မော့ယန် အခိုင်အမာ ခေါင်းတဆတ်ဆတ်ညိတ်ကာ ပြောလိုက်သည်။
"မင်းတို့ လုံးဝယုံကြည်ရတဲ့ လူတွေကလွဲရင် ငါ့ရဲ့လူတွေရယ်၊ ပိုဆီယာရဲ့ လူတွေရယ်နဲ့ အခြားသောသူတွေရဲ့ အထောက်အထားကို လုံးဝမထုတ်ဖော်မိပါစေနဲ့… ရန်သူတွေသာ ငါတို့ ကမ္ဘာမြေပေါ်မှာ ရှိနေတာကို သိသွားတာနဲ့ ကိစ္စတွေက ပိုပြီး ဆိုးရွားကုန်လိမ့်မယ်…"
" နားလည်ပါပြီ…"
လူတိုင်း မျက်ရည်များသုတ်ကာ တပြိုက်နက်တည်း ပြောလာကြသည်။
ဆွေးနွေးပွဲအပြီးတွင် သူတို့၏ ဝမ်းနည်းမှုနှင့် အမုန်းတရားများကို ချူပ်ထိန်းထားကြရင်းဖြင့် နေ့လယ်စာ အမြန်စားလိုက်ကြကာ လမ်းပေါ်သို့ ဆက်လက်မောင်းနှင်လိုက်ကြသည်။ ဤသို့သော အခြေအနေမျိုးတွင် သူတို့၏ ကြေကွဲမှုနှင့် အမုန်းတရားများမှာ အညိုးအတေးအဖြစ်သို့ ပြောင်းလဲသွားပြီး ကမ္ဘာမြေကို ပြန်လည်တည်ထောင်ရန်အတွက် တွန်းအားဖြစ်လာခဲ့သည်။
လမ်းတလျောက် နျဲ့ရှောင်၊ သွမ့်ဝမ်ယွီနှင့် သူတို့၏ အဖွဲ့သားများဖြစ်ကြသော ဝေ့ဟန်မင်နှင့် သိပ္ပံပညာရှင်များမှာ မော့ယန်နှင့် အခြားသောသူများနှင့် ဆက်လက်၍ အချက်အလက်များ ဖလှယ်လိုက်ကြပြီး ယခုအချိန်တွင် သူတို့သိရှိထားရန်လိုသည့် အချက်အလက်များကို ခွဲခြားစိတ်ဖြာကာ စုစည်းလိုက်ကြသည်။
မော့ယန်နှင့် အဖွဲ့သားများသည်လည်း သူတို့သယ်ဆောင်လာကြသည့် ကွမ်တမ်ဦးနှောက်များနှင့် ဆက်သွယ်ရေးကိရိယာများကို ထုတ်ပေးလိုက်ကြပြီး ဝေ့ဟန်မင်နှင့် ကျန်သူများ သုတေသန လုပ်ဆောင်နိုင်ရန်အတွက် အလုံးစုံပေးလိုက်ကြသည်။ မမြင်မတွေ့ဖူးသော ထိပ်တန်းအဆင့် ကိရိယာများအားကြည့်ကာ ဒေါက်တာဝေ့နှင့် အဖွဲ့သားများမှာ အလွန်စိတ်လှုပ်ရှားလာခဲ့သည်။ ပိုင်မေ့သည် ကွမ်တမ်ဦးနှောက်များမှာ ဝတ်ရုံနက်ထံတွင် ရှိသည့်အရာနှင့် ထပ်တူညီလုနီးနီး ဖြစ်နေသည်ကို မြင်လိုက်ရပြီးနောက် ဝတ်ရုံနက်မှာ ကျူးကျော်လာသူဖြစ်ကြောင်း ထပ်မံ၍ အတည်ပြုပေးလိုက်သည်။
YOU ARE READING
Boss Baby ဟမ်းစတားလေး ဝူယိ
General FictionTitle - A Filthy Rich Hamster In Apocalypse 🐹 ကမ္ဘာပျက်ကပ်ထဲက ဟမ်းစတားသူဌေးလေး Description ဟမ်းစတားလေး : "ဒယ်ဒီ.. ဒယ်ဒီ.. ဝူယိလေးမှာ အစာတွေရှိတယ်.. ဒါတွေအားလုံး ဒယ်ဒီ့အတွက်ပဲ.. ဝူယိလေးကလည်း ဒယ်ဒီ့အတွက်ပဲ.." ဝူယိ (မေလတစ်ရက်နေ့) သည် ချုံချုံ (နံစော်...
chapter 72
Start from the beginning