Chapter 26
September 21, 2023
🐹 အခန်း ၂၆
ဝူယိလေးက မြူထူထူထဲကို ဝင်လိုက်တယ်
ကျားကြီး ထွက်သွားသည်နှင့် ထိုနယ်မြေအား ဝန်းရံထားသည့် မြူခိုးများလည်း လွင့်ပြယ်သွားလေသည်။ ရှဲ့ကျွင်းတို့ အဖွဲ့နိုးထလာသည့်အခါတွင် ရှောင်ဝူယိ ပျောက်နေသည်ကို သိလိုက်ရသဖြင့် လူတိုင်း ထိတ်ထိတ်ပျာပျာ ဖြစ်သွားကြသည်။
တောင်ပေါ်မှ ဂူတစ်လုံးထဲ၌။
ကျားကြီးသည် ကောင်ငယ်လေး၏ အနံ့အသက်အား သေသေချာချာ ရှူရှိုက်ကြည့်နေသည်။ သူ၏ မျက်လုံးထဲတွင် ရှုပ်ထွေးမှုတို့ ရှိနေပြီး ဤကောင်လေးအား မည်သည်ကြောင့် ခေါ်ဆောင်လာခဲ့သည်ကို မသိနိုင်အောင် ဖြစ်နေသည်။
ကျားကြီးသည် ‘သူ၏ ကျားဘဝအကြောင်း စဉ်းစားတွေးတောရင်း’ အတွေးထဲ နစ်မြောနေစဉ်တွင် မြေပြင်ပေါ်တွင် လဲကျနေသည့် ရှောင်ဝူယိ အသိစိတ်ပြန်လည်လာသည်။ သူ၏ မျက်လုံးများ ဖွင့်လိုက်သည်နှင့် ကြီးမားသည့် ကြောင်ကြီးအား မြင်လိုက်ရသဖြင့် ထိတ်လန့်တကြားဖြင့် အဝေးသို့ လှိမ့်လိုက်သည်။
ရှောင်ဝူယိသည် ဂူ၏ ထောင့်တစ်နေရာတွင် ခန္ဓာကိုယ်လေးအား ကျုံ့ကာဖြင့် မျက်ရည်များ ကျဆင်းနေသည်။
ကျားကြီးသည်လည်း ရုတ်တရက်နိုးလာသည့် ကောင်ငယ်လေးကြောင့် ကြောင်အလျက်ရှိသည်။ သို့သော်လည်း သူမတုံ့ပြန်နိုင်ခင်မှာပင် ခေါင်းပေါ်သို့ ကျောက်တုံးကြီးတစ်တုံး ရုတ်တရက် ကျဆင်းလာသည်။
ရှောင်ဝူယိသည် ထိုအရာအား မြင်လိုက်ပြီးနောက် ပိုမိုထိတ်လန့်လာသည်။ သူ၏ ရဲစွမ်းသတ္တိအား ဆင့်ခေါ်ပြီးနောက် ဧရာမကြောင်ကြီးအား ‘ပြင်းပြင်းထန်ထန် တိုက်ခိုက်’ လေသည်။
အဆုံးတွင် ကျားကြီးသည် ဟမ်းစတားလေး၏ တင်ပါးအောက်တွင် အောင်မြင်စွာ ဖိနှိပ်ထားခံလိုက်ရသည်။
ကျားကြီးသည် ခေါင်းပေါ်တွင် အလွန်သေးငယ်သည့် အလုံးလေးတစ်ခု ထိုင်နေသည်ကို ခံစားမိသဖြင့် မြေပြင်ပေါ်တွင် လဲလျောင်းရင်း မလှုပ်ရှားရဲချေ။ ထိုအရာလေးအား မတော်တဆ ထိခိုက်မိမည်ကို ကြောက်ရွံ့နေလေသည်။
CITEȘTI
Boss Baby ဟမ်းစတားလေး ဝူယိ
Ficțiune generalăTitle - A Filthy Rich Hamster In Apocalypse 🐹 ကမ္ဘာပျက်ကပ်ထဲက ဟမ်းစတားသူဌေးလေး Description ဟမ်းစတားလေး : "ဒယ်ဒီ.. ဒယ်ဒီ.. ဝူယိလေးမှာ အစာတွေရှိတယ်.. ဒါတွေအားလုံး ဒယ်ဒီ့အတွက်ပဲ.. ဝူယိလေးကလည်း ဒယ်ဒီ့အတွက်ပဲ.." ဝူယိ (မေလတစ်ရက်နေ့) သည် ချုံချုံ (နံစော်...
