So Into You

KABANATA 22

MISSION: MR. CHUA

JANELLA

Madilim...

Sobrang dilim..

Kadiliman lang ang tanging nakikita niya. Wala siya ibang makita.

Sinubukan niyang gumalaw pero mahigpit nakatali ang mga kamay niya ngayon.

Nasaan siya?

Ang huling naalala niya matapos sila dakpin ay nasa isang kwarto sila kung saan dinala silang dalawa ni Serena..

Si Serena..

Nasaan na si Serena ngayon?

Nasaan na ang kaibigan niya. Anong ginawa nila sa kanya?

Napahikbi siya hindi niya mapigilang mapaiyak sa pag aalala.

Naalala niya kung paano sila lumaban dalawa, sinubukan nilang tumakas sa kwarto kung saan sila kinulong pero sa kasamaang palad ay maraming nagbabantay sa kanila.

Sa sobrang inis nang isang lalaking nagbabantay sa kanila ay meron itong tinurok sa kanila nang isang bagay hanggang sa tuluyan silang nawalan nang malay.

At ito na siya ngayon.. Nakapiring ang mga mata, nakatali ang mga kamay.

Hindi niya alam kung nasaan ba siya ngayon..

"A-ateng...."

Nabuhayan siya nang loob nang marinig ang boses ni Serena.

Pinakinggan niyang mabuti ang boses nito nang marinig niya ulit itong nagsalita.

Mukhang sa harapan niya lang naka pwesto ang kaibigan, hindi nakakalayo sa kanya.

"Serena.. Okay ka lang ba diyan?" may pag aalalang wika niya.

"Okay lang ako. Ikaw ba diyan te?" ramdam niyang ang takot sa boses nito.

Sino bang hindi matatakot, hindi nila alam kung anong mangyayari sa kanila.

"Okay lang rin ako.. Hindi ka ba nila sinaktan ha? Hindi ka ba nila g-ginalaw?" tanong niya rito.

Kailangan niyang malaman kung may masama bang nangyari sa rito, hindi mapapanatag ang kanyang isipan.

"Hindi ate.. Wala naman masakit sakin eh. Sayo ba?" balik nito sa kanya.

Nakahinga naman siya nang maluwag nang marinig ang sagot nito.

Pinakiramdaman naman niya ang kanyang sarili kung may masakit ba sa kanya pero wala naman siyang naramdaman.

"Wala, wala ring masakit sakin." sagot niya.

Mabuti na lang talaga at walang ginawa sa kanya.

Hindi niya alam ang mangyayari sa kanya kung nagkataon ngang may gumalaw sa kanya.

Baka hindi niya kayanin at mas gugustuhin na lang niya mamatay na lang.

"Dalhin niyo na ang dalawang yan sa stage!"

Napukaw ang atensiyon niya nang may marinig siyang sumigaw.