الفصل العشرون(ما زال يحبها)
حنيني إليك اغتراب ..ولقياك منفى !!!
محمود درويش ...
....
حامل ...حامل ...
اخذت الكلمة تتردد في عقله بدوى مؤ لم ...شعر بالمر ض وهي تلقي تلك القنبلة بينما النير ان تتصاعد داخله ...لقد سمحت لخالد ان يلمسها ...سمحت لخالد ولم تسمح له هو ...فضلت خالد عليه !!
كانت المشاعر العاصفة تتعاقب على ملامح وجهه...بينما وتين تنظر إليه بشفقة ...انه ما يزال يحبها ...يحب جوليا فقط ...رغم كل ما فعلته ولكنه يعذ ب نفسه بدون جدوى ...تنهدت بقوة وهي تعرف انها سوف تتحمل اخطا ء شقيقتها ...فيعقوب سوف يفرغ غضـ به بها هي ...ولكن ما المفر ...أين تذهب ...بعد ما أخذ يعقوب والدها من المنزل اخبرتها كوثر بصراحة شديدة الا تأتي للمنزل مرة آخرى. ...
-يعني ايه الكلام ده ؟!!
رددها بوجه شاحب كالأموات ...نظرت إليه والدته بتوجس ...لا لا يمكن ...هل ما زال يحمل مشاعر لجوليا بقلبه ...حكت جبهتها بتعب وقالت:
-اللي سمعته ..هي حامل من خالد وهتتجوزه ....
-احنا ملناش علاقة بخالد يا مها ...
قالها مصطفى بقوة وهو يخرج من مكتبه...القوة تلتمع بعينيه ....
-يعني ايه ملناش علاقة بيه يا مصطفى ...
-يعني ملناش علاقة بيه يا مها...خلاص خالد مش ابني ولا اعرفه ...كمان أنا هحرمه من الورث !!
-أنت بتهزر صح ؟!حرام عليك يا مصطفى عايز الاولاد يكر هوا بعض اكتر من كده ...عايز تظـ لم خالد أكتر من كده !!!!
رفع مصطفى رأسه وقال :
-ابنك اختار كده يبقى ميندمش ....أنا خـ سرت كتير بسببه الانتخا....
-أنا عارفة انك منسحبتش من الانتخابات يا مصطفى ....الحملة الإعلانية بتاعتك شغالة واللي حصل امبارح بقا تريند ....فأنت مخسر تش حاجة ....يبقى ليه بتعا قب خالد ...حرام عليك جيبه واهتم بيه ...صالحه وصدقني هو محتاج الحب وهيتصلح ...
-أنا مبحبهوش ...مبحبهوش !!!
صرخ بها مصطفى ثم أكمل ؛
-ده انسان فا شل أنا كل اللي بتمناه ليه دلوقتي أنه يمو ت وارتاح منه ...
تراجعت مها بصدمة وهي ترى الكر اهية بعيني زوجها ...لم تصدق أن اب يحمل كل هذا الكر ه بقلبه لابنه .... دون إرادة منها شعرت بالحزن الشديد على خالد ...للمرة الأولى لا تلومه على ما فعله ...هو أراد الانتقا م ..الانتقا م لانه لم يحصل على الحب كما حصل يعقوب عليه .....وكم أدركت وقتها أنها تشترك في تلك الجر يمة ...هي من شاهدت ابنها يعاني مع والده وشقيقه ولم تتدخل ....
تنهدت مها وقالت:
-خلاص طالما هتعمل كده في ابنك...طالما هتقـ.تله بالحيا يبقى أنا همشي من هنا ...هاخد جوليا وهجوزها لخالد وأعيش معاهم !!!
وبالفعل انسحبت الى غرفتها بغضب ....يكفي لقد أغلقت فمها كثيرا ولم تفعل أي شئ لمساعدة خالد ولكن الآن سوف تفعل !!!
...
ولجت لغرفتها وأخرجت حقيبتها ثم بدأت في وضع الملابس بها بعنـ ف ....
أتى خلفها مصطفى وتجمد وهو يراها تستعد للإنسحا ب من حياته !!!
-أنتِ هتسيبي البيت عشان واد فا شل زي ده )!!!!
صرخ مصطفى بصدمة بها بينما مها تضع ثيابها في الحقيبة ....كان قلبه يؤ لمه ...حب حياته يتركه ....تتسرب من بين يديه ...تنكث بوعدها له ....
-أنتِ ناسية وعدك ليا يا مها ...ناسية كلامك ...ناسياه !!!!
صرخ بها مصطفى وهو يذكرها بكلامها ليلة زفافهما ....عندما كان هو مجرد موظف صغير وهي ابنة أحد أكبر رجال الأعمال ...وكم حاربا من أجل حبهما ...بالنسبة لمصطفى كانت مها حُلم يتحقق لذلك طيلة سنوات زواجهما لم ينظر لأي امرأة....حتى عندما نجح كان يعرف أن الفضل كله لها بعد الله تعالى ....
كانت كلماتها تدوي في رأسه كلماتها بأنها لن تتركه أبداً...بأنه الجزء الأهم في حياتها ....لقد وعدته بالفعل ....
نظرت إليه وقالت:
-وانت ..انت ليه نسيت وعودك ليا..
