زوجة لسبعة أيام

٤٧

( في جانب احمد)
شكرااً شكراااً يا محمد ياخ اعفي لي تعبتك معاي ، تسلم تسلم .. ( محمد دا م عنده دور غير انه بيشتغل في المعرض حق العربات و جا مع احمد وصل ليهو العربية الاشتراها لي رحاب ' لانه احمد سايق حقتو ) .. 
احمد وصل البيت ، و فتح الباب و دخل .. 
بقى ينادي في رحاب ،، جاته طالعه من المطبخ ، قالت ليهو بكل هدوء ( جايبة الجراءة وقوة القلب دي من وين البت دي يا لطيف ) .. 
_اهليين احمد ..
*اهلين !
_ااي ، اهلين جاية من هلا ،وهلا جاية من اهلاً و هكذاااا ..
*ماشاءالله بتشرحي لي على اساس اني ما عارف ! شكلك زعلانه مني لسسه عشان كوركتا فيكي .. حقك علي اسف والله اااسف تاني م حتتكرر يا روحي ( مشى عليها وحضنا) .. قلت ليكي انا اسف حبيبتي !
_خلاص يا احند م زعلانه ، فكني ..
*لا ما بفكك انا مشتاق ليكي ..
_احممممد ياخ فكني قلت ليك ( بي كوراك)
*طيب طيب فكيتك براحه في شنو !!!
_مافي حاجة ، معليش بس هرمانات الحمل منفسنة بي ، حقك على ..
*ولا يهمك ي روحي ، بتقدري تنزلي السلمتين ديل ؟
_حقات شنو ؟
*حقات باب الشارع دايرك لحظات بس ..
_ما قادرة والله يا احمد ، اني اسي كنت حأتصل عليك عشان تشوف البت البتنضف دي تجيني والله تعبانه ..
*سلامتك حبيبتي م تجهدي نفسك ، انا بشوفاا بكرة ان شاءالله بجيبا ، يلا تعالي جيبي يدك ضروري تجي معاي ..
_طيب لحظة اللبس توبي !
*طيب... يلا تعالي تعالي ههههه ، اول شي عايني للكاميرا هنا ( حقت تلفونو فتح فيديو).. هاكي ..
_دي شنو ؟
*شوفة عينك وردة 
_احمد دي شنو العوارة دي بتصور في شنو اسي !
*امسكيها واسكتي بس امشي امشي لمن اقوليكي بس ..
_امشي على وين براي ، انت وقفت مالك؟
*ياخ امشي لسه خطوتين كمان ..
_اها ..
*قدام قدام .. ياخ م كدا عايني عايني شاذفه عربيتي ؟ بس اقيفي 
_طيب اها 
*يلا عربيتي في وشك ، قبلي وراكي وخلي عربيتي وراكي ..
_اهاااا 
*عايني جواا الوردة الفي يدك طلعي الجواها..
_دا شنووووو دا مش مفتاح احمد فهمني
*افهمك شنوو ، طلعي بس واضغطي عليهو 
_عمل صفارة في العربية دي ! انت بدلتا عربيتك ؟ّ
*هههههههههه لا دي عربيتك انتي مخك تخين ياخ ، وشك دا ما وش مفاجات 
_عربيتي انا ! احمد م تهظر عليك الله ..
*والله ما بهظر انتي تستاهلي روححي يلا حابة تجربيها ؟
_ايوة طبعاً لازم ناخد بيها لفه 
*بس انتي بتعرفي تسوقي ؟
_ااااي #ايمنننننن قصدي ايمان ايمان صحبتي علمتني ، عندها عربيه و كانت بتجي  تسوقني ايام الجامعه كل يوم ومرات بعد الجامعه وكنت بصمم انها تعلمني و *قاطعا..
*رحاب حبيبتي بتحكي لي في قصة خياة البت ، المهم انك بتعرفي دا مضمون الكلام😄..
_ااي اااي (معقول احمد يكون بالطريقة دي! كم مرة ربنا بيرميني معاهو و بيسترني وانا لسه زي م انا ) ، تلفون رحاب بيرن
وبعدها استلمت رسالة من ايمن ، بيقوليها اذا ما جيتيني بجيكي اناا ، ردي سريع ..
*حبيبتي ، يلاااااا اركبي مالك وقفتي !
_لالا خلاص ارح نمشي البيت 
*في شنو بسم الله ؟
_مافي حاجة بس فجأة راسي لفة 
*طيب يلا حبيبتي م مشكلة يوم تاني ننزل ..
_اااي 
*بالمناسبه تلفونك دا بنور ويطفي من قبيل ..
_ااااي دي رغدة صحبتي بس ندخل وارجع ليها ..
*المهم راحتك .. طيب اسمعيني دوختك شديدة محتاجة دكتور ؟
_لالا م للدرجة
*بس كنت عايز امشي مشوار و ما داير اخليك براكي.. بفكر اتصل بي عبير تجيكي رايك شنو ؟
_لالالا انا اصلا ما خاسة بحاجة ، بعد تمشي انت انا حأنوم بليل م نمت كويس ..
*طيب تعالي ادخلك البيت و بمشي ، دايرة حاجة اجيبها ليكي قبل امشي ؟
_لا لو عايزة حاجة بتصل عليك ..
*طيب ادخلي يللاا .. 
_خلاص امشي انا كدا تمام ..
*يلا ي روحي ، اتصلي علي طيب ..
_طيب .. 
بعد عشرة دقايق
*الو 
_ها فضيتي لحبيبك ياداب ؟
*خير يا ايمن ؟
_برضو لسه زهجانه بعد الهدية الواااو الجابها ليكي حبيب القلب معقوله بس ..
*وانت عرفت من وين يا ايمن ؟
_عيب لمن تسألي حبيبك سؤال زي داا 
*ايمن انا تعبتا من وجودك في حياتي لا قادرة اعيش لا قادرة اموت حتى ..
_طيب انا زاتذ تعبتا رايك شنو ننهي اللعبة دي و اكون انا الكسبان ؟
*كيف يعني ؟
_يعني امممممم تكوني لي للابد حبيبتي 
*دا كلام شنوو ؟
_ايواه يعني احمد مثلاً يعرف بعلاقتنا وكداا تفتكري حيفرح لينا ؟
*ايمن ايمن ايمن اوووع يا ايمن عليك الله لا لو عرف حيروح فيها يا ايمن لا ، اسي انت بتعمل كدا ليه الانت دايرو انا قاعدة اسوي ليك يا ايمن ..
_بتخافي عليهو مش ! و بعدين م كل حاجة انا عايزها بتسويها ..
*انت بتطلب مني حاجات انت عارف انا م بقدر اسويها ، كيف اجيك 
_خلاص بجي انا .. 

في جانبي انا ... 
الباب خبط ، قلت بيني و بين نفسي الليله بس الله ييسراا الدنيا كلها اتزكرتني في اليوم دا ، اتوقع تكون سلمى .. فتحت الباب ..استغربتا صراحه لمن بقيت بتمتم .. قلت ليهو .. 
*احمددد !! 

#استككانة💘~