Deal Breaker (Published under Pop Fiction, Summit Publishing)

Chapter 15: Third Wheel

SA BAHAY:

Pumasok ako sa loob. Walang tao. Palagi na lang walang tao.

Pumunta ako sa kusina at nandun sila manang and the gang. Nag-aalmusal sila

"Oh Nick. Bakit nandito ka?" tanong ni Julia na taga-Mindoro. Ssa sa mga kasambahay. Mas matanda lang siya sa kin ng isang taon.

"Ha? Ayos sa tanong ah." natawa na lang ako. Para kasing ako siya. Always asking the wrong question.

"Ay. Hindi naman sa ayaw ka namin dito. alam mo naman ate Nick, ikaw lang nakakausap namin ng ganito dito." si Clarita naman yun. 16 years old, tiga-bulacan siya. Anak siya ni Manang na siyang pinakamatagal na dito. Wag niyo na tanungin ang pangalan ni manang. Kung sa anak niya nga Clarita ang ibinigay niya, pano pa kaya ang pangalan niya diba?

"Eh bakit niyo tinatanong kung bakit ako nandito?" Nakapout na naman yung lips ko. Dumiretso ako sa ref para kumuha ng isang basong tubig. Pagkainom ko sa tubig. Nilapag ko yung baso sa sink tapos sila hinarap.

"Nick. Sabi kasi ng nanay mo na baka daw mamaya ka pa." Si manang na yun.

"Oo nga Nick. Sabi pa niya wag na daw kami magluto para sa breakfast mo." Si ate Marlyn naman yun.

"Ha? Bakit naman niya sasabihin yun. Teka. May hindi kayo sinasabi sa kin eh. Ano ba yun? Dumating ba si tanda?" sabay taas ng isa kong kilay.

"Hindi dumating si tanda no. Sus! Nick! Wag ka na magmaang-maangan diyan. Ano? Masarap ba ang luto niya?"

nakangiting sabi ni Mocha, ang pinakakikay sa lahat ng kasama naming dito sa bahay.

"Mocha! ano ka ba naman?" saway ni manang

"Para nagtatanong lang eh." sagot niya. Sabay subo ng pagkain.

"Ha? Anong masarap ang luto." tanong ko. Naguguluhan pa din ako. Sabay tumawa sila. Ganito sila palagi, pinagtatawanan ako. Trip talaga nila ko eh. Tsk.

"Iba na talaga pag may boyfriend. May nagluluto para sa'yo." Si Mocha ulit.

Boyfriend?

Luto?

Teka. Yun yung eksena kanina ah. Biglang nanlaki yung mata ko tapos lumapit ako sa lamesa nila sabay hatak ng silya. Pagkaupo ko. “Tumawag ba siya dito?" tanong ko sa kanila.

"HINDI!" sabay tawa na naman sila.

"Eh pa'no niyo nalaman na… ano… yun na yun… pano niyo nalaman?"

"Eh kasi po. Umagang umaga, pumunta dito yung boyfriend mo. Sinabi na napuyat ka daw kagabi kaya hanggang ngayon tulog ka pa." sabi ni Julia.

"ANO?? Pumunta siya dito? Siraulo talaga yun. Pa’no kung-"

"Kung ano? Sows! Ano bang ginawa niyo at napuyat ka Nick?! Ha?!" pangungulit ni Mocha.

"Pano kung mabinat siya. May lagnat kasi siya kagabi. Tapos napuyat ako kakapunas sa kanya." sabi ko habang nakakakunot ang noo at nakanguso.

"Weeh?! Yun ba talaga yun?" -Clarita.

"Oo nga. GRABE utak niyo. ka-berde ah!" sagot ko.

"Eh kasi naman. Ano bang ginagawa ng dalawang magkasintahan di ba?" si ate Marlyn naman yun.

"Kung ano yung sinabi ko. Yun nga lang yun." pagdepensa ko sa sarili ko.

"Eh bakit namumula ka.." kalmadong sabi ni manang.

"Hindi kaya. Ako?! Namumula? Sus." sabay talikod at labas ng kusina.

"HAHAHAHAHA!" Dinig hanggang sa labas ng kusina ang tawa ng mga bruha.