راح اضل هنا واشبعي من سوفتي ههههه
روى:هههههه عديه هل جيه مره ثانيه
مازن:ان شاء الله طلعت من البيت امممم بيت جدي خلي اروح لعد وصلت لبيت جدي دخلت الهم سالت عليه كالت الخادمه كاعد هو وبيداء
بيداء:كاعدين نسولف اني وجد ضياء ونضحك سمعنه صوت شخص اجه
الجد:هذا صوت مازن اكيد اجه
بيداء:اهاااا اني اترخص لعد
الجد:لابنيتي ضلي ليش ترحين مازن مثل اخوج واحنه صرنه عائله وحده
بيداء:☺☺ ابتسمت اله
مازن:سلاااام
الجد وبيداء:وعليكم السلام
مازن:شلونك جدي وبست راسه
الجد:بخير بويه انته شلونك
مازن:الحمدلله بشوفتكم
الجد:الله يحفظك بويه شعجب اجيت ؟؟
مازن:هاااا شنو هاي اعتبره طرده
الجد:لابويه خسه عليك تعتبره طرده والبيت بيتك
مازن:ههههههه بعد عمري جدي الله يحفظك ويطول بعمرك
بيداء:كاعده واباوع عليهم شلون يضحكون ويسولفون
مازن:شلونج بيداء
بيداء:الحمدلله بخير
مازن:اكيد احنه صرنه ولد عم بعد
بيداء:ابتسمت ابتسامه بسيطه ودنكت
مازن:اووف ربي خجله يمووت احجي بداخلي المصيبه ع طبيعته تخبل بدون مكياج وجهه كله برائه ولابسه دشداشه طويله ومخصره
ورافعه الشعر البارحه طالعه كلش حلوه والاسود بارز جمالج
بيداء:☺☺ شكرا من ذوقك كبر شكد صلف ويحجي هجي يلا اني اترخص انتم اخذو راحتكم
مازن:لا وين اكعدي خلي نشوفك
الجد:اكعدي بنتي ليش كايمه
بيداء:مارديت ع مازن رديت ع جدو لاجدو اني اريد اروح اروح اوكف شويه بالمطبخ واروح ارتاح
الجد:ليش بويه ترحين للمطبخ الخدم موجود ويشتغل
بيداء:اشتاقيت لوكفه المطبخ ولطبخ
الجد:اهااا لعد اخذي راحتج بويه
بيداء:رحت للمطبخ وكفت وي الخدم طبخ سويت كم شغله بسيطه وطلعت رحت للغرفه اجه ع بالي حجي مازن شكد صلف ويشخص
حتى مستحه وكال هاي اول مره احجي وياهه بدايته وهجي نهايته شلون ضليت كاعده بالغرفه واباوع من الشباك لبراه اشوفه الورد
والحديقه تخبل وعاملين بيه يسقون الزرع ويقلمون بالاشجار ع شكل اشكال حلوه