وعودك أنك هتسعدني ...وعودك أنك عمرك ما تزعلني ولا تخبي عني حاجة ...انت اللي الأول كـ.سرت وعودك يا مصطفى...انت اللي بدأت مش أنا ....
أغمض عينيه بتعب وهو يحاول الاقتراب.منها الا انها ابتعدت بسرعة وقالت:
-لا يا مصطفى مش هتقدر تهديني المرة دي ...كفاية اللي حصل في اولادنا بسببك ...الاتنين بقوا بيكر هوا بعض !!!عايز ايه تاني ...قولي يا مصطفى عايز ايه تاني ...لو متقبلتش خالد زي ما اتقبلت يعقوب يبقى أنا هسيب البيت وأمشي. مفهوم !!!!
تنهد مصطفى وقال :
-حاضر يا مها اتصلي بخالد وانا هساعده في المشكلة دي !
........
بعد قليل ....
أتى خالد للمنزل وهو ينظر للجميع بسخرية وقال:
-الله ايه الاجتماع الغريب ده ...ايه اللي لم الشامي على المغربي...
ثم نظر لوالدته وقال:
-ايه يا أمي انتِ اتصلتي بيا عشان توريني عجايب الدنيا السبعة ولا يكون اخويا ناوي يفكس لوتين ويرجع ...
نظر لجوليا بإستهانة وقال:
-ويرجع لدي ...
نظرت إليه جوليا بغضب .. غضب كان موجه لنفسها من الاساس ..انها لا تعرف كيف أحبت شخص مثله ...شخص بلا إحساس ....
نظر يعقوب الى خالد بقـ.هر وتمنى في تلك اللحظة لو يقتـ له لذلك نهض وقال:
-اعفوني من الحوار ده ...مش ناقص معدتي تقلب ...
ثم تركهم غاضباً لينظر خالد الى مها بحيرة ويقول :
-هو فيه ايه ؟!....
اتجه مصطفى الى خالد ثم أمسكه من ذراعه وقال لجوليا :
-انتِ روحي قدامي على المكتب يالا !!!!
......
بعد قليل في المكتب ...صراخ خالد رج المكان
-نعم حامل ...حامل من مين يعني !!!
صرخ خالد وهو ينهض وينظر إلى جوليا الجالسة بمكتب والده بكل برود ....اتجه لها بعنـ ف وشدها من ذراعها وقال:
-أنتِ عايزة تد بسيني يا روح امك ولا ايه ...بت أنت واحدة ******وانا عارف نوعيتك كويس ...أنا ايش ضمني متكونيش ر ميتي شر ف لأي ******زيك وعايزة تلبسيني فيكي !!!
احتشدت الدموع الحقيقية بعيني جوليا ونظرت إليه ....
اتجه مصطفى إلى خالد وابعده عنها وقال:
-هو سؤال واحد ومش هكرره يا خالد ....حصل بينكم اي حاجة ....
-أيوة بس ده م.....
ولكن صفـ عة قاطعت حديثه ..نظر خالد إلى والده بكرا هية فقال مصطفى:
-أنا فعلا معرفتش أربيك ....انت غلطت يا استاذ وانت اللي تتحمل غلـ طك....أنت هتكتب على جوليا وهتتجوزها لما يعقوب يتجوز وتين ...
شحبت جوليا ....الأمور تخرج عن السيطرة ...لقد وقف مصطفى معها ...وخالد سوف يطيعه...
-ماشي ...هتجوزها بس اتأكد الاول أن هي حامل فعلا وان الولد ده ابني ....
رائع الان كل ما فعلته ذهب أدراج الرياح ...رباه ..كيف لم تحسب حساب لهذا ...بالطبع خالد لن يصدقها ...حكت جبينها بتعب ...ماذا تفعل الآن ...هي ليست حامل....وسوف يكتشفوا كذ بتها قريباً....
......
بعد ساعتين تقريباً...وبعد الكثير من الجدال اخذت مها جوليا وخالد وذهبت بها إلى الطبيبة النسائية ....
...
-لا لا مش عايزة اكشف ...أنا عايزة اروح ...البتاع.ده ممكن يأ ذيني ...
قالتها جوليا بر عب وهي تشير إلى جهاز المعتمد على الموجات فوق الصوتية بينما الطبيبة تطلب منها أن تتسطح على الفراش الطبي ....
-يا بنتي اهدي شوية الجهاز مش هيعملك حاجة ...ده سونار عشان ...
-لا يا طنط مها ...خليني أمشي من هنا و....
-جرا ايه يا حلوة ...ليه خايفة ما تكشفي...خايفة تتكشف كد بتك صح ؟!
قالها خالد بسخرية واقترب منها ثم حملها وقال:
-هتقعدي وأنتِ حاطة لسانك جوا بوقك والا اقسم بالله هتشوفي مني وش مش هيعجبك ...
ثم وضعها على الفراش وقال:
-يالا يا دكتورة شوفي
شغلك ......
وبالفعل بدأت الطبيبة بفحص جوليا التي أغمضت عينيها بقوة وهي تخبر نفسها انها انتهت رسمياً!!!
-ألف مبروك المدام فعلا حامل !!!!
قالتها الطبيبة ببهجة ...
-نعم يا اختي !!!
كانت الصر خة منطلقة من فم خالد بينما الصدمة تتشكل على وجهه!!
يتبع
#سندريلا_المنبوذة
#سولييه_نصار
