زوجة لسبعة أيام

٤٩

_عارفه انا ساكته ليكي ليه ؟ عشان ما حابة اوسخ يدي بي وحدة زيك ..
*اجابة غلط يا #أيمن و اللبيب بالاشارة يفهم .. _قصدك شنو هااااا قصدك شنووو يا علياء  اتكلمي ..
* قصدي اديني الملايات خليني امشي يا بت الناس ..
_ملايات ! هاه دا مش لوقعدتي في بيتي لحظة وحدة !
*هههه شايفة دموعي قدامك عشرة عشرة ! هههه جدااا بس قبل ما تمشيني من بيتك ، فتشي سبب مقنع لراجلك ، و طبعاًما يفوتك امور السرقة و اني شاكلتك والحركان ديك بطلوها ، عرفتي ! يلا ما اعطلك فلان منتظرك هه .. 
_علياء تعالي هنااا ، علياء بتكلم معاكي انا ،، اففففف والله ما اخليكي .. 
ايمن دخل ليها بأتصال
*الو انا م حأقدر اجي من غير ليه .
_كيفك ، يلا باي ..
*لا لحظة ايمن ! انت طوالي كدا اقتنعتا ؟
_اجبرك يعني يا حياتي ؟ اكيد لا 
*يعني راضي ؟
_اكيد راضي ، كل حاجة بالاتفاق يا غلااا ..
*يعني شنو ؟
_يعني كلامي من البداية واضح يا روحي ..
*طيب نتفق خلي احمد برا القورة ، انا بالجد واقعه في مصيبه يا ايمن و ما عارفه اسوي شنو حأجن ..
_اممممم في شنو ؟ّ
ً*انت حتى ما كلفت نفسك تسألني ليه ما حأقدر اجي !
_حيكون شنو !اكيد راجلك يعني ولا اي حجة من حججك العتتت ..
*لا ،، مش قلت ليك ان احمد جايب لي خدامة !
_ايوة 
*قبل شوية لمن كنت بتكلم معاك ،سمعت مكالمتي كلها معاك ..
_طيب حلووووو المشكلة وين ؟
*ايمن ، انت بتستهبل ولا عامل فيها اهبل !
_لا هذا ولاذاك بس انا بحبك و نفسي الدنيا كلها تعرف .
*ايمن اقفل اقفل 
_حااااضر ، عقبال احمد يعرف !
*قصدك شنو ؟
_ولاشي ، يلا باي 
*تمام .. 

بالجد انا ما دايرة مشاكل ،انا جاية هنا عشان اشتغل و اصرف على نفسي وعلى حبوبة ، بس كمان م بنكر انا جاية وعارفه ان حيحصل اشتباك بيني وبينها ، ما بعرف ليه هي خاتاني في راسها بالطريقه دي ، اااخ يا الله .... 

( في جانب احمد )
_ والله انا سلمتك ليهو 
*متين الكلام دااا ؟
_من كم يوم انت جيت مستعجل و اديتك الفايل في يدك قلت ليك ضروري تقراهو ،وانت شلتو مستعجل قلت حتراجعو في البيت و تجيبو معاك ، اسي انحنا م عندنا منو غير نسخه وحدة ، ولو ضاع دي مشكلة كبيرة .. 
*دقيقه دقيقه ! ايوااااه معليش انا راسي جااايط ، اتزكرتو ، في درج العربيه ختيتو ، معليشش ، اسي براجعو و برسلو ليهم ..
_تمام ، تحب اجيبو ليك ؟
*لالا ، بس داير اسال من زول !
_اتفضل 
*الشاب الجا كان داير شغل داك اسمو ايمن ، وضعو شنو ؟
_والله الادارة عينتو في قسم المراجعه ، جا يومين و تاني اختفى ، حتى رقمو م بيرد عليهو .. 
*طيب استأذنك تكتبي لي الرقم في ورقه ..
_حاضر لحظة وحدة ..
*طيب حاقوم اجذب الفايل خلي لي الرقم في المكتب ..
_تمام .. 
.. جاب الفايل و رجع المكتب .. و هنا كانت في حاجة ما خطرت على بال زول ! 

فجأة الباب خبطت حقنا .. 
فتحتو لقيتو ، رحاب ، ادتني الملايات ، لمن مديت يدي جدعتهم في الارض .. طبعاّ بلعتها و سكتا ، ما حنقعد نهزء بعض كل دقيقه والتانية .. قاطعني صوت تلفوني ، بيرن .. رديت .. 
*الووو 
_علووووووشة 
*سلوووومة يا قلبي وينك عني ؟
_والله انضغطتا في الجامعه 
*يا حليلك والله 
_اخبارك شنو ؟
*الحمدلله بخير 
_حبوبة بقت كيف ؟
*كويسه حمدلله ..

#استككانة🐜~