Chapter 4
Imperial MeowAugust 08, 2023🐹 အခန်း ၄ ဝူယိလေး၏ နောက်ဆုံးဖုန်းကောလ်
သူ့အား နားမလည်နိုင်သည့် အကြည့်များဖြင့် ကြည့်နေပြီး မည်သည့်စကားမျှ ဆိုမလာသည့် အဖွဲ့သားနှစ်ယောက်နှင့် ဆုံရသော်လည်း နျဲ့ရှောင်မှာ အမူအရာကင်းမဲ့စွာဖြင့် ရှိနေဆဲဖြစ်ပြီး ပုံမှန်အတိုင်းပင် ဖုန်းတစ်ဘက်ရှိ ဟမ်းစတားလေးနှင့် အဖွဲ့သားနှစ်ယောက်အား နှုတ်ဆက်စေလိုက်သည်။
ဤပေါ့ပေါ့ပါးပါး အပြုအမူကပင် သူတို့ဘော့စ်၏ ဩဇာအာဏာကို မြင်သာစေသည်။
သူတို့သာ ဇာတ်လမ်းတစ်ခုလုံးအား မသိထားပါက ဝူဝမ်ချီနှင့် ရှောင်ယန်တို့မှာ ထိုအကြည့်ကြောင့် အမှန်တကယ် အရူးလုပ်ခံရနိုင်သည်။
“ဘော့စ် စကားဆက်ပြောပါ.. ကျွန်မ ရေအရင်ချိုးလိုက်ဦးမယ်..”
ရှောင်ယန်သည် နျဲ့ရှောင်၏ ဟမ်းစတားရူးသွပ်မှုအပေါ် နှောင့်ယှက်လိုစိတ် မရှိချေ။ သူမ၏ လည်စည်းနှင့် ကုတ်အင်္ကျီအားချွတ်ကာ အခန်းအတွင်းသို့ လျှောက်သွားလိုက်သည်။
ဤတစ်ကြိမ်တွင် သူတို့ဘိုကင်တင်ထားသည့် ဟိုတယ်မှာ ကိုယ်ပိုင်အခန်းတစ်ခုစီ ပါဝင်သည့် အဆင့်မြင့်အခန်းကြီး ဖြစ်သည်။
ဝူဝမ်ချီသည်လည်း ခရီးတစ်လျှောက် စေးကပ်ကာ အနံ့ထွက်နေပြီဟု ခံစားရသဖြင့် သူ၏အိတ်အားချကာ နျဲ့ရှောင်အား နှုတ်ဆက်ပြီးသည်နှင့် သန့်စင်ဆေးကြောရန် သွားလေသည်။ တစ်ညကုန်လွန်ပြီးနောက် သူ၏မေးရိုးတွင် မုတ်ဆိတ်ငုတ်တိုလေးများ ပေါက်လာပြီ ဖြစ်သည်။
“ကျွန်တော်လည်း သွားဦးမယ်..”
နျဲ့ရှောင် ခေါင်းအသာညိတ်ပြီးနောက် ဂရုမစိုက်ဟန်ဖြင့် ပြတင်းပေါက်ရှိရာသို့ လျှောက်သွားကာ အခြားတစ်ဘက်မှ ဟမ်းစတားလေးအား သူ၏ဖုန်းမှတဆင့် နှင်းများဖုံးလွှမ်းနေသည့် အပြင်ဘက်ကမ္ဘာအား ပြသလိုက်သည်။
တုန်လှုပ်နေပုံရသည့် အကောင်ပေါက်ကလေး၏ သေးငယ်လုံးဝန်းသည့် မျက်လုံးလေးများအား ကြည့်ကာဖြင့် နျဲ့ရှောင် ခပ်ဖွဖွ ရယ်မောလိုက်မိသည်။
YOU ARE READING
Boss Baby ဟမ်းစတားလေး ဝူယိ
General FictionTitle - A Filthy Rich Hamster In Apocalypse 🐹 ကမ္ဘာပျက်ကပ်ထဲက ဟမ်းစတားသူဌေးလေး Description ဟမ်းစတားလေး : "ဒယ်ဒီ.. ဒယ်ဒီ.. ဝူယိလေးမှာ အစာတွေရှိတယ်.. ဒါတွေအားလုံး ဒယ်ဒီ့အတွက်ပဲ.. ဝူယိလေးကလည်း ဒယ်ဒီ့အတွက်ပဲ.." ဝူယိ (မေလတစ်ရက်နေ့) သည် ချုံချုံ (နံစော်...