زوجة لسبعة أيام

٢١

رجعت بكوي و بدندن ، و انا بحب المكوة شديد و لمن اعمل حاجة و انا مرتاحة نفسياً بسرح جد و بغني ، وبعدها ، فجأة الباب خبط .. و هنا كانت الصدمة ... الباب خبط ، بعد قفلتو في وش رحاب ، او بمعنى اصح هي قاعده تتكلم و م فكرت ان ممكن يكون في زول في الغرفه دي و انا سايبه كان الباب متاكا .. 
فتحت الباب ، كنت متوقعه انها تكون رحاب ، طبعاً في الوقت داك انا م كنت عارفه اسمها او اتقال و م ركزتا ، بس عارفه ان دي البت الغلطت معاي ، المهم اعفيكم من المعط ..
فتحت الباب ، اتفاجأتا بي زول مادي لي جلابيه و ماسك التلفون و بيتكلم ، و اصلاً ما عاين لي ، قالي الحجة قالت انك بتكوي ، استأذنك تكوي لي دي معاكي قبلهم عشان مفروض اطلع اسي .. 
انا وقفتا اتسمرتا مكاني وحتى ما مديت ليهو يدي عشان اشيل منو حاجة ، لفت انتباهو اني م رديت ولا اتجاوبتا معاهو ، فياللحظة دي هو شافني و عاين فيني ، تلقائياً نزل تلفونو و قالي علياء ! 
و فتح الباب كوييس و هو واقف من برا ، قالي تاني علياء ! قلت ليهو انت !
قالي بتعملي شنو هنا انتي ؟ قلت ليهو انا دا شغلي هنا ، انت البتعمل شنو هنا ؟ سكت كدا و دنقر راسو ، قالي دا بيتنا يا علياء 
قلت ليهو بتقول في شنو انت ؟ قالي زي ما قلت ليكي يا علياء ، دا بيتنا ، سكتا و نتشتا من يدو الجلابية و رديت الباب ، و وقفت بكوي بي ذهن شارد .. هل فعلاً الدنيا دي ضيقه ولا ربك بيجمع تحت مسمى الصدفة ؟
خلصتا ليهو جلابيتو و خليتا في السرير ، و انتظرتو يجي يشيل جلابيتو ما جا على اساس انه مستعجل و طالع ، قلتا انا مالذ ، على كلاً انا كويتا و جاهزة ، كملتا باقي الجلاليب بعد طلعتا ، اتزكرتت خالة حنان قالت لي اقفل الباب وراي .. 
اترددتا اقفلو عشان لو وليد جا يشيل جلابيتو حيلقى الباب مقفول .. اخر شي قفلتا الباب و اتلفت كدا عظان امشي ، لقيت وليد في وشي .. قلت ليهو انا قفلت الباب لانو الوالدة قالت لي اقفلو وجلابيتك جوا .. م رد علي بس بعاين فيني ، ونظرتو كانت غريبه ، حتى عيونو بتلمع ، قلت ليهو رد علي عشان عايزة امشي ، تلقائياً كدا لقيتو بعاين في وشي و مد يدو في خدي محل الضربه ، قمت صديت يدو قبل توصل ، قالي بتوجعك ؟
قلت ليهوو عايز جلابيتك ولالا ؟ قالي يعني دا شغلك ! كدا بتصرفي على نفسك بالطريقه دي ؟ قلت ليهو للمرة التالته م تحاول تتدخل ، حياتي هي خصوصيتي ، قالي افتحي لي االباب و شيلي معاكي المفتاح .. ّ
رجعتا فتحت الباب ، انتظرتو يدخل ، فعلا دخل شال حاجاتو وقفلتا الباب بالمفتاح و طلعتا و خليتو وراي .. في اللحظة دي كانت شايفانا منو ؟؟ 
( في جانب رحاب )
*رغد رغد حصلي حصلي 
_في شنو يا رحاب ؟
*انتي قاعده هنا و سايبه وليد مع قشرانه ديك برا ؟
_كيف الكلام دا 
*عديل ، اسي انا بالصدفه طلعتا لقيت وليد واقف معاها و ما كدا و بس ، كان بيحاول يلمسا و قالت ليهو الناس حيشوفونا ،، صراحه يا رغد اول مرة اعرف انك غبيه ، المفروض من اول لحظة كان فهمتي انه هو المشغلا هنا في بيتهم عشان يكونو قريبين من بعض ،وانتي يا سجمانة ما جايبه خبر ، لمن تشلبو وتخلي خشمك ملح ملح تعالي وقتها غني شلبوني ... ( طبعاً رحاب كبرت الموضوع عشان رغدة تنفعل. تعمل حاجة لي علياء ، و بكدا تكون نالت مرادها من علياء عن طريق رغدة )
_يلمسا ؟
*ايوة شوفة عيني دي 
_طيب قومي امشي ليها يا رحاب 
*وانا مالي ؟ 
_نبدا خطتنا من اسي 
*اممممم قلتي كداا ؟
_ايوة 
*امممم طيب محتاجة لي هديه 
_اديها قروش
*لالا يا هبلة كدا مكشوفه 
_طيب طيب ، ياخ اعتذري كدا وخلاص
*لا يا الخطة تكون محبوكة و مسبكة يا بلاش
_طيب عندي ارواج و باودر و كدا و منكيرات كدا جبتهم والوانهم ما عاجباني بي علبتهم ، نغلفهم بس ، رايك شنو ؟
*واااي يا رغدة اووع تكون الحاجات الجبناهم من مكياجي !..
_ياخ ااي ما عايزاهم ، خلينا ننجز ..
*حاسه نفسي غامة علي. ..
_مالك ؟
*ما عارفه بطني فجاة قلبت 
_يمكن حامل ؟
*ياخ غبية انتي متبن عرستا عشان احمل شهر م تميت ..
_صحي ، طيب قومي غسلي وشك وتعالي لازم تصحصحي ..
*طيب طيب ..