زوجة لسبعة أيام

٥٧

_احمد والله انا ما كدا بس داير اسالك ، البت الجابت الصينيه دي منو ؟
*ليه ؟
_وريني طيب 
*لا وريني ليه ؟
_حابي اتقدم ليهااا ، والله دايرهااااا ..
*شش ش شنوووو ؟ّ
_في شنو انت ؟
*مم مافي شي .. 
_كيف مافي شي يا احمد وانت وشك قلب وجاب 60لون..
*عممار انا لازم اتحرك اسي اتزكرتا عندي مشوار ضروري ، يلاااا
_مشوار شنو يا احمد ، كدي تعال يا زول بسم الله ، احمد لحظة عليك يا زول كدي خلينا نتفاهم ..
*عمار الله يخليك خليني امشي ..
_يا زول يمين بالله ما تمشي ،انحنا ما شفع ولا صغار ،تعال هنا خلينا نتكلم لو سمحتا ، ليه داير تعمل زي تصرفات الباقين من متين بنتعامل مع بعض بالاسلوب دااا ...
*عمار انت م حتتفهم الانا بمر بيهو ، ضايع ما عارف نفسي انا عايز شنو والله ضايع يا اخوي ..
_طيب اقعد لو سمحتا ..
*عمار انا ما حأقدر اجاوبك علي شي عشان كدا باب النقاش مقفول ..
_احمد انا لو م كنت عارف موضوع رحاب وان البتمر بيهو دا بي سببها كان قلت انك عندك مشاعر للزوله الكلمتك عنها دي ، بالجد ما فاهم مالك لانه وشك قلب وحالك اتقلب بعد الموضوع دا مباشرتاً ..
*ليه مصمم نتناقش !
_عشان داير اعرف حقيقة الحاصل دا ..

( في جانبنا )
مريم صحبة عبير واخت معاذ : علوشة غني عليكي الله ..
عبير : اي غني ياخ ، بس غني اغاني شبابيه كداا ..
انا : الشبابيه يا عبير م بحس فيها روح ، حتى الالحان ملعوب فيها ، م بتتغنى بي مشاعر كدا بغنوها من غير احساس و ما اغاني يغنيها الجيل الجاي ، لكن تعالي شوفي ناس زمان واغاني ناس زمان والطرب ياخ انا مرات بقول ي ريتني لو عشت شباب ناس حبوبة ،، 
عبير : انا شاكة انك متعملة اصلو م معقول وحدة لبقة زيك كدا و واعيه وتكون م دخلت مدارس ولا اتعلمت ..
انا : ههههه دروس الحياة مافي مدرسه في الدنيا بتدرس منهجا ، الدنيا دي كان م علمتك مافي شي بعلمك بعد نصايح امك وابوكي والناس الكبار لانهم عاشو تجربه قبلك ..
مريم : صراحه انا ما عارفه لكن لمن اسمع زول يتكلم عن الدنيا و الحياة وكلامك دا يا علياء بستغ ب ، اسي الدنيا دي فيها شنو ، ما هدا عايشين م شفنا درس واحد من الدروس البتحكو فيها دي ..
انا : عارفه ليه يا مريم ؟ عشان انتي من قمتي قمتي وفي زول متحمل مسؤليتك ، قمتي وانتي عندك ضهر ، لقيتي كل حاجة جاهزة ، لو جربتي في مرة تشتغلي شهر و تاخدي مرتبك ، لمن تجي تصرفي الجنيه حتجتهدي انك تصرفيهو في حاجة نافعه لان الوقت داك جتكوني عرفتي قيمتو وتعبتو عشان توفريهو ،عكس لمن امك وابوكي يدوكي ليهو ،م حتحسي بشي لانك م تعبتي فيهو وم عمدو قيمة عندك لو جدعتيهو م حيفرق معاكي ، حتكوني واثقه انه حيدوكي تاني ، ودا درس بسيط شديد من دروس الحياة ...
عبير : فعلا يا علياء ، انحنا م جربنا نعيش الصراع داا لكن بالجد صح كلامك ..
مريم : حيرتيني طبعا لمن بقيت مبحلفه بعاين بس ..
روان صحبتهم : عليكي الله غني ياخ اي لنية تحبيها عيشي فيها عشان تبدعي .
انا : اممممممم طيب احممممم اااا
عبير: اوففف تلفونك يا علياء ياه دا منو الما عندو مواعيد دا بس عليهوو ،هاكي ردي عشان م يفلق راسنااا ... 
انا : جيبي ..
*الووووو ...
_مرحب 
*مرحبتين يا هلاااا 
_علياء معاي ؟
*ايوة انا 
_طيب يا علياء انا جيت البيت و مافي زول فتح لي ..
*طيب انت منو وداير شنو ؟
_انتي مش كنتي بتفتشي لي شغل ، انا تبع وليد هو كلمنا و انحنا محتاجين وحدة تقيف في محل ملابس ..
*وليد !
_ايووة و انا اسمي ايمن !!!!
*طيب يا ايمن ، انا حالياّ عندي شغل ، شكرا ليك و بلغ شكري ل وليد ،عن ازنك ....*قفلت .. 
اااي الموضوع غريب خصوصا ان في اسم وليد بس م عارفه اتغظتا كدا ليه .. المهم كدا مرتاحة ... 
مريم : يلا يلا غني 
انا : طيب طيب ، عبير ياخ ما تعايني لي كدا ما بقدر اغني والله بضحك يخ هههه ..
عبير : عويرة دي اها خلاص قبلتا هههه 
انا : احم امممم ( .......) 
روان : يا سلاااااااااام 
عبير : ي سلام سااي ماشاءالله ... 

( في جانب ايمن )
ااااخ معقول اكون يالسذاجة دي ، اسي دا موضوع ، اخش ليها بيهو ، من متين هو رحاب كمان عندها مخ ..كنت عارف يا علياء انك ما صيدة ساهله ...وانا ليه سميتا صيدة و هي جابت راسي من اول لحظظة .. 
يا اتغير وابقى انسان محترم وادخل حياتها يا اتغير برضو وابقي زول محترم .. م عندي غير الخيارين ديل كل خيار بفرض نفسوو ... اااه ، زي دي بتكون مسلمة و متمسكة بي ديانتا ، طيب انا كمان قدام الناس مسلم واهلي مسلمين ، والجواي جواااي .. برصو م بخليكي يا عليااااااائي ... 
استكانة

و الشمس في عليائها أنثى ،،و كل الطيبات اناثُ ❤ ..