ريم :اي حبيبتي اني اخته
بيداء:ويعععع اخت هذا المغرور والشايل خشمه
ريم:ههههه لاحبيبتي ضياء مو هجي بس انتي متعرفين طبعه ضياء كلبه طيب وحنون
بيداء:اسفه اعتذر بس هو هذاك اليوم اجه حتى يشتري المزرعه ودخل لبيتنه ولمن راد يطلع ضل صافنه وكانو معاجبه شي
ريم:عادي حبيبتي وليهمك ضياء طبعه بسيط واذا كان يباوع مو لان معاجبه احتمال ع شي ثاني يباوع بس انتي فهمتي غلط
بيداء:اي صح اكرر اعتذاري
ريم:ابتسامه وليهمك ياربي شلون راح ابلغه بوفاه بيبيته اووف تكسر الخاطر وهي تحجي بينه وبين نفسه
بيداء:ضليت صافنه شعجب اجتي هنا وليش تصرفه هجي وياي لو وحده غيره جان كبت عليه لان حجيت ع اخوه
ريم:ياربي ساعدني وخليني ابلغه بدون ميصير عليه شي وحاجيته
ريم:حبيبتي بيداء
بيداء:نعم
ريم:حبيبتي انتي تامني بقدر الله وقضائه
بيداء:اكيد طبعا ونعم بالله (من كالتلي هجي حسيته راح تحجي شي وكلبي نغزني) ليش تكولين هجي
ريم:حبيبتي راح اكلج شي بس اريدج تكونين قويه وتتقبلين الوضوع بكل قوه عندج
بيداء:خير كولي ليش تحسسيني اكو شي كلش جبير صاير
ريم :حبيبتي اهدئ بس بيبيتج انطتج عمره
بيداء:لا لا اكيد اجذبين اطلعي بره اكيد جذابه ممعقوله بيبي توعوفني بعصبيه وصدمه
ريم:حبيبتي اهدي ارجوج
بيداء:بصياح وبجي لا ياربي لا بيبي ليش عفتيني وضليت الطم ع وجهي واصرخ بيبي ليش عفيتيني ومشيتي
ريم:شفت بيداء بحاله هستريه وبجي يهدم الحيل وضلت تلطم ع وجه لزمت ايده بس اريد اهدئ واخليه تصحه ع نفسه ماكو فايده طلعت اركض من الغرفه لضياء
ضياء:اجتني ريم تركض وشكله مبين بي الخوف باوعتله ولج شبيج شكو
ريم:ضياء الحك البنيه راح تموت من البجي والصريخ
ضياء:واكفين سمعنه شي يتكسر رحت اركض للممرضه اصيحه
ريم:دخلت لبيداء لكيته تكسر الغراض اليمه وكطعت المغذي من ايده وتصب دم انصدمت بهل منضر معرف شسوي دخلت الممرضه لزمته بس تريد تهدئيه وراهه دخل الدكتور وكالي طلعي من الغرفه ممكن
ريم:طلعت من الغرفه لكيت ضياء كاعد كدام الغرفه رحت يمه
ضياء:ولج شنو كتيله شسويتيله حتى تخبلت هجي
ريم:والله مسويت شي اله والحجي الكلته الي كلته اله بس هي تهورت وضلت تصرخ وتبجي بس والله كسرت كلبي هل مسكينه
ضياء:استغفر الله ياربي 😔😔 طلع الدكتور من الغرفه رحت اله هاا دكتور بشر
الدكتور:لتخاف بس انهيار عصبي صار عده بسبب وفاه المره والوياهه وهسه انطيته ابره مهدئ حتى تنام وتهدئ
ضياء:اوك دكتور شكرا تعبتك وياي
الدكتور:العفو بالعكس هذا واجبي
ضياء:وصيت الممرضه تتصل اذا صار شي رحت لريم يلا ريم نمشي
ريم:يلا امشي
ضياء:صعدت بسياره اتصل عليه ابوي رفعت الخط
الاب:السلام عليكم
ضياء:وعليكم السلام هلا يابه
الاب:يابه تجي انته واختك هسه لبيت جدك
ضياء:حاضر يابه تامر امر
الاب:مايامر عليك ضالم وسد الخط
ريم:هذا ابوي
ضياء:اي هو
ريم:شنو يريد
ضياء:والله معرف كال هسه تجي لبيت جدك
ريم:لعد رجعني وروح انته لبيت جدي
ضياء:لا كال انته واختك تعال لبيت جدك
ريم:خير ان شاء الله تعرف شنو كالت عنك بيداء لمن كتله اني اخت ضياء
ضياء:شكالت
ريم:كالت ويييعع اخت هذا المغرور والشايل خشمه
ضياء:😒😒 زعطوطه
ريم:بخوف لتباوعلي هجي اني مالي دخل هي الحجت
ضياء:طلعت كبل لبيت جدي وريم وياي وصلنه للبيت لكيت كل عمامي وعوائلهم موجودين استغربت من الوضع
ريم:دخيلك ياربي كله ملتمه هنا
ضياء:خلي ندخل ونشوف شكو دخلت ريم دخلت يم النسوان واني دخلت يم الزلم
