في مكتب آسر..كان جالسا ويتحدث في الهاتف ثم اغلق عندما سمع طرقات على باب المكتب تابعتها دخول احمد..نهض آسر وابتسم وصافحه قائلا:اهلا يا احمد اتفضل
جلس في المقعد المقابل لآسر وقال:ها مفيش اخبار
آسر بجدية:ادينا شغالين ومش سايبين مكان الا لما بندوار فيه
زفر احمد قائلا:يعني هيكون اختفى فين؟
تنهد آسر قائلا:هيروح مننا فين..احنا موزعين صوره في كل المحافظات
احمد:يارب تلاقوه بسرعة عايزين نخلص من الزفت ده
آسر:ان شاء الله متقلقش
نهض احمد وقال:طيب انا همشي بقى عشان اروح الشركة
آسر:تمام ولو وصلنا هكلمك
اومأ احمد وخرج من قسم الشرطة متجها الى الشركة..
****
خرج من المرحاض وجدها تقف امام المرآة تمشط شعرها الاسود الطويل ظل يراقبها وهي ترفعه على شكل ذيل حصان ابتسم بمشاكسة واقترب منها وحرر شعرها ليسقط مثل شلال من الظلام اللامع..ابتسمت وهو يحتضنها من الخلف ويقبل عنقها برقه وهمس:كدة احلى
ابتسمت وهي تنظر اليه عبر المرآة وقالت:والاول كان وحش
طبع قبله اخرى على عنقها وهمس بجانب اذنها:انتي في كل حالات مجنناني
التفتت اليه واحاطت عنقه بذراعيها وابتسمت قائلة:انا مش مصدقه نفسي اننا رجعنا تاني
احاط خصرها بذراعيه وقربها منه قائلا:لا صدقي كان كابوس وخلص
هزت ايمي رأسها وهمست:لا ياطارق لسه مخلصش..خالد لسه حر..انا خايفه
طارق:خايفه وانا معاكي
ايمي:انا عمري ملحسيت بالامان الا جانبك
طارق:يبقى متخافيش ان شاء الله كل حاجة هتبقى كويسة
ابتعد عنها قائلا:هغير هدومي عشان اروح الشركة
ايمي:ليه انت مش قلت مش هتروح النهاردة
طارق:عماد كلمني وقالي في شغل مهم
تنهدت ايمي قائلة:طيب انا هروح اشوف لارين واقعد معاها شوية
اقترب طارق منها وطبع قبله على وجنتها وهمس:ماشي وانا مش هتأخر
اومأت بابتسامة وحملت زياد الذي كان يلهو مع نفسه مثل اي طفل..خرجت من الغرفة ونزلت لبهو المنزل وجدت لارين تجلس في غرفة المعيشة تشاهد التلفاز وتمسك صحن كبير به خيار وجزر وتفاح وبعض الفواكه الاخرى..عقدت حاجبيها واقتربت منها قائلة بتعجب:لارين يخربيت كدة كفاية اكل جوزك هيلاحق عليكي منين!!
نظرت له لارين وقائلة بحنق والطعم بداخل فمها:ملكيش دعوة انا حامل ولازم اتغذى كويس
جلست ايمي بجانبها وقالت:طب مانا كنت حامل مكنتش باكل نص اللي انتي بتكليه ده
رفعت لارين احدى حاجبيها قائلة:قولتلك ملكيش دعوة
ايمي بلامبالاه:طيب يس انتي تخنتي اوي
شهقت لارين وهي تضع الصحن على الطاولة والتفتت اليها قائلة:تخنت!! انتي بتتكلمي بجد انا تخنت
كتمت ايمي ضحكتها اومأت فقالت لارين:لااااا مستحيل كدة ،ثم نظرت لبطنها المنتفخه وقالت:عجبك كدة!! انت السبب
ضحكت ايمي وقالت:يالا ياهبله
صمتت ايمي قليلا ثم قالت:انا مبسوطة اوي
نظرت لها لارين وقالت بابتسامة:وانا كمان بس حاسه اني خايفه
ايمي:من ايه؟
لارين بشرود:حاسه ان احمد مخبي عني حاجة
عقدت ايمي حاجبيها قائلة:حاجة زي ايه؟
لارين:مش عارفه..بس هو على طول سرحان وبيخاف عليا بطريقة غريبه لدرجة انه قعدني من الشغل...وبقى عصبي اوي
نظرت اليها ايمي بصمت ،فهي تعلم مايخبئه احمد عنها..ولكن ليس بيدها شئ سوا ان تطمئنها فربتت على يدها قائلة:بيخاف عليكي عشان بيحبك واديكي شوفتي خدت ايه من الشغل يعني
نظرت لها لارين قائلة:هو انتي مش هترجعي شغلك تاني
هزت ايمي رأسها قائلة:تؤ على الاقل مش دلوقتي خليني مع طارق وزياد هما محتاجني
لارين:عندك حق
****
كانت تجهز حقيبتها وعقلها منشغل..الان ستترك مصر وتعود لنيويورك حتى تكون بجانب شهد..لن تراه بعد الان ،عندما قالت لها انها لا تريد ان تراه كانت تقولها وبداخلها تريد ان تقول له ابقى معي..لكنها رحل..كأنه كان ينتظرها ان تقولها حتى يرحل..ولكن هي رأت نظرة الحزن في عينيه ام انها كانت تتوهم..تنهدت بحزن وهمست:كأنك مكتوب عليكي تكوني طول العمر لوحدك
نهضت واغلقت حقيبتها ونظرت في ساعتها..لقد تأخرت تبقى اقل من ساعة على موعد طائرتها..حملت حقيبتها وخرجت من الغرفة في ذلك الفندق الذي كانت تسكن فيه..انهت جميع الاجراءت وخرجت..وضعت الحقيبة في المقعد الخلفي وكأن التاريخ يعيد نفسه!!!!
