بيداء :اي عمي صار رحت حاجيت بيبي ورحت اني دخلت بالمطبخ راحت بيبي فتحت الهم الباب وطلع عمي ابو سالم وياهه شاب مرتب
دخلتهم بيبي للغرفه واجتي كالت البس جبه واجيب الهم مي وشاي رحت حضرت الشاي وبدلت صبيت الشاي ودخلت عليهم واني شاييله
صينيه الشاي وبيه مي قدمت لبيبي وراهه قدمت لاابو سالم وصلت للولد الشاب قصده ع ضياء مقدمته اله حطيت الصينيه كدامه ومشيت
ضياء: كعدنه نتفق ع سعر المزرعه دخلت علينه بنيه شكله كلش حلو عيونه بس ماركزت عليه وطوله حلو تقريبا ب165 او اكثر قدمت
شاي لام ابراهيم ولابو سالم وصلت يمي خلت الصينيه بالكاع ومشت مبين عليه بيه شي مثل المحترك كلبه اتفقنه ع سعر وشوكت نداور
البستان بااسم جدي وطلعنه صاحت ام ابراهيم لبيداء
ام ابراهيم:يمه بيداء وينج
بيداء:هاا بيبي امريني
ام ابراهيم:عيب روحي وصلي ابو سالم والولد وياهه للباب
بيداء:اي صار بيبي وطلعت اوصلهم ابو سالم سلم وطلع بس بقه الولد صافن بالبيت حاجيته وكتله شنو معاجبك الييت حتى هجي صافن
ضياء :صفنت بالبيت وتخليت نفسي اني عايش بهذا البيت لو عايش بهذا هم راح اكدر استمر هنا مااحس الا احد يمي وحجه كال شنو
معاجبك البيت حتى صافن هجي باوعت لكيته البنيه الضيفتنه نفسه باوعتله كتله صدك عابنجح بطرانه وخليت وطلعت
بيداء:طلع الولد واني ميته بدمي لان البستان راح ينباعد رجعت لبيبي وكتله بس لاهذا المغرور راح يشتري المزرعه
ام ابراهيم:اي هو بس يمه عيب لتكولين عليه مغرور خوش ولد مبين وابن اوادم
بيداء:لاوالله مغرور انتي مشفتي شلون ضل صافن بالبيت ولا جنه شايف بيت ناس ع كد حالهم
ام ابراهيم:يمه حقيه يستغرب ويصفن واذا هو ابن ناس عدهم خير من الله واملاك وفلوس كومي يمه كملي شغلج
بيداء:اي صار ورحت اكمل شغلي وبالي كله بالبستان وكلش مقهوره لان راح ينباع
ضياء:لمن اتفقنه ع بستان طلعت كبل لبيت جدي ودخلت سلمت عليه وكتله ع بستان وفرح وكتله بس البستان صارله فتره متروك والشجر
والزرع البيه ميت وذبلان وكال عادي نطلع عمال وفلاحين يعتنون بيه ويزرعون زرع جديد وحجيتله عن حالتهم شلون تعبانه و كملت من سالفه البستان ورجعت للبيت
دخلت لكيت ابوي وامي كاعدين والبقيه كلمن بجناحه
ضياء :مساء الخير
الام :هلا يمه نورت البيت بجيتك
ضياء:البيت منور بوجودج انتي وابوي
الاب:هااا بويه بشر شنو سالفه البستان خلصت
ضياء:اي يابه خلصت ان شاء الله بس والله كسرولي كلبي عليهم
الاب:ليش بويه شبيهم
ضياء:يابه ناس كلش فقره ومعدهم احد والي البيت مالتهم متوفي قبل فتره وضاله بس مره جبيره بالعمر وبنيه شابه ومعدهم احد متوليهم
وبيتهم تعبان
الاب:الله يساعدهم ويعينهم
ضياء:اي والله الله يساعدهم
الاب:كلت لجدك لو بعدك ع بستان
ضياء:اي يابه كتله اني قبل لااجي جنت يمه وكلتله وفرح
الاب:الله يوفقك بويه
ضياء:مشكور يابه يلا اني اترخص محتاجين شي قبل لااصعد
الاب :لابويه اخذ راحتك
ضياء:صعدت بدلت لبست بجامه وكيمونه وكعدت اكلب بالTv صارت الساعه ب10 جعت نزلت اشوف شي اكله لان محب احد يحضرلي
الاكل لكيت جبن وزيتون حطبت جبن وزيتون وصمون حجري وياهه كلاص شاي وصعدت ضليت كاعد لل12 ونص طفيت الTv ورحت فرشت
اسناني وضبطت المنبه ونمت
كعدت ثاني يوم ع صوت المنبه لعبت رياضه ربع ساعه وراهه اخذت المشفه (الخاولي) ودخلت للحمام اخذت شاور وطلعت بدلت ونزلت جوه
