အမုန္းမွသည္...ခ်စ္ျခင္းဆီသို႔(နာက်ည္းခ်က္မ်ားႏွင့္ အခ်စ္ကိုဖန္ဆင္းမည္)

🍁Part 59🍁

"မင်းရဲ့အမေ အလင်္ကာကိုတော့ မရခဲ့ပေမယ့် မင်းကိုမြည်းစမ်းကြည့်ချင်မ်ိတယ် ကလေးရဲ့"

ပြောပြီးပြီးချင်း မာန့်မေးစေ့မှ ကိုင်ကာ မျက်နှာကိုမော့စေ့ပြီးနောက် မျက်နှာတစ်ခုလုံးအနံ့ နမ်းရှိုက်လို့လာသည်။ မာန် ထိုလူ၏ အနမ်းကို ရွံရှာသည်ကြောင့် မျက်နှာကို တစ်ဖက်လွှဲလိုက်တော့ ထိုလူက မာန့်မျက်နှာကို ဆုပ်ကိုင်ကာ သူနဲ့မျက်နှာချင်း ပြန်ဆိုင်စေသည်။ မာန် ထိုလူ၏လက်မှ လွတ်အောင်ရုန်းသော်လည်း ကြိုးများတုပ်ခံထားရသည်ကြောင့် အရာမထင်ပေ။ ရွံ့ရှာမှုနဲ့သာ ထိုလူ၏ အနမ်းများကို ခံနေရသည်။ ထိုလူက မာန့်နဖူး၊ မျက်ဝန်းများနှင့် ပါးဖောင်းဖောင်းလေး နှစ်ဖက်ကို တစ်ဆင့်ချင်း နမ်းရှိုက်လာသည်။ နှုတ်ခမ်းအနား အရောက်တွင် ထိုလူက ခဏရပ်တန့်သွားကာ မာန့်၏ နီရဲရဲနှုတ်ခမ်းသားလေးများကို သူ့လက်မဖြင့် ဖိပွတ်ကာ

"တကယ်တော့လေ ငါအလင်္ကာကို သိပ်ချစ်ခဲ့တာ...မင်းအဖေ မျိုးမာန်ထက်အရင် အလင်္ကာကို ငါသဘောကျခဲ့တာ...ဟက်! အလင်္ကာကတော့ ငါ့ကိုကျော်ပြီး မျိုးမာန်ကို ရွေးသွားခဲ့တယ်လေ..."

ဦးဟိန်းလင်းလျာက မာန့်ကို နင့်နင့်သည်းသည်းစိုက်ကြည့်ကာ ပြောလာသည်။ ထို့နောက် နှုတ်ခမ်းများက ပို၍ ကော့တက်သွားပြီးနောက် မာန် ရင်ဘက်နဲ့ ဗိုက်ကို အင်္ကျီအပေါ်မှနေကာ ပွတ်သပ်ရင်း ဆက်ပြောလာသည်။

"ဒါပေမယ့် ကိစ္စတော့မရှိတော့ပါဘူး...အလင်္ကာနဲ့သိပ်တူလွန်းတဲ့ အလင်္ကာ ကိုယ်ပွားလေးကို အခုငါရပြီလေ"

ထိုလူစကားများကြောင့် မာန်ဒေါသတို့နဲ့အတူ စိုးရိမ်စိတ်ကလေးက ကပ်ပါလာတော့သည်။

ခွန်းဆက် မင်းဘယ်မှာလဲ...ဒီလူ ငါခန္ဓာကိုယ်ကို ထိချင်တိုင်းထိနေတာကို ငါမကြိုက်ဘူး...ပြီးတော့ ငါကြောက်တယ် ခွန်းဆက်...မင်းဘယ်မှာများလဲ.....

တစ်ဖက်တွင်လည်း ခွန်းဆက်တစ်ယောက် ကားမောင်းနေရင်း ရင်ဘက်တစ်နေရာက စူးခနဲ အောင့်တက်လာတော့သည်။ ရင်ထဲတွင်လည်း လေးလံလာကာ မကောင်းသည့်ခံစားချက်တို့ကလည်း ၀င်ရောက်လာသည်။ ထို့အပြင် မာန့်အား ပြင်းပြင်းပြပြလွမ်းလာမှုနဲ့အတူ စိုးရိမ်မှုတို့က မုန်တိုင်းသဖွယ် တိုးဝင်လာခဲ့သည်။