بيداء:هناا نصدمت 😵😵😵 شلون وصل هذا السوار للخانه حرت شنو احجي
ام ضياء:شوفو هاي تاليه ثقتكم وين وصلتكم كلكم صرتو ضدي علمود هاي بنت الشوارع شوفو شلون معده تربيه رغم متقبلين وجوده بالبيت ويانه
ومخلينه غصبا عليا هنا مقدرت هذا الشي وشوفو هسه عملته السوده الله يسود وجهج ياحقيره 👋👋
بيداء:واكفه واسمع الحجي مثل السم ع كلبي ومااحس الا ام ضياء ضربتني راشدي
ضيااء:يمهةةةةةة 😠😠 لزمت ايد امي
ام ضياء:عوفني خلي اربي هاي الساق..... الحقيره ادب سز
ضيا:يمه عوفيه 😡😡😡
ابو ضياء:بنتي كولي انتي اخذتي وليش اخذتيه
بيداء:😢😢😢😢😭😭 عموو وداعت ماما مااخذته اصلا اني حايره شلون وصل لخانتي
ام ضياء:اكيد مراح تكول هي اخذته لان متريد تبين نفسه هي حراميه
بيداء:صدكوني مااخذته ولااعرف شلون وصل لخانتي والله
ام ضياء:شنو يعني تجذبين الشفناهه هسه مو كدامج السوار من خانتج طلعو ووسن شايفتج طالعه من الغرفه احجي وسن
وسن:😔😔 ماما شفت ماما بيداء خارجه من غرفه ماما روى عندما كانت ماما روى في الدوام
بيداء:والله مادخلت لغرفه روى وهي مموجوده والله هي لمن اجتي يلا دخلت للغرفه وهي وياي روى
ام ضياء:بعد ماكو الج هنا مكان ياحقيره اطلعي بره
ابو ضياء:ام ضياااء 😠😠😠
ام ضياء:هااا راح تمنعه تطلع من البيت شووف ثقتك شوف شصار لمن ماصدكتني شوف عملته شنو سوت والله مااضل هنا بالبيت دقيقه
ابو ضياء:روحي بنتي البسي خلي اوديج
بيداء:اي عمو احجي واشهك من البجي 😢😭طلعت من الغرفه رحت لغرفتني اجتي روى ورايه
روى:ضليت صافنه ع الشي الشفته معقوله بيداء تاخذ شي مو اله لا مستحيل اعرفه ضليت بس صافنه ونصدمت اكثر من شفت امي ضربته
وهي تحاول تبرر موقفه بس مكدرت تخلينه نصدك راحت لغرفته تلبس رحت وراهه بيداء كولي انتي هجي سويتي
بيداء:جتى انتي روى ممصدكتني 😢😢
روى:احجي انتي لو لا وليش هجي سويتي واخذتي
بيداء:روى وغلات امي مااخذته اصلا حايره شلون وصل لخانتي
روى:اوك امشي وياي اوكفي وكولي مو اني
بيداء:لا روى اكيد مراح يصدكوني لان وسن شهدت ضدي واكيد الكل صدكه شوفي حتى اهلج محجو شي لان مصدكين بيه
روى:مالج دخل امشي وياي اني اوكف وياج
بيداء:لا روى لا بس شوفي طلع وياي حق لمن كلت اريد اطلع من البيت ومقبلتي شوفي هذا الجنت خايفه منه يصير شي بس صدكي وداعت اهلي اني مسويت هجي شي
روى:شنو احجي حقه البنيه اذا ترحين من عدنه وين ترحين
بيداء:ان شاء الله اروح لجهنم مريد اضل هنا بعد الصار
روى:اخذي وياج ملابسج شلون طلعين بدون ملابس
بيداء:مريد اي شي بس اريد اطلع منا 😭😢 كملت يلا عمو اني كملت
ابو ضياء:يلا بنتي امشي
بيداء:نزلنه مااخذت شي عفت كلشي شافتني ام ضياء ضلت تباوعلي والكل واكف يباوعلي وابو ضياء يمشي كدامي هنا فعلا حسيت اني وحيده ومحد الي ردنه
نطلع صاحت ام ضياء وسن نضفي الغرفه عدل والملابس الموجوده بيه ذبيهن لان ملابس زباله منريدهن بالبيت
بيداء:سمعت الحجي اووف ياكلبي ماما بابا تعالو شوفو بنتك اخر وكت شنو ضلت تسمع وتسكت متكدر تحجي طلعنه صعدت بالسياره ابجي واشهك
