Series #1: Sold To My Professor [Completed]

C H A P T E R 23

CHAPTER 23: DANCE CONTEST (PART 2)

[Third Person's POV]

Kaba. Iyon ang nararamdaman ni Kath ngayon sa loob ng backstage. Foundation day na nila ngayon, unang araw ng celebrasyon ay pupunta ang mga estudyante sa gym para sa opening remarks ng celebrasyon. Pagkatapos noon, pwede nang gumala ang mga estudyante sa buong lugar ng campus kung saan maraming booth ang nakatayo at mga palaruan na pwedeng pagdiskitahan.

Ngayong hapon, lahat ng estudyante sa kolehiyo ay pupunta sa gym para panoorin ang mga kalahok na maglalaban-laban sa dance contest. At ngayon, nandito nga siya kasama si Zy at Ate Nathalie sa gilid niya. Siya lang yata itong kinakabahan. Kung titignan mo ang itsura ni Zy, mapapansin mong kalmado ito na parang walang inaalala.

Tinignan niya si Zy sa tabi niya. Nakasuot ito ng puting sando at puting pantalon na ikinagwapo sa paningin niya. Ngayon niya lamang napansin na ang gwapo nito, kaya pala yung mga estudyanteng kasali sa dance contest, panay tingin kay Zy.

Nabalik siya sa wisyo nang may pumitik na kamay sa harapan niya. Tiningnan niya ito at nakitang nakatingin sa kanya si Zy na nakakunot ang noo.

"Bakit?" she asked him.

"Why are you staring at me like that?" feeling niya umakyat lahat ng dugo nito sa pisngi niya. Napansin tuloy niyang nakatingin ito sa kanya. Napaiwas agad siya ng tingin kaya napatawa ng mahina si Zy.

Napangisi sa kanya si Zy. "Do I look attractive to you?"

Napaubo si Kath dahil sa sinabi ni Zyron sa kanya. "Hindi, ang panget mo nga eh."

Inilapit ni Zy ang mukha niya kay Kath. Nailang siya sa sobrang lapit nito sa kanya. Parang konting galaw niya lang, maglalapat na ang labi nilang dalawa.

"Whether you're attractive to me or not, I'm sure to my myself that I am 100% attractive to you." sabay kindat nito sa kanya at inilayo ang mukha.

Nanlaki ang mga mata ni Kath at binatukan ng malakas si Zyron sa ulo. Parang naulit na naman ang ganitong senaryo noon.

"Ang kapal ng mukha mo! Kahit kailan ang yabang mo! Hindi na nawala ang kayabangan sa katawan mo, no?!" singhal niya rito. Ngumisi lamang ito sa kanya. Ibubuka sana ni Zy ang bibig niya para magsalita pero agad naman niya ito tinikom dahil tinawag silang dalawa ni Ate Nathalie. Sila na raw kasi ang magpe-perform sa stage.

Biglang nanlamig ang mga kamay ni Kath. Bumilis din ang pagtibok ng puso niya dahil sa kaba. Kabadong-kabado siya ngayon. Kung ano-ano ang mga naiisip niya na mangyayari sa kanila mamaya. Halos maperfect na nga nila 'yong sinayaw nila kahapon. Dapat hindi na siya mabahala dahil kabisado naman niya ang lahat ng steps pero hindi pa rin niyang maiwasang mabahala.

Hindi niya namalayan na inalalayan siyang tumayo ni Zy mula sa pagkakaupo niya at hinawakan ang namamawis niyang mga kamay. Mahina nitong pinisil iyon. Tumingin siya kay Zy, seryoso ang mukha nito.

"Nervous?" seryosong tanong nito sa kanya. Tumango siya. Sobrang kabado talaga siya ngayon.

Hinila siya ni Zyn palapit sa kanya at niyakap ng mahigpit. Bumulong ito sa kanya. "Don't be. Hindi kita pababayaan. Don't mind the people around us. Just focus your attention on me. Like what I've said yesterday. Don't mind them, just focus your eyes on me. I want your full attention on me." alam niya iyon. Sinabi na nito sa kanya kahapon habang nagpapractice sila, na kay Zy lang ang atensyon niya kaya wala siyang maramdamang kaba at pagkailang sa mga taong nanonood sa kanila no'n. Though, konti lang ang nanood sa kanila, nakaya naman niya.