ابو ضياء:احترمي نفسج البنيه بت اصل وفصل وثاني شي الفقر مو عيب او حرام ولو ما بت اصل مكان اهله وصو عليه
ام ضياء:والله هل بت وراهه سالفه وشوف الوكت يبين حجي صح لو غلط
ضياء:يابه بس اهدئ ع كيفك امي مجان قصده
ابو ضياء:لا جان قصده وتعرف شنو معناه هعذا الحجي كلش زين
ام ضياء:اي جان قصدي احجي هجي هاي من هسه وهجي تحاجيني علمود بنت الشوارع الماعده اهل
ابو ضياء:شوف هذا حجيه وتكلي موقصده تحجي هجي
ضياء:رؤى علا اخذن امي للغرفه
علا:حاضر خويه يلا عمه امشي
ام ضياء:هلا والله خوش تفضلون عليه هل حقيره الماعده اهل
ضياء:يمه فدوه اروحلج بس امشي جوه
ام ضياء:اني ماشيه واقسم بالله العلي العظيم اذا جبتو البنيه هنا اشوفه نجوم الضهر واهليه تندم ع الساعه الدخلت بيه عتبت الباب
ابو ضياء:البيت بيبتي وبكيفي شنو اريد اجيب ومنو مااريده
ام ضياء:خوش ابو ضياء اذا ماتتندم ع كلامي هسه اطلع اني صدك مو بنت ابوي ودخلت جوه وي البنات
فارس:يابه هدي فدوه اروحلك
الاب:يابه شهدي مشوف امك تصرفه مشوفه شلون تحجي
ضياء:يابه امي هجي حجت لان ممستوعب الوضوع بعده انته بس هدي
الاب:استغفر الله ربي واتوب اليه جيبولي علاج الضغط راسي راح ينفجر من وره امكم
ضياء:وسن صحت ع الشغاله التشتغل بالبيت
وسن:نعم بابا
ضياء:بابا روحي جيبي علاج بابا
وسن:حاضر بابا راحت جابت العلاج تفظل بابا
ضياء:اخذت العلاج روحي انتي لشغلج
وسن :حاضر بابا ورحت لشغلي
ضياء:تفضل يابه هذا العلاج اخذه وهدي فدوه اروحلك
الاب:انطيني ابني اخذت العلاج وشربته
ضياء:عوافي يابه لتشيل هم الله اليحله
الاب:ونعم بالله ابني
ضياء:ضلينه نسولف اني وابوي وفارس ع شغل ووراح فارس جاب بنته مسره ضلينه نضحك ع سوالفه غيرت جو ع ابوي صارت الساعه ب11
يلا اني اترخص تردون شي
الاب:لايابه روح ارتاح انته اليوم هم تعبت
ضياء:تسلم يابه تصبحون ع خير صاح فارس اني هم اروح انام تصبحون ع خير وصعدنه اني وفارس للغرف
فارس:اكلك ضياء اليوم شعده فرح يمك
ضياء:ماكو شي لتهتم
فارس:متاكد حسيت اكو شي صاير ليش متحجي
ضياء:باوعله بعيون عصبيه كتلك ماكو شي لتضل تلح
فارس:اوك هاي هي براحتك وراح لغرفته
ضياء:دخلت للغرفه بسرعه بدلت ودخلت للحمام اخذت شاور وطلعت فكرت امي شلون مساعه مقبلت ع جيه بيداء وشنو راح يصير تعبت من التفكير الهي انته اعلم الحال سلمتك امري ونمت
نروح لبيداء
بيداء:كعدت راسي موتني من الوجع اريد اشيل راسي من المخده مااكدر كعدت بالكوه شفت الساعه ب8 كعدت ذكرت حجي اخت ضياء ريم
ضليت ابجي واشهك دخلت عليه الممرضه جابت اكل الي
الممرضه:تفضلي حبيبتي اكلي
بيداء:مااريد مااشتهي
الممرضه:حبيبتي ميصير هجي مماكله شي من الصبح
بيداء:كتلج مااريد اطلعي واخذي الاكل
الممرضه:اوك براحتج اخذت الاكل وطلعت
بيداء:طلعت الممرضه اذكرت اخر كعده بيني وبين بيبي ع ريوك اذكرت لمن جانت تخلي راسه ع راسي وتدعي الله يوفقه اذكر كل لحظه مرت بينه ضليت ابجي بكمل قوه عندي بس احس شي بداخلي مخنوك تعبت خليت راسي ع مخده استمرت بالبجي منا لمن نمت
