بيداء:فرح وامج هجي حجن وسولفت كل الحجي الحجنه
ريم: ياعمري حقج تبجين كافي يعمري كافي فديت هل دمعات اني
بيداء:اعرف شنو ذنبي اني حتى هجي يسمعني حجي شسويت ريم عليج الله مو مردت اجي اني ومقبلت بس انتي اصريتي الا اجي وياج
ريم : اي والله ياكلبي مردتي تجين واني اصريت عليج الا تجين
روى: كافي يروحي واحنه شنو اتفقنه مو كلنه تصيرين قويه وشوفي فرح حجت هجي لان هي تريد ضياء وحاطه عينه عليه لذلك تريد
تغثج لان مجانت متوقعه اطلعين هجي وتعالي نعدل مكياجج اذا راح تضلين تبحين راح تخليهم يفرحون لان حققتي رغبتهم
ريم:اي كلبي لتخليهم يشوفون ضعفج واذا شافو ضعفج هذا راح يستمرون ع هذا بطبعهم
بيداء:سكتني البنات واخذني للغرفه عدلن مكياجي ويضحكن بيه عدلن مكياجي كحل وشوي اساس لان خف بسبب الدموع
روى:شوفي كلبي هسه من راح ننزل اريدج تضحكين وسولفين وكانما مصاير شي اوك
بيدء:اوك بس ترى اني مرجع وياج للبيت بعد اشوي
ريم:ليش كلبي مترجعين
بيداء:بعد الصار مكدر ارجع معقوله معندي كرامه حتى ارجع وامج مقابله ع وجودي بالبيت
روى:لاكلبي ترجعين ويانه وامي لازم تتعود ع وجودج بالبيت
بيداء:اوك ارجع بس مرجع اليوم اخذ يومين وارجع
روى:😒😒😒اوك بس يومين لااكثر ولو مقبل بس اريدج تغيرين اشويه عن تغير بيتنه
بيداء:☺☺ تسلمين يروحي صح الله منطاني اخت وحرمني من بابا وماما بس عوضني بيجن
ريم:يروحي بعد وبعد شوفي شنو نصير الج اكثر من اخوات
بيداء:اني محضوضه بيجن والله 😍😍
روى:يلا كاافي هسه يكولن كسرناهه ويفرحن
بيداء:يلا امشن نزلنه دخلنه للصاله كله تضحك وسولف شفت فرح عيونه اشتعلت ناار وام ضياء تخبلت
ريم:تعالي حبيبتي بيدو هنا خلي نكعد
بيداء:اوك
روى:لا لا تعالن هنا نكعد حلوه الكعده هنا
بيداء:باوعت ع مكان كاعده بيه فرح كتله بس غمزتلي روى
روى:عيني فرح ممكن شوي مجال نريد نكعد مكانه هذا جنه كاعدين بيه باوعت النه بغضب ومشت
بيداء :كعدنه وضلت روى تحشش ع فرح ونضحك ع سوالفه اجتي الخادمه كالت يلا الاكل جاهز رحنه ع اكل لكينه كلشي محضرين مقبلات
ووجبات اساسيه وعصاير كعدنه ضلينه ناكل ونضحك وفرح لمن شوفنه نضحك تشتعل نار كبره وروى ابد ماسكتت عن التحشيش ع فرح
وسمر اخت فرح كلش حبابه عكس اخته
نروح يم الشباب
ضياء:كعدنه نسولف ونضحك وحضرو العشه كعدنه نتعشه صارت لمتنه كلش حلو ومازن يسولف عن فتره دراسته النه وكل شخص
يذكر ايام دراسته وشلون خلصه كملنه وكعدنه بالحديقه ملتمين شفت جدي حاجه الخادمه وراحت الخادمه
بعد دقايق طلعن البنات ونسوان عمامي يضحكن سلمن علينه وكعدنه بس مشفت روى كلت اكيد ضلت جوه
ومتريد تطلع
بيداء:كلمنه الاكل ورحنه كعدنه بالصاله نضحك ونسولف اجتي الخادمه كالت يصيحنه طلعن نسوان عمام ضياء والبنات روى اطلعي كلبي
اني مطلع
روى:ليش ولج مطلعين
بيداء:يختي عيب اطلع هجي كدامج جدج وابوج والمصيبه اكثره ولد موجوده
روى:بيداااااء😠😠😠 راح اكتلج امشي ولج شنو هل حجي
بيداء:ولج شوفي لبسي شوفي حالتي والله عيب اطلع هجي
روى:ولج كااافي خلصتيه عيب عيب عيب ماكو شي اسمه عيب عندي امشي ولج
بيداء:جرتني من ايدي روى ومشت طلعنه للحديقه لكينه الكل كاعد يضحك ويسولف
ضياء:اشرت لريم اجتي يمي لان شفت روى طولت جوهه
ريم:هلا خويه شلونك
ضياء:الحمدلله خويه انتي شلونج
ريم:الحمدلله خويه بخير شنو محتاج ليش اشرتلي
ضياء:ماكو شي بس اريد اسئل ع روى اشو مموجوده ومطلعت
ريم:ردت احجي واكوله موجوده هسه تطلع شفت روى وبيداء طلعن شوف هذيج روى
ضياء:باوعت لروى وراهه بيداء لابسه فستان اسود ومكيجه نصدمت بشكله كلش حلوه طالعه بس هي مدنكه
روى:تعالي هنا نكعد كعدنه وضلو عمامي يباوعون علينه متعجبين كام جدو
الجد:اخذ ايد مازن وايد بيداء كل واحد وكفته ع جانبي مسااء الخير عائلتي واحباب كلبي طبعا اليوم سويت هاي الحفله والعزيمه ولميت