****
حل الصباح وهو لم ينم..يشعر بالقلق عليها ولا يعرف لماذا..طوال الليل يشعر بالقلق ويعد الثوان والدقائق حتى تشرق الشمس حتى يذهب ويطمئن عليها...لا يستطيع ان يبقى بعيدا عنها..حتى انه كان يصلي الفجر وجد نفسه يدعو الله ان يحفظها له ويجعلها من نصيبه..نهضت من فراشه وارتدى ملابسه ،سمع طرقات على باب الغرفة وتابعتها دخول والدتها التي ابتسمت قائلة: صباح الخير ياحبيبي صاحي بدري يعني
اقترب منها وقبل يدها قائلا:صباح الفل يا ماما..انا منمتش اصلا
عبدت والدته حاجبيها قائلة:ليه يا آسر كدة؟
آسر:مشغول بالي شوية ولازم اعمل مشوار ضروري
جلست والدته وقالت:اقعد يا آسر
جلس بجانبها وقال:خير يا امي
هتفت والدته قائلة:انت لسه مشوفتهاش
تنهد آسر قائلا:انا عملت اللي هي طلبته بس مش قادر..قلقان عليها اوي خايف يكون جرلها حاجة
نظرت اليه قائلة:طب انت عارف مكانها
آسر:اه عارف اسم الفندق اللي هي فيه هروح اطمن عليها واجي
ابتسمت قائلة:روح يابني ربنا يستر طريقك ويريح قلبك
ابتسم آسر وقبل يديها وخرج بسرعة متجها للفندق
****
وصل للفندق ودخل الى البهو..اقترب من موظف الاستقبال وقال:صباح الخير لو سمحت انسه نادين بكري نازلة في غرفة كام
رد عليه موظف الاستقبال قائلا:دقيقة واحدة
نظر لشاشة الكمبيوتر ثم نظر اليه قائلا:انسه نادين مشيت امبارح بالليل
همس آسر:مشيت!!..طيب شكرا
خرج من الفندق واستقل سيارته وهو يفكر..ياترى الى اين ذهبت؟ هل من الممكن ان تكون سافرت..جاء في عقله ان تكون سافرت فقرر ان يذهب للمطار ليتأكد ان كانت سافرت ام لا..
.....
بعد قليل كان يخرج من المطار وبدى على وجهه خيبة الامل..هي كانت ستسافر بالامس لكنها لم تركب الطائرة..استقل سيارته وعاد برأسه لاوراء مغمضا عينيه وقلبه يخفق بخوف..سمع صوت رنين هاتفه يعلن عن وصول رسالة جديدة..فتح هاتفه ليقرأ الرسالة..اتسعت عيناها بفزع عندما قرأ....
****
يتبع....
YOU ARE READING
حكايه عشق 2
Romanceيشاء الله ان يجمعهما ثم فرقهما القدر ,عاد الآلم وخيم الحزن اصبحت الحياة دون معنى تاه كل منهما في ملكوته وترك روحه مع الاخر يحاولا النسيان ولكن يأبى القلب ان ينفذ ولكن هل سيسطتيع كل منهما النسيان؟! ,هل سيتحول الحب الى كره؟! ام ان حبهما اقوى من اي...
