ابوضياء: يابه ضياء قبل لاتصعد عندي موضوع وياك
ضياء:هلا يابه تفضل اكو شي
ابوضياء:لايابه سلامتك بس جدك وصاني عليك بشغله
ضياء:امر يابه كول
ابو ضياء:يابه تعرف بجدك ميحب الكعده مال البيت
ضياء:اي يابه اعرف بيه صحيح من فتحت عيني لدنيا لكيته هو ميحب كعده البيت
ابو ضياء:مدامك يابه تعرف بجدك ميحب كعدت البيت وعندك علم جدك وكلني اكلك بشغله
ضياء:امر يابه انته وجدي ع راسي
ابو ضياء :سالم راسك بويه جدك يريد منك ادور اله ع بستان يكعد بيه ويغير جوه
ضياء:صار يابه بس ليش اني بذات طلب مني هذا الطلب ومطلبه من اخويه لو ولد عمي
ابوضباء:يابه لان انته تعرف بيه وبطبعه وشنو يريد لذلك طلب منك انته بذات ادور اله ع بستان وهو يعرف بيك مراح تخيب ضنك بيه
ضياء:هاي هي يابه صار تامر امر انته وجدي ع راسي بعد محتاج شي
ابو ضياء:ربي يوفقك سلامتك يابه ممحتاج شي روح نام
ضياء:اوك تصبح ع خير يابه بست ايده وصعدت للجناح مالتي حطيت جهازي ع شحن وطلعت ملابس بجامه وكيمونه اخذتهن ودخلت للحمام
سبحت خلصت طلعت نبهت المنبه ع ساعه 6:45 ونمت
نروح لبيت بيداء الي راح يشتري ضياء من عدهم البستان
مرحبا اني بيداء عمري 20 سنه امي وابويه متوفين لمن جان عمري سنتين صار حادث وياهم وبسرعه توفو ضليت بس اني الوحيده معندي
اخ او اخت بيبتي وجدي ربوني اهل بابا ربوني من عمري سنتين لحد هذا عمري 20 سنه عدنه بستان كان جدو يشتغل ويفلح بيه بس بعد
ماتوفه جدو
انترك البستان لان محد اشتغل بيه من بعد وفاه جدو ضليت بس اني وبيبتي ام ابراهيم مره جبيره بالعمر ومريضه بالسكر والضغط ضليت
اني وياهه لان محد الي حتى اروحله وعيشتنه يادوب ندبره وناكل لكمه وبيبتي تخاف عليه لذلك متخليني اشتغل وعدنه جارتنه ام سالم خطيه
هي مرات ادزلنه اكل وهي كلش قريبه من عدنه
بيداء:صباح الخير بيبي وبوست اديه
ام ابراهيم :هلا بهل صباح حبوبه صباح العافية عليج
بيداء:بعد عمري الله يعافيج هاج بيبي اخذي العلاج قبل الريوك
ام ابراهيم :اي يمه انطينياه حبوبه شنو اكو ريوك
بيداء:اي بيبي اكو البارحه ام سالم خطيه دزت النه بيض و جبن وصمون
ام ابراهيم :الله يوفقه ويستر عليه وع عياله هي هم ابتلت بينه خطيه وهمه هم ع كد حالهم
بيداء:والله بيبي حجيت وياهه وكتله ماكو داعي تجيبين وانتم ع كد حالكم بس مقبلت واني اكلج خلي اشتغل متقبلين
ام ابراهيم :يمه مقبل تشتغلين لان اخاف عليج يايمه وانتي بنيه وبعز شبابج وتوج جنج ورده مفتحه ومنو يكول الشغل التشتغلين بيه مبيه ولد
حرام وهاي الدنيا مبيه صار امان
بيداء:هاي هي بيبي اليرضيج اني اسوي اروح احضر ريوك اني كمت من بيبي ورحت حضرت الريوك اله وحايره وافكر اكول لحد متى نضل
هيج ومحد دايم النه جدو والله اخذ امانته وام سالم خطيه متقصر التكدر عليه اسوي النه كملت تحضير الريوك واني بين التفكير والحيره
اخذت الريوك ورحت يم بيبي كعدنه نتريك
ضياء:دك المنبه كعدت ع صوته طفيته كمت رحت للجناح البيه ادوات الرياضه لعبت رياضه ربع ساعه بس حتى استعيد نشاطي ومريد يصير
عندي خمول بالجسم كملت الرياضه اخذت المنشفه ودخلت للحمام سبحت طلعت بدلت لبست بنطرون لونه نيلي وقميص ماروني وعليه ليلك
ماروني طوخ مطعم بنيلي عدلت شعري وتعطرت ونزلت جوه يم الاهل لكيت امي وابويه كاعدين وياهم اخويه هو وزوجته
ضياء:صباح الخير
الكل:صباح النور
ضياء:صبحت عليهم وكعدت وياهم ع طاوله اتريك وسالني ابويه ع شغل وداور نقاش ع الشغل بيني وبين ابويه واخويه كملت من الريوم
يلا اني طالع للشركه محتاجين شي
ابو ضياء:لايابه سلامتك بس موتنسه ع الوصيك عليه
ضياء:الله يسلمك يابه ان شاء الله منسه وطلعت للشركه وافكر وين راح بستان لجدي
