زوجة لسبعة أيام

١٧

قلت ليها الله ما خلقني عشان ينساني !
قالت لي ونعم بالله بس في عيشه اهون منها الموت ، انا بتكلم في انك في الهاوية م عندك سند ولا ضهر في دنيتك ، و معليش يعني حبوبتك دي ما دايمة ليكي بعدها حيحصل شنو ! قلت ليها بعد الشر اقفلي السيرة دي ، و حبوبتي الشايفاها دي امي وابوي واختي واخوي و ضهري و سندي وقوتي ، عندها فرحي و عندها حزني ، ربتني لمن كان ما عندي ولا زول ، سالت مسؤليتي ربتني بي عرقاا ، في وجود حبوبه و في غيابا انا م محتاجة لي زول بعد ربنا يا سلمى ، و انا بشتغل و مستعده اشتغل ليل نهار و ما حأحس بي تعب في سبيل انها تكون في حياتي .. م تعلقي لو سمحتي ي سلمى ،، قالت لي اسفه يا علياء ما قصدت اتدخل في خصوصياتك ، انا جيت عشان اعتذر ليكي عن الحصل الليلة في بيتنا و خجلانه منك بالجد و امي خجلانه كمان و رسلتني اطمن واعتزر منك و يا ريت تقبلي الاسف رغم انه ما بسوي شي ، و رسلت لي الامانه دي !
قلت ليها الاسف ما بسوي شي فعلاً ، و وجعتي ما ضربه ولا علامة في وشي ، وجعتي ما حتروح من جواي بالساهل يا سلمى ، الانسانه ديك جرحتني شديد واهانتني و سبت انسانه ما بتعرف عنها حاجة وتحت التراب ،معقول يجي اليوم الامي تتهان فيهو بي سببي ! طيب ياخ تشتمني انا بما اني انا الغلطت عليها ما تشتم امي ،حرقتني شديد يا سلمى و بالجد مستحيل انساها ولا اسامحها ، قالت لي امسحيها في وشي عليكي الله و م تقطعي مني انا ولا تكرهيني والله حبيتك وشفت فيك اختي يا علياء .. قلت ليها انتي م عندك زنب و مستحيل اكرهك .. قالت لي حقك علي ( باستني في راسي ) ..
و ختت لي الظرف ! قلت ليها دا شنووو ؟
قالت لي امانه امي مرسلاها ليكي ، قلت ليها دي قروش صح ؟ سكتت م ردت 
قلت ليها شيلي ظرفك معاك ما بشيل قرش ما تعبت عليهو و قولي لامك اسفك مقبول ، قالت لي مافيها حاجة و حتزعل لو انا رجعت بيهو ، قلت ليها ما بقبل تعويض في شرف امي خصوصا م انتو الغلطتو في حقها .. قالت لي علياء ! قلت ليها منتهي يا سلمى ، وانا بكرة حأجي اتم باقي شغلي و بكرة اخر يوم حسب الاتفاق .. قالت لي يعني حتجي ؟ قلت ليها ان شاءالله 
قالت لي فرحتيني ،و دا الكيس حقك نسيتيهو ف بيتنا ي ريت م تحرجيني و ترفضيهو ، سكتا ، قالت لي م تقولي حاجة عليك الله !
قلت ليها طيب مقبول ، قالت لي شكراا ليكي ، قلت ليها شكرا ليكي انتي .. 

( في جانب تاني )
*تعال ادخل بسرعه 
_اخيراااااً ... راجلك وين ؟
*في الشغل ما بيجي اسي ، ادخل م تقيف لي كدا ، يقوم زول من سكان العمارة يشوفوك ..
_طيب طيب ..
*اقعد يا ايمن مالك واقف .. ؟
_اقعد هنا في الكنب دا !
*اجي ! حتقعد في الواطه يعني ؟
_بتستهبلي انتي ؟ 
*مالك انت اسي !
_انا جاي و مشتاق ليك و عايزة تقعديني هنا؟
*ايمن بسم الله ، اقعدك وين يعني ؟
_ليه عامله فيها ما فاهمه يا رحاب؟
*قصدك شنو انت ؟
_اجي اوريكي قصدي ؟
*لالا ممم .... 
*ايمن دا شنو ، زح كدااا ....... ايم.....
_بقيتي ما بتحبيني !
*لا بحبك بس ما صح العملتو دا انا مرة متزوجة اسي 
_معقوله حتى ما دايراني !
*ما صح حرااام
_ماف حاجة اسمها حرام في قانون الحب ، البعرفو انتي لي وبس و مصيرك تخليهو وترجعي لي ، وزواجك دي فرصه لينا 
*انت فاهم غلط يا ايمن ..
_لا ما فاهم غلط ... يلا جواا 
*جواا وين ؟
_جواا هناك 
*ايمن لا لا .... زح كدا ، ايمن زززح لا لا 
_م بزح انتي لي وبس لو بتحبيني خلينا كدا 
*بببب بحبك لكن ..
_ما لكن ولا حاجة اشششششش عيشي اللحظة وبس من متين كنا بنتمنى اللحظه دي 
*ايمن لا ما كداااا ، زززح .....ززززح
*لالالالالالاا ***
( السقوط درجات .. و اوجعها السقوط في #حفرة)..