بكل قوه عندي ع الشي الصار تمنيت الله ماخذ عمري ولا صاير هل موقف وخصوصا بعد ماشهدت وسن ضدي كاعد ابو ضياء بصفي محجه شي بس ساكت
وصلنه لبيت جد ضياء
ابو ضياء:يلا بنتي نزلي
بيداء:عمو مااريد انزل مالي وجود بينكم
ابو ضياء:انزلي بنتي وندخل جوه نتفاهم
بيداء:عمو مريد ادخل بعد الي صار مالي وجه اوكف كدام شخص من عدكم
ابو ضياء:انزلي بنتي انزلي والله كريم
بيداء:نزلت دخلت للبيت ابو ضياء دخل يم ابو واني رحت للمطبخ كعدت بس ابجي واشهك والخدم صافن عليه
ابو ضياء:وصلنه للبيت مقبلت تنزل كسرت كلبي بس شسوي مكدر اسوي شي لان وسن شهدت عليه وكالت شافته طالعه من الغرفه والسوار صحيح
طلع من خانته مكدرت اجذب الموقف لان كلشي صار كدام الكل وبصوره واضحه دخلنه للبيت هي دخلت للمطبخ واني دخلت يم ابويه
ابو ضياء:السلام عليكم
الاب:هلا ابني وعليكم السلام
ابو ضياء:بست راسه وكعدت شلونك بويه
الاب:الحمدظلله بخير ابني
ابو ضياء:بخير يابه
الاب:خير ابني شكو مو ع بعضك مبين
ابو ضياء:والله بويه معرف شكلك
الاب:خير ابني شكو احجي
ابو ضياء:والله بويه اني جبت بيداء هنا للبيت
الاب:ليش ابني شكو شصاير
ابو ضياء:والله بويه .............. وحجيت كلشي صار بالتفصيل
الاب:معقوله بيداء هجي تسوي
ابو ضياء:والله بويه معرف بس البنيه صح صارله فتره بس مشفت منه مو زين طلع حتى لمن تسمع حجي من زوجتي تسكت ومتحجي
الاب:هي وينه ابني
ابو ضياء:بويه بالمطبخ يمكن كاعده بس بويه وسن شهدت ضده والسوار من خانته طلع كدام عيونه
الاب:شنو تقصد مخليه هنا بالبيت لان هي حراميه
ابو ضياء:لا بويه لا مو هجي قصدي قصدي مكدرت اوكف وياه لان كلشي صار كدام عيونه
الاب:انته مالك دخل بيه امشي روح لبيتك بيداء هنا اضل عندي
ابو ضياء:ماشي بويه اني رايح بست راسه وطلعت
الجد:معقوله هجي تسوي ممعقوله اني اعرفه مؤدبه ومستحيل هجي اسوي خلي اروح اشوفه رحت للمطبخ لكيته كاعد بالكاع ومخليه
راسه بين رجليه وتبجي وشهك خليت ايدي ع راسه
بيداء:كاعده ابجي حسيت شي فوك راسي رفعت راسي وشفت جد ضياء كدامي دنكت وضليت ابجي
الجد:كومي بنتي كوومي غسلي وتعالي وياي
بيداء:كمت غسلت وجهي ورحت وياهه للصاله كعدت كدامه
الجد:كافي بنتي تبجين بس كوليلي صحيح السمعته
بيداء:اكيد مراح يصدك بيه مثل اهل ضباء مصدكو بيه جدو وداعت قبر ماما وبابا مسوبت هذا الشي
الجد:لعد شلون وصل السوار لخانتج
بيداء:والله معرف والله 😭😭😢
الجد:كاافي بنتي كاافي الله يرضه عليج واذا كلامج صحيح الله يبين الحقيقه ان شاء الله كومي بنتي ارتاحي
بيداء:مريد ءاضل هنا بعد مالي مكان بينكم
الجد:شنو هل حجي بنتي انتي بتنه وضلين هنا
بيداء:مشكور بس مالي مكان هنا لان من صرت بينكم مشفت الراحه
الجد:كاافي بنتي عوفي هل كلام وروحي ارتاحي
بيداء:كمت رحت للغرفه وكفت كدام المرايه اباوع لنفسي مضلومه وحيده محد الي صرت بغابه وحدي ماكو شخص يساعدني كعدت بزوايه
