သူမသည် ထို့သို့ မလုပ်လိုက်ခင်မှာပင် ကြီးမြတ်လှသည့်သခင်လေးသည် လက်ကိုဆန့်ကာ သူမ၏ခေါင်းကို တွန်းထုတ်လိုက်ပြီး သူမကို လက်ညှိုးထားပုံမှာ အလွန်ချောမောနေတော့သည်။
“ နောက်ဆုတ်”
ချင်မော့သည် သူ့ညီလေး၏ လွှမ်းမိုးမှုကို အလွန်လျင်မြန်စွာ ခံစားလိုက်သည်ကို သဘောပေါက်သွားတော့၏။
ဖူကျို့သည် ကြီးမြတ်လှသည့်သခင်လေးက သူမကို အနားမကပ်လာစေချင်သည်ကို သိသွားပြီး သူမ၏ထိုင်ခုံကို ကောင်လေးများရှိရာဘက်သို့ ရွှေ့လိုက်ပြီး စခရင်ကို ကြည့်လိုက်၏။
“ အဲလမ်းမသွားနဲ့ ၊ မင်းရဲ့ ဘယ်ဖက်မှာ ရန်သူတစ်ယောက်ရှိတယ်”
ကောင်လေးသည် သူ့ဂိမ်းထဲတွင် လုံးဝစိတ်နစ်နေပြီး ကစားရင်း အော်ဟစ်နေ၏။ သူသည် သေတော့မည်ဟု ထင်လိုက်သည်နှင့်တစ်ပြိုင်နက် လူငယ်လေးအော်လိုက်သည့်ဖက်သို့ ထွက်ပြေးသွားလိုက်သည်။
သူသည် စိတ်အေးသွားပြီး သွေးပြန်တက်လာ၏။ ထိုကာလအတွင်း သူသည် မြေပုံပေါ်ရှိ ချင်မော့သည် မလှုပ်မယှက်ဖြစ်နေသည်ကို တွေ့သွားတော့သည်။
ကလေး လေးယောက်သည် ကစားနေရင်း ပြောလိုက်၏။
“ လူချောလေးကို ကာကွယ်ထား”
“ ဟုတ်ပြီ”
“ အွန်း”
သူတို့သည် ချင်မော့ကို ကစားသမားအသစ်တစ်ယောက်လို ဆက်ဆံနေသည်မှာ သိသာလှ၏။
“ အလယ်လမ်းကို ယူပြီးရင် တစ်သင်းလုံးကို ဖြုတ်ကြမယ်”
ရုတ်တရက်ဆိုသလို တစ်စုံတစ်ယောက်သည် ခြုံထဲမှထွက်လာပြီး မူးအောင်ရိုက်လိုက်ကာ slow spell ကို သုံးလိုက်လေသည်။
သူတို့လေးယောက်သည် ချက်ချင်းလိုပင် သွေးတစ်ဝက်ကျသွားတော့သည်။
“ သောက် - ကျိူးနဲ”
ကောင်လေး၏ခန္ဓာကိုယ်သည် တဖန်လှုပ်ရှားသွား၏။
“ ပြန်ဆုတ်၊ ဒါက ဘာလဲ၊ ဒါက လျိုကျုံးမင်ရဲ့ skill level မှမဟုတ်တာ”
သူမှန်ပေသည်။ ဒါသည် လျိုကျုံးမင် မဟုတ်ပေ။
ဂိမ်းလောကကို ယခုမှ ပြန်ဝင်လာသည့် ဖူရှီမင်းပင်ဖြစ်လေသည်။
YOU ARE READING
ကျောင်းတော်ရဲ့ မင်းသားလေးက မိန်းကလေးတဲ့ Book 2
Romancebook 1 ကို ဒီအကောင့်မှာ ရှာဖတ်လို့ရပါတယ်
အပိုင်း (၃၈၁) ဒီငကြွားကိုယ်လူချောကတော့ သေတော့မှာပဲ
Start from the beginning