ضياء:السلام عليكم
الكل :وعليكم السلام تعال تفضل
ضياء:كعدت ليش مجمعين خير ان شاء الله
الجد :لاابني لتخاف ماكو شي بس اريد ابلغ عمامك ع موضوع البنيه حتى ميكولون عافنه ورى ضهره
ابو يوسف:خير يابه ياموضوع
الجد:لتخافون وحجه الهم كلشي لمن ضياء اشتره المزرعه وحريق البيت يعني كلشي كاله وذكرك كل الموقف
ابو يوسف:لاحول الله ياربي وهسه يابه شلون
الجد:ماكو موضوع يستاهل الحيره الحل اني مساعه كلته لاابو ضياء البنيه تجي تعيش عدهم
ابو يوسف:يابه منو يكول البنيه توافق تعيش بيت ابو ضياء
الجد:اني احاجيه مالكم دخل واني اعرف شلون اقنعه
ابو يوسف:براحتك يابه
ضياء:جدي بغلهم بموضوع ام ابراهيم وبيداء ومحد حجه شي ترخصت منهن وطلعت للحديقه كعدت لحكتني بنت عمي فرح
فرح:كاعده اسولف وي البنات شفت ضياء طلع من صاله الضيوف كلت لازم احاجي لان صبرت هواي واكيد هل جمعه وراهه موضوع بنات اني اروح اغسل واجي طلعت من البنات شفت ضياء كعد بالحديقه باوعت بالمرايه عدلت شكلي وطلعتله
ضياء:كعدت شفته طلعت ماهتميم اله
فرح:هلو ضياء شلونك
ضياء:هلا اختي الحمدلله انتي شلونج
فرح:الحمدلله بخير بس ليش تكلي اختي واني مو اختك
ضياء:فرح شنو تردين لا انتي صح مو اختي بس مثل اختي ومستحيل اغير هل نضره عليج
فرح:لا ضياء لازم تغيره
ضياء:لا مااغيره وليش اغيره اذا اني اشوف هذا الشي صحيح
فرح:تغيره لان احبك واريدك ومن زمان هذا الشي
ضياء:بعصبيه كام استحي تحجين هل حجي وشنو ماعندج اخلاق ومتخافين احد يدري بكلامج هذا
فرح:اي ماعندي اخلاق ومااخاف لان احبك واريدك
ضياء:فورت دمي لزمته من ايده اسمعي ولج تنسين موضوع هذا كله وتشيلنه من بالج لاورب الكون اتصرف غير تصرف واكول ليوسف عليج
فرح:بس ضياء نطيني فرصه
ضياء:لابس ولا معرف شنو ولافرصه وهل حجي حطي حلقه ابذانج شفت يوسف يتمشى ع جهتنه عفته اسمعي ولج هذا اخوج اجه والله اذا ماغيرتي هل شي تندمنين وعفت ايده
يوسف:طلعت ورى ضياء شفته يحجي وي اختي فرح رحت الهم هاا شكو فرح جايه هنا
فرح:اممممم امممم معرف شنو احجي
ضياء:سبقته بالحجي جايه تريد تعرف شكو حتى جدي داز علينه كلنه
يوسف:مو عيب عليج تسالين وانتي شدخلج يلا روحي دخلي جوه يم البنات
فرح:باوعت لضياء اي حاضر رحت يم البنات واني اعصر بيدي من لزمه ضياء الي لان لزمني حيل
يوسف:يااخي شبيك حاير بدنياك
ضياء:والله يايوسف كلمه حاير قليله بحقي
يوسف:يااخي ع كيفك وخليه ع الله وهو اليحله
ضياء:ونعم بالله بس يااخي بنيه شابه هي ومااعتقد توافق تجي تعيش بيتنه
يوسف:مو جدي مساعه كال اني اقنعه حتى تعيش وياكم
ضياء:اووف والله ماعرف ضلينه نسولف وهو يسولفلي ع زوجته وع الشغل صار وقت العشه تعشينه وخلصنه الكل راح لبيته احنه رجعنه للبيت دخلنه ابوي صاحنه كال تعالو كعدو عندي موضوع وياكم
ام ضياء:خير ياموضوع
ابو ضياء:الموضوع يعرف بيه ضباء وفارس وبس انتن النسوان متعرفن لذلك لازم اكلجن حتى يصير عدجن علم
ام ضياء:كول ياعيني خوفتنه شكو
ابو ضياء:حجه الهم كل الموضوع من بدايته لنهايته وعن قرار ابوه عن بيداء تجي تعيش بالبيت وياهم
ام ضياء:كامت بعصبيه شنو عيني اني عندي ميتم هنا حتى تجي تعيش هنا لا وبنص بيتي هم
ابو ضياء:محد كال عندج ميتم بس البنيه امانه عدنه ولازم نحافظ عليه
ام ضياء:اي محد اله لذلك خلوه امانه عدنه ومكطوعه شجره وفقيره
ابو ضياء:احترمي نفسج البنيه بت اصل وفصل وثاني شي الفقر مو عيب او حرام