وخليت راسي بين رجليه وابجي واشهك اوووف ربي دخيلك ساعدني وبين حقي
ضياء:بعد مشفت الموقف مكدرت احجي حتى لو احجي شنو احجي ضليت ساكت المصيبه امي ضريته راجدي ووضعه كدام عيوني شلون
ساكته وبس تبجي اخذه ابوي وطلعو ضجت حيل اخذت السويج وطلعت ضليت افتر بسياره وكل شويه
اتخيل موقفه كدامي من امي ضريته راشدي وهي بس تبجي وتشهك استغفر الله ياربي وين راح تصفه
بيداء:مرت الايام واني عد بيت جد ضياء لااطلع من الغرفه ولااكل بس بجي مخلصته جد ضياء حاول شكد وياي يغير عليه الجو بس مكدر
اجتنه روى صعدت يمي بالغرفه اسولف وياهه
روى:اشتاقيت اله اكيد هسه مخلصته بجي حاجيت بابا ياخذنه لبيت جدو رحنه صعدت اله وخليت امي وابوي يسولفون ع موقف دخلت عليه
وجه اصفر والعيون مورمه من البجي بيداء
بيداء:كاعد ابجي ودخلت روى عليه رحت حضنته
روى:يعمري هاي شصاير بيج
بيداء:مبيه شي لتخافين
روى:شنو مبيج شي وانتي هاي حالتج
بيداء:كتلج مبيه شي والله روى والله مااخذته للسوار والله اني مو حراميه 😢😢
روى:اشش كافي كلبي والله مصدكتج والله مردت اخليج اطلعين من البيت بس مكدرت احجي بعد الي صار كدامنه
بيداء:روى اريد اطلع من هذا البيت والله مريدكم بعد من شفتكم شفت بس التعب منكم
روى:وين ترحين ولج ع اقل هنا اكو مكان وكاعده بيه
بيداء:اروح لاي مكان بس المهم مضل هنا ولج تعبت تعرفين شنو تعبت جاي احجي ودخلت ام ضياء
ام ضياء:شعندج هنا كاعد روى
روى:ماما كاعده اسولف وياهه
ام ضياء:تكعدين هنا وي هاي الحقيره الحراميه مو كدام عينج طلعنه السوار من خانته
روى:بس ماما وقاطعتني
ام ضياء:لابس ولامعرف شنو انزلي كدامي هسه
روى:اي اخذت الجنطه وباوعت ع بيداء خطيه غركانه بدموعه اووف ربي ساعده
ام ضياء:نزلت روى شوووفي ولج شكد طلعتي حقيره وادب سز وشكد معندج تربيه واخلاق رغم السويتي طلعتي مم بيتي واجيتي هنا
صدك معندج اخلاق ولو هي التمد ايده هم عده اخلاق
بيداء:اسمع الحجي ودموعي تصب حسيت شي بداخلي صرخ كاافي انتي اكيد سويتي هذا الشي واتهمتيني
ام ضياء:هااا شنو هسه ردتي تخلين التهمه براسي اني سويته وخليته بغرفتج
بيداء:انتي تكرهيني اعرف بيج جنتي بس ترديني اطلع من البيت
ام ضياء:حقيره وفوكاه الج عين تحجين بسيطه الا انزل واكللهم
بيداء:نزلت ام ضياء وهي تصيح شوفو السانه شوفو شلون تتهمني
بيداء:سمعته شتحجي كعدت ابجي 😢😢 لازم اسوي شي واطلع من هذا البيت ماكو حل غير اشرد من هذا البيت لان جد ضياء اكيد
مراح يخليني اطلع من البيت ضليت الليل كله كاعدته منمت منتضره الصبح يطلع حتى اشرد واني ابجي نمت فزيت
الساعه ب5 ونص كمت غسلت وبدلت انتضرت تصير ب6
صارت ب6 نزلت ع كيفي فتحت الباب لكيت الحارس نايم والجحو بيه بروده فتحت باب الشارع وسديته ع كيفي شفت الشارع مبيه
ولاشخص وين اروح هسه المصيبه معندي فلوس ضليت امشي امشي اذكرت بيتنه بعدين ذكرت كالو البيت وكع
بسبب الحريق اذكرت جارتنه ام سالم
لهنا وخلص البارت ومنا راح تبدي رحله بيداء
توقعاتكم 😍😍
زهراء الغرابي......