في جانبي ، انا وسلمى قاعدين 
قالت لي معاكي تلفون ؟ قلت ليها اي لكن دقيقه اشوف جادعاهو وين ، قمتا فتشتو ، لقيتو في الشنطة ، جبتو اديتو ليها .. قالت لي دا تلفونك ؟ قلت ليها ايوة ، عاينت فيهو كدا بأستغراب قالت لي طيب رقمك كم ؟
قلت ليها ما بعرفو ، قالت لي علياء انتي جادة!! قلت ليها في شنو يعني ؟
قالت لي ما بتعرفي رقم تلفونك ؟ قلت ليها ايوة ، دا التلفون امرقي انتي .. قالت لي مبالغه ، طيب انا حأكتب ليكي رقمي سجليهو و اعملي لي رنة ..قلت ليها 
انا ما بعرف الحاجات دي يا سلمى ، قالت لي م بتفهمي بي التلبونات يعني ، يا حليلك بعيده كلياً عن الواتساب والفيس والكلام دا ،قلت ليها ديل شنو كمان !
قالت لي مواقع تواصل اجتماعي ، نت يعني ، قلت ليها بري ما بعرفهم ، قالت لي خلاص سجلي رقمي ، قلت ليها سري انتي و وريني شكلو كيف !
احتارت فيني ، قالت لي شكلو كيف يعني !! قلت ليها سلمى انا ما بعرف لا اكتب لا اقرا ، شوفي انتي دايرة تسوي شنو و سويهو ..
فجاة ضمتني عليها كدا ،قالت لي يا حليلك و الله نفسي اشيلك اقعدك معاي بس و اغير ليكي حياتك دي كلها .. 
قلت ليها ممكن اسألك سوال !
قالت لي طوالي ، قلت ليها السر شنو في معاملتك دي لي ؟ خصوصاً ان مافي سابق معرفه و كدا ،و انا الاتعلمتو من الدنيا دي م

اف زول بضحك لي من غير مقابل او فهم او اياً كان !
قالت لي انا مخلوعه من كونك ما متعلمة و بتتكلمي باللباقه دي والنضج دا يا علوشة ، بس كمان دايرة اضيف ليكي حاجة ،في كل حته وكل مكان في الكويس و في الكعب ، و ما كل البضحك ليكي عايز منك حاجة ، في حاجة اسمها محبه لله في لله .. و انا عزيتك و حبيتك في الله و اتمنيتك صديقه و اخت لي من غير ولا شي .. 
سكتاااا ..قالت لي انا بقوم بعد دا ، و بكرة نتلاقا .. قلت ليها ان شاءالله ، قالت لي في مرهم ف الكيس و ان شاءالله لحد بكرة حتبقي تمام ..قلت ليها وريتك محل جرحي وين و علاجو ما بيوصل ليهو مرهم ،ريحي بالك انا بالف خير .. قالت لي بعتذر مرة تانيه ، قلت ليها حصل خير 
و دعتها و فاتت .. 

( في جانب احمد )
*في شنو انتي كويسه ؟
_ايوة ككويسه 
*مالك م بتردي علي 
_وووين ؟
*شنو وين رحاب انتي عيانه ولا شنو ؟
_معليش نعسانه عشان كدا 
*نعسانه اسي ! غريبه ، داسه عني حاجه انتي ؟
_لالالا حاجة شنو ؟ بس كنت بستحمي
*تستحمي ! و نعسانه ! انتي وين يا رحاب ؟ّ* _اناااا ...انااااا .......
*ايوة انتي ! مشيتي البيت براكي و انا منتظر منك تلفونك عشان اجي ارجعك مش دا اتفاقنا ولا مالك انتي ؟
_مممم اااي اااي بس صدعتا ورجعتت و كنت دابرة اتصل اكلمك
*اقفلي اقفلي انا جاي البيت 
_جج جاي ، حتجي اسي ؟
_الوووووو احمد ! احمد! *قفل
*بعد المكالمة*
ووواي ايمن ايمن ، قوووم اللبس قوم 
احمد جاي علي البيت ، سجمي م يكون قريب ، وووب ، قووم ياخ ....

#استككانة🐒~..

يتبع .......