زوجة لسبعة أيام

٣٠

جريت على الباب ، و كانت مفاجئه بالنسبه لي هولة صحبتي ، تتزكروها ! كانت بتتكلم معاي تلفون في اول حلقة ، البتقولي اتفقدي البيبان اول ايام رحلت فيها في البيت دا و كان قالت لي م تثقي في الناس ! اكيد اتزكرتوها صح!
المهم كانت مفاجئه من حلاوتا لمن قعدت ابكي لانو دي انسانة كدا م بتتوصف ، هي طبعا متزوجة و عندها توم بت و ولد ، بس قضيتا سلام و بكى جمب الباب فرحت بيها شديد ، دخلت سلمت على حبوبة ، بالجد نفسيتي ارتاحت من شفتها ..

( في جانب رحاب )
*غمض عيونك ّ..
*احمد يااااااخ غمض عيونك حبيبي..
_طيب مغمض ..
*ما تفتحهم الا لمن اقوليك ..
_لكن ما بغمضو قدر دا ، كدا انا حأتعمي ..
*بعد الشر ..
_اها لسسسه ؟
*دقيقه ...... فتح فتح 
_ دي شنو ؟
*افتحا طيب ..
_مالك مربطاها قدر دااا ! و دي شنو البلالين دي ، اكيد م عيد ميلادي ..
*احمد ياخ بطل كلام كتير افتح بسرعه 
_ دي شنو ! بزازة ؟ 
رحاب ! دي بزازة ! دا معناهو انك ، انك ! لالالالااا ما مصدق يا رحاب انا حأبقى ابو لالااا ما قادر اصدق انا فرحان شديد ، رخاب انتي حامل ! يا الله ، الحمدلله والشكر لله يا روحي انتي ..
*اي اتوقعت انك تفرح ، بس ما اتوقعت تفرح للدرجة دي يا احمد انا مصدومة ..
_كيف ما افرح انا داير اكورك انا فرحان و خصوصا اني م كنت متخيل ممكن ابقى اب في يوم و حتي بعد زواجنا ما اتخيلتها ما عارف ليه ، حقيقي انا اسعد زول في الدنيا دي ، عايني انتي م بينفع تتعبي خالص ياخ انا بحبك ،والله يخليك لي و يقدرني واسعدك قدر السعادة الغمرتيني بيها في اللحظة دي .. 
( في اللحظة دي رحاب كانت في صدمة ، عرفت قدر شنو هي انسانه تافهه و ما تستاهل ذرة من الاحترام الاحمد كان بحترمو ليها ، عرفت قدر شنو هي انسانه انانيه ، وانه طعنة الراجل في ضهرو بالجد حارة و خيانو الزوج لا تغتفر ، ) 
_وريني وريني بت ولا ولد 
*لسه حبيبي هههههه اسب ما بيظهر ياداب في اسابيعي الاولى ..
_ياخ اصلاّ ما مهم المهم الخلقه التامة و قبل دا انتي تكوني لي بخير وسلام ، تاني ما داذر حاجة .ّ
*لا وريني داير بت ولا ولد ؟ 
_يخ دايرك انتي و داير لي جنى يشيل اسمي و اسمعيني م تتحركي من السرير ، وينا الخدامة القلتي حتكلميها اسي دا وقتها ؟
*ما للدرجة دي يا احمد ، وبعدين البت قالت اشتغلت عند ناس تانين م بعرف تاني .
_اشوف انا بطريقتي ؟ 
*ااي حبيبي 
_خلاص تمام ... انا واصل عند امي و برجع 
*سلم عليهم 
_اول مرة !
*و ما اخر مرة اهل ولدي 
_تسلمي لي انتي انا ماشي افرحهم بالخبر دا الليله ما بنوووم 
*..... انتبه علي نفسك ! 
بعد احمد طلع
انا كيف كنت بالغباوة دي يا رب تسامحني رررد انت كمان ،، افففففف ّ
*ايوةة الو يا ايمن 
_سايق برجع ليكي 
*لالالا لاترجع لي لا ارجع ليك ، هما كلمتين دايرة اقولهم ليك ، من اللحظة دي لا بيني لا بينك يا ايمن ، رقمي تحذفووو فاهم ..
_شنو ؟
*شنو شنوو كلامي دا ما واضح !
_لا واضح يا مدام ، انا ما حسألك ليه و ما حأتصل بيكي ، بس انتي كمان اوعي تفكري تتصلي بي و احفظي كلامي دا كووويس ما تفكري( ت ت ص ل ي) بي يا رحاب !
* وانا حأتصل بيك ليه اذا انا الطلبت منك م تتصل بي ؟
_منو بعرف البحصل شنو برضو ، مش يمكن تتذلي لي ؟ مش يمكن راجلك المصون يجدعك زي الكلبة في الشوارع وقتها تعرفي ايمن ، اووووووو يمكن يعرف بعلاقتنا مثلاااااً و لا شنو .....! 
*قصدك شنو انت ؟ هااا قصدك شنو ؟؟
الووو.... الوووووو.. ايمن الوووو ....... *قفل الخط .

( في جانب بيت ناس احمد) 
*شوفي شوفي انتي معاكي رقمها ؟
_لا كان قالت لي مرتك ولا مع رغد و ما شلتو ..
*طيب ما مشكله عبيرة عايزك تمشي ليها 
_بصراحه البت دي مسكينه يا احمد ما تشربكا مع .......
*كملي كلامك سكتي مالك 
_مافي حاجة يا احمد انا ما عندي مشكله وصليني وانا بمش ليها بكلما ، بس انت ليه اخترتا دي ؟
*لانها محتاجة براكي شايفه وضعها والبيت القاعده فيهو دا ..
_صح كلامك انا كمان كنت بفكر اساعدها و ما كنت عارفه حأساعده كيف ..
*خلاص خلينا نتوكل 
_يلا انا ما عندي مشكله ..
ام احمد : هي دي منو البتتكلمو عنها دي ؟
عبير : تتزكري يا امي البت الرفعتها من الارض يوم العرس ، البت الدفرتا رغدة متزكرها ؟
ام احمد : اااي اااي بالحيل 
عببر : بس ياها و ضعها ما تمام و فكرنا نساعدها بالشغل دا ..
ام احمد : خدامة لكن ؟ بت خلات الدنيا عليها وصغيرة ، اهلها وين طيب ؟
عبير : يا امي لو م محتاجة اكيد م حتشتغل خدامة وبعدين الشغل م عيب طالما م بتمد يدها بالحرام و غير كدا انحنا شفنا بيتها وضعها كعب و بتعول حبوبتها و اعتقد انها يتيمة ..
ام احمد : يا حليلها والله خلاص جيبوها هنا ! 
احمد : ممكن لقدام تساعدك بعد عبير تتزوج لكن اسي محتاج ليها عشان حمل رحاب ..
عبير : طوالي حتى قبل اعرس خلوها تجي بت ظريفه وزولة الله ..
احمد : ان شاءالله كدي نشوف حتوافق ولالا قومي يا عبير خلينا نحرك ..
عبير: لحظة اللبس عبايتي 
احمد : تمام .. 
بعدها بي ثو

اني في *تلفون احمد* : في الواتساب ،تم استلام صورة من رقم(815)091 ...

#استككانة🏃....