ក្នុងបន្ទប់ព្យាបាលធម្មតា
តែដោយយើងក្រឡេកមកមើលវិនឡាងនិងកាវធួវិញ ពេលនេះវិនឡាងកំពុងតែអង្គុយនៅគៀនគ្រែ កាន់ដៃកាវធួ និងសម្លឹងទៅមើលកាវធួទាំងទឹកមុខនៅតែព្រួយបារម្ភ។
«កាវធួ ឆាប់ជាណា បងនឹងស៊ើបរកភស្តុតាង ដើម្បីចាប់អ្នកដែលកាត់ហ្វ្រាំងឡានរបស់ពួកឯងឲ្យឃើញ»វិនឡាង និយាយទៅកាន់កាវធួដែលកំពុងតែគេងសន្លប់ស្ដូកស្ដឹង ទាំងដឹងថាគ្មានការឆ្លើយតប
«ឯងមិនមានបងប្អូនទេឬ? ហេតុអ្វីបានជាឯងមានគ្រោះថ្នាក់ប៉ុននេះហើយ តែគ្មានអ្នកណាមកមើលឯងសោះអញ្ចឹង?»វិនឡាង និយាយចប់ភ្លាម សំលេងទ្វារក៏បានបន្លឺឡើង ហើយក៏បានបង្ហាញឲ្យឃើញថា អ្នកមីងចាន់និងលោកពូបូ ជាអ្នកចូលមកមើលកាវធួ
«កាវធួគេមិនទាន់ដឹងខ្លួនទេអីក្មួយ?»មីងចាន់
«បាទ គឺនៅទេអ្នកមីង អ្នកមីងលោកពូគឺជាប៉ាម៉ាក់របស់គេមែនទេ?»វិនឡាង គេគិតថានិយាយពីប៉ាម៉ាក់កាវធួភ្លាមក៏ពួកគាត់មកដល់ភ្លេត នេះពិតជាអាយុវែងពិតមែន
«អត់ទេ ពូមីងគឺជាអ្នកចិញ្ចឹមគេនោះទេ គឺគេរស់នៅជាមួយក្រុមគ្រួសារមីងតាំងតែពីតូចមកម្ល៉េះ»មីងចាន់
«បើអញ្ចឹងបានន័យថាគេគឺជាក្មេងកំព្រារមែនទេ?»វិនឡាង សួរទាំងភ្ញាក់ផ្អើល
«មិនមែននោះទេ ពីព្រោះកាវធួ គេមានពូមីង ស៊ាវយូ និងឈៀវឈៀវបងស្រីរបស់ស៊ាវយូជាគ្រួសាររបស់គេ ពួកយើងចាត់ទុកគេគឺដូចជាគ្រួសាររបស់ពួកយើងអញ្ចឹង»មីងចាន់ ត្រូវហើយ គ្រួសារគាត់មិនដែលចាត់ទុកកាវធួជាអ្នកក្រៅ ឬក៏ជាអ្នកបម្រើអីនោះទេ គឺចាត់ទុកគេដូចជាសមាជិកគ្រួសាររបស់ពួកគាត់ម្នាក់ទៀតអញ្ចឹង
«ស៊ាវយូ? នេះអ្នកមីងលោកពូគឺជាប៉ាម៉ាក់របស់ស៊ាវយូមែនទេ?»វិនឡាង
«ច៎ាសពិតមែនហើយ»មីងចាន់ គាត់អត់ភ្ញាក់ផ្អើលនោះទេ ពីព្រោះគាត់ក៏បានដឹងរួចទៅហើយថាវិនឡាងជាអ្នកមើលថែកាវធួ ដោយសារតែហួយ៉ុងបានប្រាប់គាត់
«អៅ! ខ្ញុំនេះគ្មានដឹងអីសោះ បើអញ្ចឹងខ្ញុំជម្រាបសួលោកពូអ្នកមីង»វិនឡាង និយាយជាមួយឡើងយូហើយទើបតែដឹង ហើយក៏ទើបតែជម្រាបសួរ ហ៊ឺម យ៉ាប់ណាស់ឪឡាងអើយ
STAI LEGGENDO
រឿង ឆ្លងចូលក្នុងប្រលោមលោក
Storie d'amoreមានក្មេងប្រុសកំព្រារ២នាក់ ដែលមានម្នាក់ជាអ្នកសរសេរប្រលោមលោក ហើយនៅសុខៗគេក៏បានចូលទៅក្នុងប្រលោមលោករបស់គេជាមួយមិត្តភក្តិទាំងមិនដឹងខ្លួន ក៏ប៉ុន្តែសាច់រឿងដែលគេបានសរសេរក៏ត្រូវបានផ្លាស់ប្តូរ គឺតួក្នុងប្រលោមលោកពីស្លូតទៅជាឆ្នាស់វិញ។
