ابو سالم :اي بنت ابنه وسولفتله ع اهله والحادث
ضياء:ابو سالم سولفلي ع بيداء وكالي ومن هي صغيره اتوفو اهله بحادث هذا الشي خلاني ازيد حيره وين تاليه تصير رجعت للبيت واني دايخ
بموضوع بيداء السلام عليكم
الام:وعليكم السلام هلا يمه شلونك
ضياء:بخير يمه وين ابوي
الام:ابوك هو واخوك كاعدين بالمكتب
ضياء:ماشي يمه اترخص اروح اشوف ابوي
الام:غالي يمه براحتك
ضياء:دخلت للمكتب السلام عليكم
فارس والاب:وعليكم السلام تعال تفضل اكعد
ضياء:كعدت شلونك شخباركم
فارس:بخير الحمدلله شنو موضوع ام ابراهيم ووصيته ع بنته لمن وصتك
ضياء:والله خويه معرف وحتى معرف عنه شي وليش وصتني والبنيه مو بنته اصلا
الاب:لعد بنت منو يابه
ضياء:يابه اليوم ابو سالم حجالي عنه وكالي مو ببنتهم وانما تصير بنت ابنهن واهله توفو وهي صغيره وضلت هي يتيمه وجده وبيبيته ربوه
الاب:لاحول الله ياربي مسكينه هل بنت والله
فارس:طيب شنو راح نسوي هسه بيه والبنيه صارت امانه عد ضياء
الاب:باجر ان شاء نروح لجدك ونشوف حجيه شنو
فارس وضياء:الله كريم
ضياء:اترخص اني تعبان محتاجين
فارس:لاخويه سلامتك الله وياك
ضياء:تصبحون ع خير طلعت من الغرفه صاحت امي ماتريد عشه كتله مااشتهي وصعدت للغرفه من التعب اخذت شاور حتى ارتاح دكيت ع
الموضوف بالشركه السكرتير شنو صار بالشغل كالي رسلي ملفات ع رابط واوراق مصوره كعدت ع الابتوب ضليت اراجع بالشغل والاوراق
ماحسيت بالوقت باوعت ع ساعه ب1 ونص اووف شنو هل وقت عفت الابتوب ع ميز ونمت من التعب بسرعه نمت كعدت الصبح بدلت ونزلت
صباح الخير
الاب:صباح الخيرات
ضياء:كعدنه ع ريوك
الاب:حضر روحك نخلص ريوك ونروح لجدك
ضياء:اوك بس ليش هسه نروح خلي نروح بالليل
الاب:لايابه ميصير لازم نحل الموضوع بسرعه مو مال تأخير
الام:خير ان شاء الله شنو الموضوع حتى لازم تحلونه اليوم
الاب:ماكو شي بس ع مود الشغل والشركه
الام:هاااا ماشي
ضياء:كملت ريوك يابه اني طالع كدامك بسيارع لجدي وانته تعال لمن تخلص
الاب:روح ابني الله وياك
ضياء:صعدت بسياره طلعت لبيت جدي ذكرت بيداء خابرت ع الممرضه كالت تريد تشوفه واحنه نكلله ميصير دخلين اله وبالكون تقتنع سديت الخط
منه اووف ربي شنو الجاي يصير وصلت لبيت جدي سلمت عليه
ضياء:صبااااح الخير
الجد :صباح الخيرات هلا ابني تعال نورت
ضباء:من نورك جدي تسلم وبست راسه
الجد:خير ابني مو من طبعك تجي من الصبح
ضياء:خير جدي لتخاف بس هسه يجي ابوي وراي ويبلغك بالموضوع
الجد:هااا خير ان شاء الله
ضياء:كعدنه نحجي اني وجدي ع الشغل وع الشركه كاعدين دخل ابوي
ابو ضياء:صبااح الخير
الجد :هلا ابني صباح الخيرات
ابو ضياء:شلونك يابه شخبارك ان شاء الله بخير
الجد:الحمدلله بويه بخير شنو الموضوع يابه ضياء يكول اكة موضوع ابوي يبلغك بيه
ابو ضياء:يابه تذكر الناس الي اشترينه البستان منهن الك وضياء سلولفلك عليهم
الجد :اي ابني اذكر وكال ضياء ناس فقره وماعدهم والي يتولاهم
ابو ضياء:اي يابه صح قبل يومين احترك البيت مالتهم واخذوهن للمستشفى
الجد:لاحوال الله ياربي خو ماصار بيهم شي
ابو ضياء:يابه البنيه مابيه شي بس المره الجبيره ام ابراهيم هي مريضه من اصله وهي جبيره بالعمر لذلك انطتك عمره
الجد:لا اله الاالله لاحول الله انا الله وانا اليه راجعون
