زوجة لسبعة أيام

٤

للاسف يا امي زمنكم ما زي زمنا، القيم و المبادئ حقتك دي في جيلنا و فترتنا الحالية دي ما بتعيييشك ، من حقي اركب عربيه علي الاقل ما اتشحطط في المواصلات ، هئ ولا صحي هو وينو البنزين زاتو للعربات دي ،لكن اخير من العدم ، على الاقل يمرقني براا البلد دي ....
_عليك الله اسي دا الجابرك ، ما هدا ابوك عندو عربيه ،البسمعك بقول انحنا قاعدين نشحت بيك قدام الجوامع ،اكان دا سببك عشان توافقي احب اقوليك راجعي نفسك قبل الرجال ديل يعقدو ..
*الا كان مجنونة يا امي ، دا قراري و انا اخدتو ... لحظه يا امي ارد على آلاء .. 
*هلا الوية ، وينك ؟
_ووووووب ووووب ، ويني شنو يا محظوظة يا بت المحظووووظه احح دافننو سوا ربيتك يختي و بقيتي فايتاني ، صدق اللي قال علمناهم الشحاتة سبقونا على الابووواب ..
*يا ساااااااتر شنوو افصلي حبة ، من رديت عليكي شغاله لب لب لب ، ارحميني ، و دا شنوو الكلام دا ! 
_ياخ من شفتوووو انا فقدت المنطق ، عليك الله ما تقوليهو يعرسنا الاتنين سوااا 
*يا. بت انتي مجنونة !
_جنيت اسي دا وحاة الله اسي دا انا جنيت ،يااخ ما معقول وجاهه زي دي بتقتل. ، بختك بختك بختك احيييي انا ..
*تصدقي انك م عندك موضوع ، سلام ..
_قفلت فيني الكلبة ، اصبري الا اشلبوو منك يا كريهه اخلي خشممك ملح ملح .. 
....
امااااا انا .... 
اعذروني من ما عرفتوني ، عرفتوني جايطه و مكركبه و دخلتكم جوا دايرتي والدوامة حقتي الكلها ملانة مشاكل
و ما اتعرفتو علي من قريب ، لكن اسي بما انه حبوبة نامت ، انا رجعت سريري ، عشان اعرفكم بي ..طبعاً اكيد ما فات عليكم ، انا أسمي علياء عز الدين بشارة ، عمري 19، بس العشتوو اكتر من اربعين سنة ! و زي ما شايفين حياتي كلها بتتمحور في حبوبة الله يبارك لي فيها و اضافة علي كلامي الفات عنها ، هي اللمبة المنورة حياتي و انا من دونها ما اسوى شي ، من فتحت ، فتحت عليها بس دا م معناتو اني نسيت الحصل زمان ...... انا يتيمة أم وو بعتبر نفسي يتيمة أبو كمان ، الربتني حبوبتي مسكة ام امي ، مسكتني من عمري 6سنة و ياهو كانت بتصرف عليها و علي من معاش جدي الله يرحمه ، و امي كانت وحيدتهم ، بالنسبة لأهل ابوي انا في غنى تام عن زكرهم ، المهم ربتني حبوبتي دي و الحمدلله كل ما تضيق كانت بتفرج ، و حبوبة اسي ما بقت صغيرة و كترت عليها امراض الزمن ، الهوس الوحيد البقيت عايشة عليهو ، هو اني اصحى يوم لا قدر الله ما القى حبوبتي ، جات علي فترة كنت بشتغل بطريقه مؤذية عشان اقدر اوفر مصاريف العلاج ما دايرة اقصر منها لأنها ما قصرت علي بي حاجة بقت لي الام والاب والدنيا كلها ، و للأسف الدنيا ما يمحت لي اتعلم يعني لمن حصل الحصل و امي اتوفت انا كنت سنة اولى ابتدائي و بعداك حبوبه ما قدرت على حاجات المدرسه و لا هي متعلمة عشان تقريني ، طلعتني من المدرسه و اتزكر رحلنا لي حي تاني ، وحاولت تدخلني مدرسه ما قدرت و لحد اللحظة دي انا ما اتوفقت ادخل مدرسة ، يعني بأختصار تقدرو تقولو علي أُمية بحته ، ما بفرق الحروف من بعضها ، وو .... ولا اقوليكم 
رايكم شنو تتابعو الاحداث و تعرفو الباقي بنفسكم ؟ 

(في جانب تاني)
_يلا اتمني أمنية 
*لا
_ليه حبيبتي ؟
*بخجل اطلب حاجة من الله تاني بعدك
_الله الله للدرجة دي يا عبير ؟
*واكتر والله يا روح عبير 
_متييين اجي السودان و نتلاقى ،حأموت واشوفك 
*وانا كمان حأموت واشوفك حبيبي
_يا بت ! حسابي كله ملان صوري دا غير البرسلهم ليكي خاص و غير مكالمات االفيديو البتصل ليكي بيها ، لكن انا شوفة شرعيه ساي ما شفتك 
*والبحر ما بيابا الزيادة ياخ عمري ما اشبع منك و امنيتي الاقيك ياخ. اشوفك قدامي كدااا و .........*قاطعا صوت 
_انا حأقفل شوفي ناس البيت عايزين شنو بعدين برجع ليكي ...
بعد قفل منها .. عاجبك حالك دا يا عبير ؟
قومي يا بتي اتحركي اتلحلي شويه جسمك دا لمن اتعود على الراحه ،نزلي وزنك بدل راقدة و تاكية لي كدااا .. قالت ليها يا امي ثا فترتي لكن كل ييوم نفس الكلام دا ،، قالت ليها وكلامي بيتبخر و انا بتكلم عشات شايله همك االفيكي دا كلو دهون وامراض لكن .........ّ.*بنرجع ليهم*

قمتا ، اتوضيت و صليت العشاء ، و مشيت اطمنته على حبوبة ، لقيتا نايمة حمدلله .. براحه جريت سريري جمبهاا مافي فرقة ، جيت ارقد ، حسيت بصوت كركبة كدا ،، عاينت علي الحوش في لمبة حمرا ، قمت وقفت علي حيلي ، بعاين من الخوف رجعت سريري غطيت لي حبوبة وشها و غطيت وشي و اتكرفستا ، برجف رجف و ...

#استككانة🍨~