هاي المه الحلوه لسببين السبب الاول رجوع مازن
من الخارج وتخرجه والسبب الثاني لكيت حفيدت اخويه من الرضاعه هاي الكمر الي واكف يمي هي هاي اسمه بيداء
مازن:ضليت صافن ع كلام جدي يعني هاي بنت عمنه بالرضاعه من طرف جدي باوعت للبنيه تخبل طول وجسم وشكل المصيبه تستحي
ومدنكه راسه يبووي المستحه والخجل زايده جمال ولك فارس
فارس:هااا شكو ولك
مازن :ولك هي هاي النصدمت بيه قبل اشويه
فارس:اهاا اي هاي بيداء عايشه ويانه بالبيت
مازن:صدك وياكم وليش وياكم وشكد صارله اله
فارس:مصارله هوايه وسبب عيشته ويانه لان بيبيته قبل لتتوفه وصت ضياء عليه
مازن:ليش ضياء وين يعرفهم حتى وصت ضياء عليه
فارس:ضياء راد يشتري منهن البستان .................. وحجيت كلشي لمازن
مازن:يعني هسه هي معده احد ولذلك عايشه عدكم
فارس:اي صح معده احد بس هي امانه عدنه لذلك جدي وابوي خلوه عدنه بس هي كلش حبابه والله
مازن:اي مبين عليه
بيداء:سلمت ع كل واني كلبي يدك سريع واحس بالكوه امشي معرف ليش هجي كعدت ولفت انتباهي شخص يباوع عليه باوعتله بطرف
عيني الولد النصدمت بيه قبل اشويه عرفته هو هذا الولد علموده مسوين الحفله ضلو يضحكون ويسولفون كلمن راح لبيته صعدنه اني
وروى للغرفه
روى:بعدج ع رائيج متردين ترجعين للبيت
بيداء:اي مرجع يومين وارجع والله بس خلي اشويه البيت يهدى
روى:اوك يكلبي ولو راح تصير عليج الغرفه وحشه
بيداء:هههههه لتشلين هم بس لتفكرين بيه ومتصير وحشه
روى:ان شاء الله نزلت لكيت ضياء طالع كدامنه بالسياره وماما وبابا منتضرينه صعدت بسياره وصلنه شفت ضياء توه دخلت سيارته للبيت
نزل هو ودخل دخلت اني شافني
ضياء:دخلت روى وياهه امي وابوي بس بيداء مو وياهه كتله وينه
روى:شنو
ضياء:وينه شو مااجتي وياج
روى:اهاا قصدك ع بيداء راح تضل يومين عد بيت جدو وترجع
ضياء:ليش شصار
روى:مصار شي بس حتى تغير وفرح سمعته حجي اليوم
ضياء:ليش سمعته شسوت حتى تسمعه
روى:والله مسوت شي بس هي فرح من شافت بيداء تخبلت معرف ع شنو وبيداء راحت تشرب مي طولت رحت اني وريم وراهه
لكيناه تبجي كناله شكو كالت فرح سمعتني حجي
ابو ضياء:بابا روى بيداء ليش مااجتي
روى:بابا ماكو شي بس رادت تغير جو وكالت اريد البيت يهدى باوعت لماما خزرتني حتى مااحجي شي
ابو ضياء:يعني ماكو شي
ضياء:لايابه فرح مسمعته حجي لبيداء اليوم
ابو ضياء:ليش مسمعته شصاير بابا
روى:والله بابا مصاير شي بس بيداء راحت تشرب مي وتاخرت ورحنه وراهه ولكيناه تبجي وهذا الحجي السمعته اله فرح اليوم .......
ضياء:اباوع لاامي تخزر روى عرفت امي هم اله ايد بسالفه لان حتى لو فرح مسمعته لبيداء ممعقوله متجي لان فرح مو ويانه
عايشه صعدت فوك دخلت لغرفه روى انتضر روى تجي
روى:هاي هي بابا هذا كمل الحجي وهي ان شاء الله يومين وتجي اني اروح انام تصبحون ع خير
الام والاب:وانتي من اهلووو
روى:صعدت بس اريد اوصل للغرفه لان ميته تعب وطلعت من البيت ب9 الصبح دخلت لكيت ضياء كاعد هلا ضياء ليش كاعد هنا
ضياء:لان اريد اجاوبيني
روى:اجاوبك ع شنو
ضياء:امي اله ايد بسالفه بيداء لذلك مااجي
روى:لا ماله ايد
ضياء:روووووووى 😠😠 احجي الصدك لعد ليش امي تخزرج لمن جنتي تحجين
روى:هاااا. اي امي اله ايد وهي اول شي داخله ع بيداء ومسمعته حجي وبعدين فرح داخله عليه
ضياء:اوك يلا اخذي راحتج انتي طلعت من الغرفه رحت لغرفتي
كعدت حطيت راسي ع ايدي اوووف ربي شورطني وجبته خطيه تحملت
هواي اهاين وحجي لازم الكه حل لهل موضوع طلعت ملابسي ودخلت اخذت شاور وطلعت طفيت الضوه خليت راسي ع مخده ذكرته
شلون جانت مستحيه وخجلانه ضليت افكر بيه استغفرت ربي ونمت
خلص البارت رايكم بيه حبايب
😇😇
زهراء الغرابي......
