[តំណែងក្នុងបេះដូងបង] COMPLETE✔️

ភាគ២៣:ខ្ញុំសុំអង្វរ!

ចាំយូរទៅក៏ចេះតែយូរទៅមិនឃើញកូនមកសោះដល់លោកហ្វីឡិចអង្គុយលែងស្ងៀមងាកទៅមើលអ្នកមីងអាន់ណាដែលមានទឹកមុខមិនខុសពីគាត់ប៉ុន្មាន 

"ខលទៅគេទៅមើល៏អាន់ណា ស្មាននេះហើយម៉េចក៏មិនទាន់ឃើញមកទៀតអញ្ចឹង?"អ្នកមីងអាន់ណាងក់ក្បាលលូកដៃយកទូរស័ព្ទចុចខលទៅឃើញថាចូលប៉ុន្តែមិនមានមនុស្សទទួលបែបនេះមកពីរបីដងទើបងាកមកមើលគាត់វិញ 

"ខលមិនចូលទេលោកប្រុស"លោកហ្វីឡិចមិនមាត់តែគាត់បុកពោះមិនស្រួលបណ្តើរៗទៅហើយខ្លាចថាវាដូចអ្វីដែលគាត់កំពុងគិតនោះទេ

"ទៅតាមគេទៅមើល៏"

"ចាស"អ្នកមីងអាន់ណាងើបបម្រុងនឹងបើកទ្វារចូលតែក៏មានមនុស្សបើកចូលមកជំនួស ជាមនុស្សប្រុសឈ្លៀតឈុតខ្មៅពីរបីនាក់ចូលមក

"រកកូនហ្ហេស?"ហ្សេនផ្អៀងមុខញញឹមសម្លឹងមើលលោកហ្វីឡិចដែលប្រែទឹកមុខបន្តិចទំនងជាគិតបានហើយថាពេលនេះកូនគាត់នៅឯណា

"ពួកឯងយកកូនយើងទៅអញ្ចឹងហ្ហេស?"

"អ្នកប្រុសជាមនុស្សរបស់ក្រេស៏តុនមូលហេតុអីដែលគាត់ត្រលប់ទៅរកលោកម្ចាស់មិនបាន?"

"កូនយើងមិនមែនជាមនុស្សរបស់គេ!យើងនឹងទៅយកមកវិញ!"

"លោកគិតថាសមត្ថភាពលោកនៅតែអាចបុកសម្រុកទៅជួយអ្នកប្រុសបានទៀតឬ?យល់ល្អបើមិនចង់អោយមនុស្សដែលលោកស្រលាញ់មានបញ្ហាគួរតែនៅអោយបានស្ងៀមៗ"ឃើញថានិយាយហើយគាត់នៅតែមិនស្តាប់នៅតែចង់ងើបទើបហ្សេនចូលមកចាប់សង្កត់ស្មារគាត់ចុះដេកទៅវិញ

"លោកប្រុស!!"

"ទៅហើយក៏មិនបានអី បើខ្ញុំជាលោកខ្ញុំគួរតែពិចារណាថាខ្លួនឯងគួរនិយាយបែបណាពេលប្រឈមមុខជាលោកម្ចាស់អោយគាត់លែងប្រពន្ធកូនខ្ញុំជាជាងទៅធ្វើអោយគាត់ឃ្នើសចិត្តបែបនេះ"ហ្សេនអាក់បន្តិចមុននឹងសើចឡើងមក

"តែថាខ្ញុំម៉េចនឹងអាចដូចលោកទៅ?ខ្ញុំមិនដែលមិនមានគំនិតថោកទាបដូចលោកអញ្ចឹងផង"

"បានហើយ!នាំគ្នាចាកចេញអោយអស់ទៅ ចង់ឃើញគាត់វេទនាប៉ុណ្ណាទៀតទើបសមចិត្តអ្នកទាំងអស់គ្នា?"