The Devil's Time

[8] The Fourth Incident

"Naku! 8:30 ilalabas si Mariel dito at baka di pa siya makaabot." Natatarantang sabi ni Rhea. Maging ako ay natataranta rin, hindi dahil sa baka mahuli siya ng dating pero parang may kung ano na bumabagabag dito sa loob ko. Nagulat na lang ang lahat ng bumagsak sa sahig si Michael. Hindi dahil sa nakatulog siya kung hindi dahil sa suntok na inabot nito kay Jay-D. Oo nga pala, nakalaya na pala siya ng malamang wala siyang kasalanan.

"Walangya! 'Yang lalaking yan. Wala siyang karapatang husgahan ako." Bulyaw ni Jay-D habang dinuduro ang nakahandusay na si Michael. Agad akong lumapit kay Michael para gisingin siya. Subalit nanatili itong nakapikit.

"Hindi ka niya hinusgahan, Jay-D. Sinisiguro lang namin na hindi nga talaga ikaw ang pumatay sa dalawa. At ngayong napatunayan nang wala kang kasalanan, diba't pinaalis ka na. Hindi ka naman nakulong ah." Pagliliwanag ko dito.

"Pero tinapakan n'on ang pagkatao ko, Jeanella. Sabihin man nating hindi niya nga ko hinusgahan ng diretso. Pero ang naging dating n'on ay parang ako ang tinuturo ninyong may kasalanan sa pagkamatay nang dalawang kaibigan natin." Galit na galit na sabi nito. Hindi ko magawang makapagsalita buhat na may tama ang sinabi niya.

Nagkaroon din ng isang minutong katahimikan sa paligid pero nagambala iyon ng bumalikwas si Michael at tila hapong-hapo.

"Ha... ha... si M-marvin..."

"Ba 'tong cellphone na 'to. Psh! Alarm lang pala." Agad akong napatayo sa sinabi ni Michael at nang tumunog ang cellphone ni Anthony.

"A-anong oras na?" Dilat ang mga mata kong tanong kay Anthony.

"A-ah! 8:00 B-bakit?" Nagtatakang tanong naman nito.

"Number 8? Rhea sino ang ikawalo sa grupo natin." Pagbaling ko naman kay Rhea.

"Ah.... number 8? Ahmm... si... si Andrada." Nanlamig ang pawis ko sa katawan sa sinabi ni Rhea.

"5... 10... 20... 40... 40 minutes. Nasa panganib ang buhay ni Andrada!" Naibulalas ko sa kanila.

"H-ha? Sandali, tatawagan ko siya." Tarantang kinuha ni Rhea ang cellphone at tinawagan si Marvin.

"He... hello! Marvin? Oh? Ikaw ba yan?" Ani Rhea. "Asan ka?..... sa bahay mo.... ha? si Anthony? eh nandi.... Hello? Marvin? Hello... *toot* *toot*"

"A-anong sabi?" Agad na tanong ko.

"Nasa bahay daw niya..." Panimula nito. "...kasama daw si Anthony." Bagay na nagpagimbal sa amin.

"Ako? P-paanong?" Bulalas ni Anthony. Isa lang ang tumatakbo sa isip ko ngayon, may isa pang misteryo sa mga bagay na nangyayari ngayon.

"Tara Michael puntahan natin si Marvin." Agad kong hinatak si Michael paalis.

"Sandali, sasama ako." Anang Rhea.

"Pero delikado-"

"Being a leader, I must take a risk, kaya sasama ako." At nagpatiuna na itong sumakay sa van ng grupo.

Tatlumpu't walong minuto na lang ang natitirang oras. Sana kayanin pa namin ito.

SA kaparehong oras, kasalukuyang nagbibihis ang isang binata para sa dadaluhang libing ng isang kaibigan. Bihis na ito at tanging sapatos na lamang na nasa sala ang kanyang susuotin. Nagmamadali itong nagtungo sa sala para maisuot na ang sapatos nang sa gayon ay hindi ito mahuli sa libing.

Subalit nag-init ang mukha nito ng makitang wala sa pwestong nilapagan niya kanina ang kulay itim na sapatos.

"Nasaan na ba iyon?" Inis na palahaw niya.

Hinalughog niya ang buong sala para doon sa sapatos niya subalit hindi niya ito makita. Subalit halos atakihin naman siya ng pagtalikod nito ay sinalubong siya ng kakilalang lalaki.