Chapter 15
Sue Xing NwaySeptember 01, 2023
🐹 အခန်း ၁၅ ဝူယိလေးက သူမည်သူဖြစ်ကြောင်းကို ဖုံးကွယ်ထားတယ်
ဝူဝမ်ယွီ သတိပြန်လည်လာသည့် သတင်းအား ကြားသည့်အခါ ရှောင်ဝူယိသည် ရှဲ့ကျွင်းအား ဝမ်းသာအားရ မျက်နှာလေးဖြင့် ကြည့်လိုက်သည်။
ကောင်ငယ်လေးသည် ရေချိုးပြီးနောက်တွင် ရင့်မှည့်ကာစ ပန်းသီးလေးတစ်လုံးနှင့် တူလို့နေသည်။ လွန်စွာ ချစ်စဖွယ်ကောင်းလှပြီး ကိုက်ချင်စရာလေးပင်။
ရှောင်ဝူယိသည် ရှဲ့ကျွင်း ထပ်ပြောမည်ကို စောင့်မနေတော့ဘဲနှင့် အခန်းတွင်းမှ အလျင်စလို ပြေးထွက်သွားပြီးနောက် ဝူဝမ်ယွီရှိသည့် အခန်းဆီသို့ သွားလေသည်။ အဝေးမှပင်လျှင် ဝူဝမ်ယွီနံဘေး၌ စကားပြောနေသည့် ဟန်လင်းတို့ကို မြင်လိုက်ရသည်။
ရှောင်ဝူယိသည် လူအုပ်အား တွန်းတိုက်ကာဖြင့် ဝူဝမ်ယွီထံသို့ ပြေးသွားလိုက်သည်။ ဝူဝမ်ယွီ၏ လည်ပင်းအား တင်းတင်းဖက်ပြီးနောက် ပျော်ရွှင်စွာ ဆိုလေသည်။
“ညီမလေး ရှောင်ယွီ.. ဝူယိက တွေ့ချင်နေခဲ့တာ..”
ငယ်ရွယ်ချောမောသည့် ကောင်ငယ်လေး၏ မျက်နှာမှာ သူမ၏ လက်ပေါ်တွင်ရှိနေပြီး စတော်ဘယ်ရီ ရေချိုးဆပ်ပြာနံ့လည်း ခပ်သင်းသင်းလေး ထွက်ပေါ်နေသည်။ ဝူဝမ်ယွီမှာ ရုတ်တရက် ဆွံ့အလို့နေသည်။ ဟန်လင်းအား ကြောင်အစွာဖြင့် ကြည့်လိုက်သည်။
သို့သော်လည်း ဟန်လင်းသည် သူတို့၏ ကျောင်းနေဖက်များအား အခန်းပြင်သို့ ထွက်သွားစေလိုက်သည်။
“အဲဒါဆိုလည်း ငါတို့က နင်နဲ့ နင့်မောင်လေး ဝူယိတို့ ပြန်ဆုံဆည်းတာကို မနှောင့်ယှက်တော့ဘူးနော်..”
“!???”
မောင်လေး.. ဝူယိ ဟုတ်လား.. ငါ့အစ်ကိုနဲ့ ယန်ကျဲကျဲရဲ့သားက ဒီလောက်တောင် အရွယ်ရောက်နေပြီလား..
ဝူဝမ်ယွီသည် တုန်လှုပ်မှုအပြည့်ဖြင့် နားထောင်နေသည်။ ထို့နောက်တွင် ရှောင်ယန်နှင့် သေးသေးလေးမျှပင် တူမနေသော ကောင်ငယ်လေးအား ကြည့်လိုက်သည်။ သို့သော်လည်း အလွန်အမင်း ချောမောသည့်အတွက် အစစ်အမှန် ဖြစ်လောက်မည်ဟု ခံစားမိလေသည်။
YOU ARE READING
Boss Baby ဟမ်းစတားလေး ဝူယိ
General FictionTitle - A Filthy Rich Hamster In Apocalypse 🐹 ကမ္ဘာပျက်ကပ်ထဲက ဟမ်းစတားသူဌေးလေး Description ဟမ်းစတားလေး : "ဒယ်ဒီ.. ဒယ်ဒီ.. ဝူယိလေးမှာ အစာတွေရှိတယ်.. ဒါတွေအားလုံး ဒယ်ဒီ့အတွက်ပဲ.. ဝူယိလေးကလည်း ဒယ်ဒီ့အတွက်ပဲ.." ဝူယိ (မေလတစ်ရက်နေ့) သည် ချုံချုံ (နံစော်...