ابو ضياء:بس يابه قبل لاتتوفه المره الجبيره صاحت ضباء ووصته ع البنت والبنيه طلعت يتيمه وماله احد ومن هي صغيره اهله سو حادث وتوفو وجده وبيبته همه الربوه وجده قبل فتره توفه وقبل يومين توفت بيبته وهسه حايرين وين نودي البينه وهي صارت امانه بركبك ضياء كلنه نخبرك ونشوف كلامك شنو وشنو نصرف
الجد:والله ياابني معرف شكول بس البنيه صارت امانه والرسول موصي بالامانه ولازم منعوف الامانه
ضياء:زين اني عندي حل وهل حل مناسب لكل الاطراف من جهتنه ومن جهت البنيه
الجد:كول ابني شنو حلك
ضياء:اني اكول نوديه لدار الايتام هم يعتون بيه وهم حل مناسب اله
الجد:بعصبيه شلون هجي تكول وهي موصينك عليه ومعقوله انته الجبير الواعي المثقف يطلع منك هذا الملام ماجنت متوقعك تكون هجي
جنت معتبرك بشي ثاني واكبر من هذا
ضياء:جدي اهدئ بس هذا الحل وماكو غيره لان مستحيل البنيه تقبل وتجي عدنه بالبيت
الجد:لا راح تقبل وتجي اني احاجيه واياك اشوفك تحجي هل حجي كدامي والبنيه باجر تجي عدكم
ضياء: حاضر جدي هاي هي
ابو ضياء:،هاي هي يابه مثل ماتريد انته فصل واحنه نلبس بس شلون نخبر البنبه
ضياء:اني اتكفل بهذا الموضوع خلوه عليه اترخص اني محتاجين شي
الاب والجد: الله وياك
ضياء:طلعت من البيت واني افور وراسي يريد ينفجر من التفكير صعدت بسياره خابرت ع اخته ريم
ريم:طلع زوجي للشغل ورجعت اني للغرفه اريد ارتبه دك الموبايل شفته ضياء يتصل خير ان شاء رفعت الخط
ضياء:صباح الخير شلونج خويه شخبارج
ريم:صباح الخيرات هلا خويه الحمدلله تمام وانته شلونك
ضياء:الحمدلله بخير ريم اريدج بشغله ممكن طلب
ريم:اطلب خويه غالي والك رخيص
ضياء:تسلمين خيتي بس ردت تجين وياي بشغله اذا ماعندج شي
ريم:ماعندي شي خويه بس خلي اشوف زوجي واردلك خبر
ضياء:اوك منتضرج سديت الخط منه كعدت انتضره
ريم:خير ان شاء الله يريدني بشغله اتصلت ع زوجي عادل وكتله ضياء يريدني بشغله وكالي عادي روحي وهذا اخوج سديت الخط منه
اتصل ع ضياء
ضياء:اتصلت ريم وكالت زوجه قبل ومحجه شي وكتله اوك حضري نفسج اني اشويه واكون يمج
ريم:اوك سديت الخط منه وحضرت نفسي لبست تنوره وقميص وشال وجنه اخذته وياي صغيره لاكتني عمتي خير ان شاء الله وين طالعه
ريم:عمه ضياء يريدني بشغله واني خبرت عادل وكالي اي عادي روحي
العمه:😒😒 روحي الله وياج
ضباء:وصلت كدام البيت رمشت ع ريم معناه طلعيلي طلعت الي صعدت بسياره
ريم:هلا خويه خير شكو خوفتني
ضياء:اصعدي واني هسه اكلج ع كلشي صعدت ريم وحجيت اله كلشي لمن اشترينه البستان و ع حريق بيت ام ابراهيم ولمن وصتني ع بيداء
ريم:زين ليش وصتك ع بيداء وهي متعرف عنك شي بس اشتريت منه البستان
ضياء:هو هذا المحيرني بس اريدج تخبرين البنيه بوفاه بيبيته لان لحد هسه متعرف شي ع وافته واني اعرفج واعيه وشلون راح تبلغينه للبنيه
ريم: ان شاء الله خويه وصلنه للمستشفى سالنه الممرضه ع البنيه وخبرتنه عن وضعه صعدت للطابق البي الغرفه اني وضياء وضياء دلني ع غرفه دخلت لكيت بنيه حلو شكله وشعره اسود وطويل وسرح صفنت بيه بس اباوع لوجه تعبانه وجوه عيونه سواد كعدت يمه ع السرير حست
عليه هي فزت
بيداء:نايمه حسيت اكو حركه يمي فزيت لكيت بنيه حلو شكله ولبسه راقي صحت منو انتي وشتردين مني
ريم:اهدي حبيبتي لتخافين ماكو شي يستوجب الخوف
بيداء:هديت لمن كالتلي هذا الحجي
ريم،:اعرفج عن نفسي اني ريم اخت ضياء
بيداء:اخت الشخص الشتره البستان من عدنه
ريم:اي حبيبتي اني اخته
رائيكم بالبارت وهل مره البارت 1000 كلمه مو 500 لطلب وحده من المتابعين
