ឃើញទេថាក្មេងជេគចិត្តរឹងប៉ុណ្ណា ចាប់តាំងពីចេញពីផ្សារមក លោកម្ចាស់តែងតែសង្កេតឃើញរឹកពាប្លែកៗរបស់គេជានិច្ច នៅតាមទូក គេមិនមាត់មិនក មិននិយាយញ៉ែញ៉ងអោយលោកម្ចាស់ឈឺក្បាលឡើយ គេស្ងប់ស្ងាត់ណាស់ លោកម្ចាស់លួចព្រួយពីរឹកពារបស់គេតែពិតមិនចង់សួរនាំទេព្រោះមិនមែនជាតួនាទីដែលត្រូវចង់ដឹង ។
ទូកចែវ មកចតនិងកំពង់ ។ បុត្រមិនចាំយូរប្រញាប់ប្រញាល់ស្ទុះចុះពីលើទូក គ្មានពាក្យអរគុណដាក់លោកម្ចាស់ទេ គេដើរចូលទៅបវិវេណផ្ទះជាមួយដំណើរទន្ទ្រាំជើងធ្វើអោយលោកម្ចាស់គ្រវីក្បាលទាំងហួសចិត្ត តែចិត្តលោកធ្ងន់ មិនយកទោសពៃក៏ចុះពីលើទូកម្នាក់ទៀតមានអ្នកបម្រើមកជួយចងខ្សែទូកអោយ មិនចាំយូរក៏ប្រញាប់ចូលទៅក្នុងផ្ទះដែរ ។
« មកហើយអី? » យាយដើរមកទទួល ជេគងក់ក្បាលញញឹមខ្សត់ជាតិប្រញាប់ដើរឡើងទៅលើផ្ទះ ក្រោយមកលោកម្ចាស់មកម្នាក់ទៀត យាយខំដើរទៅតែលោកបែរដើរហួសឡើងជាមួយទឹកមុខមាំ
« កើតអីទាំងពីរទាំងបី? » មិនយល់ទេ ប្រហែលជាមកពីចាស់ពេក យាយក៏ប្រញាប់ដើរចេញនិងអេះក្បាលខ្លួនឯងតិចៗ ។
« នែ៎! » លោកម្ចាស់ប្រញាប់ស្រែកហៅពេលឃើញប្រុសល្អិតបម្រុងនឹងដើរចូលបន្ទប់ ជេគកាលដែលលឺបែបនេះហើយប្រញាប់បែរមុខមករកលោកម្ចាស់វិញម្ដង
« ងូតទឹកសម្អាតខ្លួនអោយស្អាតបាត បន្តិចទៀតនេះយើងបង្រៀនតួអក្សរឯង »
« ខ្ញុំចង់ចុះទៅជួយបងៗធ្វើម្ហូបនៅក្រោម »
« អ្នកបម្រើពេញផ្ទះហើយ អត់ឯងមួយ យើងមិនដាច់ពោះស្លាប់ទេ »
« លោកម្ចាស់មិនដាច់ពោះស្លាប់ជារឿងលោកម្ចាស់ » បញ្ចប់ប្រយោគជេគរហ័សទាញទ្វារបិទលាន់លឺឡើងគ្រាំងទើបធ្វើអោយលោកម្ចាស់ជញ្ជក់មាត់ក្ដៅក្រហាយ នឹកឃើញហួសចិត្តនិងរឹកពាទំនើងពេកក្រៃរបស់ក្មេងប្រុសម្នាក់នេះណាស់ ។
រសៀលឈានមកដល់
គេនិយាយបែបណា គេធ្វើបែបនោះ ជេគចុះមកខាងក្រោមផ្ទះបាយរៀបចំធ្វើម្ហូប កិនអង្ករយកម្សៅ មិនទុកដៃជើងអោយនៅទំនេរទេ ធ្វើបានក៏ចេះតែធ្វើទៅ យ៉ាងណាក៏ប្រសើរជាងនៅលើផ្ទះធំដែរ ។
YOU ARE READING
LOVE WINS ALL ( JH )
Short Storyស្នេហាមិនថាស្ថិតក្នុងលក្ខណៈបែបណា ប្រសិនបើគេគិតថាវាជារឿងធំធេងបំផុត នោះនឹងគ្មានឧបសគ្គឯណាមករារាំងបានឡើយ " លោកម្ចាស់មិនបាននៅក្នុងចិត្តរបស់ខ្ញុំ លោកម្ចាស់ពុំអាចដឹងទេថាខ្ញុំស្រឡាញ់នរណា លោកម្ចាស់បានត្រឹមគិតថាខ្ញុំមានចិត្តមិនស្កប់ស្កល់តែប៉ុណ្ណោះ ខ្ញុំបាទមិន...
