Chapter 47
November 17, 2023🐹 အခန်း ၄၇
ဝူယိလေးက ရေသူထီးတစ်ကောင်နဲ့ တွေ့တယ်
[*အနက်ရောင်သေတ္တာကို အခေါင်းပုံစံ ထောင့်မှန်စတုဂံ သေတ္တာတစ်ခုအဖြစ် မြင်ယောင်ကြည့်ပေးပါ။]
ကျန်းချိုး ကြက်သေသေနေမိသည်။
လူတိုင်းလည်း ဆွံ့အသွားကြသည်။
အေး ပါးစပ်ဖွင့်လိုက်တာနဲ့ အခုလိုမျိုး စကားတွေ ပြောဖို့ လိုသလားကွ..
ဟမ်းစတားလေး၏ နားရွက်များအား နျဲ့ရှောင် အလျင်အမြန် လက်ဖြင့်အုပ်လိုက်သည့်တိုင် ဟမ်းစတားလေး အကုန်ကြားလိုက်ရသေးသည်။
ဤအချိန်တွင် ကျန်းချိုးမှာ ချွေးဒီးဒီး ကျဆင်းလျက်ရှိသည်။ အထဲသို့ ဆွဲသွင်းမခံရစေရန် လက်နှစ်ဖက်ဖြင့် အနက်ရောင်သေတ္တာ၏ အစွန်းကို အင်နှင့်အားနှင့် ဆွဲလိုက်သည်။ မွေးဖွားလာသည်မှာ အသက် ၂၇ နှစ် အထိ ရှိနေပြီ ဖြစ်သော်လည်း ဤသည်မှာ သူ့ဘဝတွင် ပထမဆုံးအကြိမ်အဖြစ် ကိုယ်ကျင့်တရားနှင့် ပတ်သက်၍ အခက်အခဲ ကြုံတွေ့ရခြင်းဖြစ်သည်ကြောင့် ထိတ်ထိတ်လန့်လန့် ဖြစ်နေမိသည်။
နျဲ့ရှောင်အား လှောင်ရယ်ခြင်း မပြုခဲ့သင့်ပေ။ တစ်ချိန်ချိန် သူ၏အလှည့် ရောက်လာမည်မှာ သေချာပေါက်ပင်။
သေတ္တာအတွင်းရှိအရာမှာ လှုပ်ရှားခြင်းမရှိသည့် ကျန်းချိုးအား အထဲသို့ ဆွဲမသွင်းနိုင်ပေ။ ခန္ဓာကိုယ်မှာ အလွန်အမင်း မသက်မသာ ဖြစ်လာသဖြင့် ထိန်းချုပ်မရနိုင်ဘဲ ရုန်းကန်လာသည်ကြောင့် ပုလဲများအကြားမှ ခေါင်းပြူထွက်လာလေသည်။
အနီးဆုံးဖြစ်သည့် ကျန်းချိုးမှာ တစ်ဘက်၏ မျက်နှာကို မြင်လိုက်သည့်အခါတွင် ချက်ချင်းပင် တုန်လှုပ်ထိတ်လန့်စွာဖြင့် မျက်လုံးများ ပြူးကျယ်လာပြီး ကြက်သေသေလျက်နှင့် ဗလာမျက်လုံးများဖြင့် စိုက်ကြည့်နေမိသည်။
ထို့နောက်တွင် ထိုအရာ၏ နမ်းခြင်းခံလိုက်ရသည်။
“အားးးးးးးးး!!!!”
ရှောင်ယန်သည် ရင်းနှီးနေသည့် မြင်ကွင်းကြောင့် သူမ၏ နုနုနယ်နယ် နှလုံးသားလေး ပေါက်ကွဲသွားပြန်သည်။ နီမြန်းနေသည့် ပါးနှစ်ဖက်အား လက်ဖြင့်အုပ်ကာ ရှက်ရွံ့စွာဖြင့် ကျယ်လောင်စွာ အော်ဟစ်လိုက်သည်။
YOU ARE READING
Boss Baby ဟမ်းစတားလေး ဝူယိ
General FictionTitle - A Filthy Rich Hamster In Apocalypse 🐹 ကမ္ဘာပျက်ကပ်ထဲက ဟမ်းစတားသူဌေးလေး Description ဟမ်းစတားလေး : "ဒယ်ဒီ.. ဒယ်ဒီ.. ဝူယိလေးမှာ အစာတွေရှိတယ်.. ဒါတွေအားလုံး ဒယ်ဒီ့အတွက်ပဲ.. ဝူယိလေးကလည်း ဒယ်ဒီ့အတွက်ပဲ.." ဝူယိ (မေလတစ်ရက်နေ့) သည် ချုံချုံ (နံစော်...