مساء الخير حبايب اعذروني عن تنزيل البارتات البقيه للقصه اقسم بالله مجاي الحك والوقت معرف وين يروح
واشكركم ع تعليقاتكم ودعمكم الي بتعاليق راح انزل الكم كم بارت هاي اليومين
احبكم 😘😄
ابو سالم :ورحي اله بعد اشوي لان اريد باجر ارد الخير لستاذ ضياء
ام سالم:ان شاء الله بعد اشوي اروحله واردلك الخبر وان شاء الله خير
بيداء:كلمت ريوك اني وبيبي كمت نضفت البيت وطبخت غده اذن اذان الضهر كمنه صلينه وصبيت الغده كملنه غده غسلت الماعين
بيبي نامت واني ضليت كاعده باوعت كعدت بره بالساحه صح صغيره
وبدون تطبيك ع تراب وبيه شجره نبك حلو منضره ضليت اباوع ع شجره
والسمه واكول وين تاليه نصفه وضليت افكر بحالتنه وبحالت بيبي صارت الدنيا العصر بيبي كعدت رحت سويت اله جاي وكعدت يمه
اسولف سمعت الباب ندك رحت لبست شال ع راسي ورحت فتحت الباب
فتحته طلعت ام سالم خطيه جايه دخلته للبيت وسديت الباب
ام سالم :هلا يمه بيداء شلونج
بيداء:هلا بيج خاله الحمدلله بخير انتي شلونج عمي ابو سالم شلونه
ام سالم:الحمدلله بخير عمج يسال عنج
بيداء:عساج بخير خاله تسال عنه العافية بعد عمري
ام سالم:حبوبتج كاعده لو نايمه يمه
بيداء:كاعده كانت نايمه قبل اشوي كعدت من النوم تفضلي خاله دخلت ام سالم جوه يم بيبي دخلت ام سالم يم بيبي
ام سالم :شلونج ام ابراهيم شخبارج ان شاء الله بخير
ام ابراهيم :هلا ام سالم الحمدلله انتم شلونكم شخباركم ابو سالم شلونه البنيات شلونهن
ام سالم :الحمدلله بخير كلهم يسلمون عليج
ام ابراهيم :الله يسلمكم يمه بيداء روحي جيبي شي لخالتج ام سالم
بيداء:اي بيبي ان شاء الله رحت للمطبخ اسوي جاي وعفت ام سالم وبيبي بالغرفه
ام سالم :ام ابراهيم جايتج ع شغيله تفيدكم وانتم بعد بقه يمكم تقبلون لو لا
ام ابراهيم :كولي ام سالم ان شاء الله خير
ام سالم :ام ابراهيم ان شاء الله خير مدير الشركه الي يشتغل بيه ابو سالم استاذ ضياء يريد يشتري بستان لجده موصيه يشوفله
بستان لو مزرعه وابو سالم ذاكركم وكايل اله ع بستانكم وبقت يمكم تقبلون تبيعون لو لا
ام ابراهيم :وشكد يريد السعر مالته
ام سالم:والله كايل لا ابو سالم شكد يردون سعره عادي لان همه ناس اغنياء وعدهم خير من الله
ام ابراهيم :والله ياام سالم معرف شنو اكلج هذا البستان بس هو بقه وانتي هل شوفين حالتنه حييل ضعيفه يوم ناكل وعشره مناكل
ام سالم :اي اعرف ام سالم لان انتم هجي ذكركم ابو سالم وكاله ع بستانكم لان والله احنه متاذين عليكم وع حالتكم بس ياام ابراهيم
البستان متروك ومن بعد وفاه ابو ابراهيم محد اشتغل بيه وانتي مره جبيره وعندج بس بيداء لو عندج ولد جان خليتي للولد بس
بيداء بنيه وتاليه رايحه لبيت رجله لذلك بيعوه واشترو بيت احسن من هذا والباقي دبرو امركم وعيشتكم بيه
ام ابراهيم :اي والله يا ام سالم كلامج صحيح
بيداء :حضرت الشاي ورحت اقدمه لا ام سالم سمعت بيبي تكول اي والله كلامج صحيح لا ام سالم دخلت قدمته لا ام سالم وكعدت
هااا بيبي شكو ع شنو كلام خالتي ام سالم صحيح
ام ابراهيم :يمه جاي شراي ع بستان جدج وراح ابيعه هم نشتري بيت نعيش بيه احسن من هذا والباقي نمشي عيشتنه منه
بيداء:من كالتلي بيبي هذا الكلام نزل دموعي ع خدي لان هذا البستان بيه الي ذكريات لمن جنت صغيره جنت اطلع وي جدو للبستان
هو يفلح واني العب يمه كتله لا بيبي فدوه لتبعيه بس هذا البستان بقه من جدو وجدو جان حييل يحبه للبستان
ام ابراهيم :يمه بيداء جدج ممرتاح وهو بقبره لان جاي يشوفنه حالتنه ضعيفه والاكل يوم ناكل وعشره مناكل والبيت حالته حيل تعبانه
بيداء :اي بيبي اعرف بس فدوه لتبيعيه والله مستعده اشتغل ليل ونهار بس لتبعيه
ام ابراهيم:يمه شلون تشتغلين وانتي بنيه صغيره واني اخاف عليج
ام سالم :هاا ام ابراهيم شكلتي هسه اتفقنه يعني اكول لاابو سالم يكول لمديره موافين حتى يجي يشوفه
