زوجة لسبعة أيام

٢٠

( في جانب قريب مني شديد )
_جات جات شفتيها ؟
*ااي شفتها قبلك ، حي انا بس كان يفكوني عليها 
_في شنو يا رحاب مش اتفقنا تسايسي لي الامور ؟
*ايوة لكن المقطعه دي م تتخيلي ردت لاحمد راجلي كيف !
_اجي ! و علاقه احمد شنو اسي ؟
*يا بت اتلائمت معاهو اتخيلي ، واقفه في نص الشارع وهو داير يركن العربيه لا دايرة تمشي لا دايرة تزح ، بعد حرك العربيه داير يركن جمب البيت ، قامت اتحركت قدام العربيه ، اتخيلي بس الغبيه دي وبعد دا كلو اتلائمت معاهوو ، وااااي انا وااااي بس كان الم فيها في زقاق ، اعدماا الشعرة ..
_و ما شافتك في العربيه ؟
*لا ما شافتني 
_ طيب اسي عصبيتك دي حتبوظ كل حاجة عشان خاطري سايسي الوضع لمن تجيبيها بيتك ، وقتها اتفشي فيها صح ..
*بردتي لي قلبي يا قلبي انتي براها جابتو لنفسها .. 
_ بس لو اعرف فهم وليد شنو حارتاح و قبل يحصل الفي بالي لازم انجزااا
*انتي مالك ما واثقه في نفسك ؟ دي تهز علاقتك بي وليد ؟ 
_دا كلام شنو يا رحاب !
*لا جد انا بتكلم معاكي ، انتي وين و ديك وين !
_الصراحه يا رحاب البت نار منقد ، والله انا لمن بشوفا بتمسخ لي نفسي..
*ااااخ بس اااخ كله في وقتو حلو ..
_تلفونك دا حيطرشق من قبيل بيهز ، يا تردي يا تقفلي ..
*طيب طيب ..

*بعد شوية*
*ايمن في شنو انت قاعد تزن 
_طيب ردي علي عشان تعرفي
*كلمتك اني مع ناس ما رديت ليك مرة افهم اني ما بقدر ارد ، و حأرجع ليك
_انتي ليه ما بتشتاقي لي زي ما مشتاق ليكي ؟ انتي حبك لي انتهى يا رحاب ؟
*ايمن انت عارف انا بحبك قدر شنو ، بس كمان راعي لاني بقيت مرة راجل و اتقالك دا ممكن يدخلني في 1600حاجة لو احمد شاف اتصالاتك دي ..
_لو بتحبيني كان بتتصلي علي و تعبري لي عن حبك زي ما انا بعمل 
*يا ايمن للمرة الالف بقوليك الوضع اختلف
_طيب عايز اشوفك ؟
*ما بقدر طبعا عارف وضعي
_بجيكي بكرة 
*لالالا كفاية الولاعه حقتك المرة دي ربنا سترا و قدرت اقنع احمد ، الله اعلم المرة الجاية حيحصل شنوو .. 
_بس لازم اشوفك بكرة 
*بكرة العرس يا ايمن و احمد اجازة ، خليها بعد بكرة ، في مكانا الزمان 
_خلاص تمام و ردي علي الواتساب عسان ما اتصل كتير 
*تمام حبيبي ، و .....*** انا قاطعتها 
و قفلت باب الغرفة ... 
و رجعت بكوي و بدندن ، و انا بحب المكوة شديد و لمن اعمل حاجة و انا مرتاحة نفسياً بسرح جد و بغني ، وبعدها ، فجأة الباب خبط .. و هنا كانت الصدمة .......... 

( في الحلقات الجاية ) 
_ قصدك شنو ؟
*اذا انتي واثقه من نفسك وانك ما بتعملي حاجة غلط ما حتسأليني سؤالك داا ! ولا شنو يا مدام رحاب ؟
_اوووعك تنسي نفسك يا علياء انتي هنا و خدامة وبس ..
*انتي الما تنسي اني خدامة و بس و ما تختيني في بالك ، عشان لو ختيتيني في بالك انتي الحتحصدي شوك !
_انتي ما خايفه مني ؟
* ما كل الناس بتشبهك 
_علياااااااااااء 
*اووووووووعك ، وحاة اسم الله ،يمين ما بقع الارض يدك دي تصلني ارجعا ليك مكسورة و انا اساساً ما عندي حاجة اخسراا 
_يبقي ما تطلعيني من طوري وتخليني اعمل حاجة ما دايراها يا علياء ..
*والحاجة المادايرا تعمليها دي ابشرك ما حتقدري تعمليها ،..
_انتي بتحاولي تستفزيني ولا بتقصدي شنو ؟
*لا ابدا بس بحاول اوريكي حدك معاي وين ، بالذوووق والادب الاتربيت عليهو ، طبعاً دا اذا كنتي بتقدري تفرقي بين الادب و قلة الادب ..
_عارفه انا ساكته ليكي ليه ؟ عشان ما حابة اوسخ يدي بي وحدة زيك ..
*اجابة غلط يا #أيمن و اللبيب بالاشارة يفهم ... 

لم تعلمكَ المدرسة شيئاً مقابل ما علمتكَ الأيام ، أنت حصيلةُ أوقاتِ سقوطك ، أنت تكبر بإحمرار صفعاتِ الحياة على خدك .!

#استككانة🙉 كتمت ...
بقلم سحر سمير