بيداء:متت قهر وحركه لان عرفت راح يطلع عمال بيه ومهندسين يشتغلون بيه خليت حركتي بكلبي وسكتت
ضياء:اتفقت وي ام ابراهيم واخذت المفتاح منه حتى اسلمه للعمال ويبدون بيه شغل من باجر خصلت يومي ورجعت للبيت تعشيت وكعدت
ع Tv ورحت نمت كعدت ثاني لعبت رياضه واخذت شاور وطلعت نزلت يم الاهل وحجيت وي الوالد ع شغل وانطيته علم اليوم راح يبدي
شغل العمال والمهندسين بالبستان طلعت للشركه وصلت حاجيت المهندسين يطلعوون ويباشرون العمل بالبستان من اليوم وطلعو من بعد ماحاجيتهم ضليت كاعد بالمكتب لان معندي شي ضليت اراقب عمل الموضفين ومهاراتهم دخل عليه يوسف
يوسف:شلوونك ضلع
ضياء:هلا والله توه نور المكتب تمام انته شلونك
يوسف:الحمدلله بخير
ضياء:عسااك بخير يل غالي شنو اطلبك تشربه
يوسف :قهوه لان بعدني ممصحصح
ضياء:هااا ليش شنو صاير شي
يوسف:لاوالله مصاير شي بس البارحه طلعت وي الشباب للكوفي ورجعت متاخر
ضياء:هااا خير ان شاء الله وطلبت 2 قهوه وكعدنه نسولف ع شغل صدك ولك نسيت اكلك ليكت بستان لجدي
يوسف:هااا صدك ع خير بس شعجب لكيته بهل سرعه
ضياء:اي الحمدلله هم الفضل لاابو سالم من بعد الله هو لكاهه الي خطيه
يوسف:ابو سالم اليشتغل هنا بالشركه قصدك
ضياء:اي هو نفسه خطيه سمع بيه ادور ع بستان وكالي بيت جوارينهن يمهم وعدهم بستان والبستان متروك وهو تكفل بالموضوع وساعدني
يوسف:يلا الحمدلله بس شعجب متروك البستان
ضياء:لان اصحاب البستان مره جبيره وبنيه شابه تقريبا عمره ب20 ولذلك متروك
يوسف:ليش شنو معدهم شخص يدير البستان والبيت
ضياء:والله معرف بس السمعته جان البستان يديره ابو ابراهيم بس توفه ومن بعد وفاته انترك وضل محد يديره ومعتني بيه بس والله ناس
فقره وبيتهم وحالتهم كلشش تعبانه فوق متتصور الله يساعدهم شلون عايشين بهل وضع معرف
يوسف:خطيه الله يساعدهم
ضياء:بس يااخي البنيه معرف شبيه وياي من اول مشافتني كالبه وجه عليه
يوسف:ليش شبيه
ضياء:والله معرف من رحت اتفق ع سعر البستان اجتي ضيفتنه شاي مضيفتني ضيفت بس ام ابراهيم وابو سالم وصلت يمي خلت الصينيه ع كاع ومشت بعدين من طلعنه وكفت اباوع ع بيت اجتي تكلي لازم معاجبك البييت حتى هجي تباوع
يوسف:خاف بيه شي الله يهديه
ضياء:والله معرف وضلينه نسولف اني وياهه وهو ضل يسولفلي زوجته وطلعنه نتغدى اني وياهه بالمعطم تغدينه ورجعت للبيت بدلت ونمت
كعدت العصر اطلع شكل خلفيات وديكورات حتى اسويهن بالبستان لان مخلي ابالي اسوي شي مميز اسوي صار الليل تعشيت وي العائله وطلعت لبيت جدي وصلت فتحلي الحارس الباب ودخلت سلمت ع جدي
ضياء:السلام عليكم
ابو محمد:هلا يابه وعليكم السلام
ضياء:بوسته من ايده وبست راسه
ابو محمد:الله يرضي عليك وليدي
ضياء:تسلم جدي الله يطول بعمرك وكعدت اسولفله ع بستان وكتله العمال باشرو العمل بيه من اليوم وهو فرح واتفقنه ع يوم نروح نداور البستان بااسمه حتى يصير قانونيا بااسم جدي وكلنه حتى ننطي الفلوس لاام ابراهيم حتى تعيش وشنو تحتاحه نساعده بيه كملت الكلام وي جدي ورجعت للبيت كعدت اسولف وي العائله ونضحك ع حركات وسوالف مسره بنت اخويه ورؤى تلعب وياهه وتعاند وياهه صدك لمه الاهل والعائله راحه بال صارت الساعه ب1 اترخص منهن وصعدت بدلت ونمت لثاني يوم ومثل كل يوم من اكعد وابدل واطلع للدوام طلعت للدوام
واجتمعت وي الموضفين حول مشروع جديد وخليت محاسبين جدد يطلعون الارباح والخسائر صارت الساعه ب10 خابرت المهندسين
