ام سالم :هاا ام ابراهيم شكلتي هسه اتفقنه يعني اكول لاابو سالم يكول لمديره موافين حتى يجي يشوفه
ام ابراهيم :اي ام سالم هاي هي كولي لا ابو سالم موافقين وشوكت يجي مديره يشوفه هلا بيه
بيداء :ضليت كاعده دمعتي بطرف عيني لأن
الشي الوحيدة الضل من وفاه جدو هو البستان وكانت إلي بيه ذكريات اذكر شلون لمن
كان يخاف عليه من الشمس لمن ألعب ويجي يخليني ألعب بلفي حتى متمرض لان جان بوقه صيف وشمس كلش حاره اسمع حجي بيبي
وخالتي ام سالم واني الصمت والسكوت اكتفيت بي والدمعه بطرف عيني طلعت خالتي ام سالم وبيبتي ودعته واني كاعده بالغرفه
مخنوكه لان الشي الوحيد الي ضل ذكره من جدو هو البستان
ام سالم:طلعت من بيت ام براهيم واتفقنه ع هي البستان حتى تبيعه رحت لاابو سالم حاجيته وكتله حاجيت ام ابراهيم وموافقه تبيعه
راح ثاني يوم ابو سالم للدوام وذكرته يكول للمدير ع موافقه ام ابراهيم لبيع البستان
ابو سالم؛طلعت للدوام لكيت استاذ ضياء بعده مواصل للشركه ضليت انضف بالممرات الشركه شفته دخل للمكتب كلت اكمل شغلي واروح احاجي ع موافقه ام ابراهيم ع بيع البستان كملت شغلي ورحت حاجيته
ضياء:كعدت الصبح لعبت رياضه واخذت شاور وطلعت للشركه اريد اراجع بعض الملفات مال الصفقه طلبت كوفي وكعدت اراجع الملفات
اندك الباب طلع ابو سالم استاذن ودخل
ضياء:اهلا ابو سالم تفضل
ابو سالم: استاذ بس حبيت اكلكم بموضوع البستان الكتلك عليه
ضباء:تفضل ابو سالم كول
ابو سالم :استاذ البارحه حاجينه صاحبه البستان وكالت موافقه تبيعه وشوكت تجي تشوفه هلا بيك
ضياء: ماشي ابو سالم مشكور اذا كملت شغلي بعد اشوي من وكت نطلع نشوفه للبستان
ابو سالم: حاضر استاذ وطلعت من المكتب رحت لشلغي
ضياء:كملت شغلي وراجعت كل الملفات حتى ثاني يوم يبدي عمل الصفقه باوعت للساعه الوقت شوي متاخر صحت ابو سالم واتفقت وياهه
للعصر اجي اشوف البستان طلعت للبيت خابرني ابن عمي واتفقنه نتغده بره البيت بالمطعم رحنه تغدينه ورجعت للبيت بدلت ونمت
كعدت العصر الساعه ب4 :34 طلعت ملابسي ودخلت للحمام اخذ شاور بدلت ونزلت جوه
ضياء:مساء الخير
الاهل :مساء الخيرات
الاب:هلا بويه شنو طالع
ضياء :اي والله طالع لان متواعد وي ابو سالم نروح نشوف البستان
الاب:ابو سالم مو الشغيل اليشتغل بشركه
ضياء:اي هو نفسه عرف بيه محتاج بستان وكالي ع جوارينهم عدهم بستان واليوم اجه وكالي موافقين يبيعون البستان واريد اروح اشوفه للبستان
الاب:ماشي ابني الله يوفقك
ضياء :طلعت واني بطريق خابرت ابو سالم ودلني ع بيتهم وصلت لبيتهم بيتهم طلع بمنطقه كلش فقيره واكثر بيوته بيوت فقره
طلعلي ابو سالم وضيفني بيته باوعت لبيتهم بيت صغيره وتعبان حييل مو كل بشر يكدر يسكن بيه واخذني لبيت جوارنهم
دك الباب ابو سالم سمعنه صوت بنيه
بيداء:كاعده انضف اندك الباب رحت صحت منو طلع عمي ابو سالم
ابو سالم :اني عمي ابو سالم
بيداء:هلا بيك عمو تفضل
ابو سالم :عمي ام ابراهيم هنا
بيداء:اي عمي موجوده
ابو سالم: روحي عمي صيحيه واني وياي ضيف
بيداء :اي عمي صار رحت حاجيت بيبي ورحت اني دخلت بالمطبخ راحت بيبي فتحت الهم الباب وطلع عمي ابو سالم وياهه شاب مرتب
دخلتهم بيبي للغرفه واجتي كالت البس جبه واجيب الهم مي وشاي رحت حضرت الشاي وبدلت صبيت الشاي ودخلت
