When Heaven Meets Her Devil(COMPLETED)

Chapter 35

"Mommy, daddy!"Sigaw ni Bryce ng makita n'yang palapit na kami ni Devon dahil kalalabas lang nila ng classroom.

Naagaw pa ng anak ko ang atensyon ng ibang magulang na nandito. Natawa si Devon at mabilis na hinakbang ang pagitan nila para salubungin ang mga anak ko.

Isang buwan na din magbuhat ng makabalik sa skwelahan ang mga anak ko dahil tapos na ang bakasyon. Bumalik na din kami ng manila dahil sa up-coming projects ko kaya dito na din nag transfer ang mga bata.

Maayos akong nagpaalam sa magulang ni Laurence at kay Laurence mismo dahil malaki ang utang na loob ko sa kanila. Wala naman akong narinig na reklamo basta't sabi ni tita Laureta at ipasyal ko parin sa kanila ang mga bata kapag hindi abala sa trabaho.

Nangako naman ako sa kanila na ipapasyal ko talaga kahit hindi nila sabihin dahil alam kong mahal at tinuring na nilang tunay na apo ang mga anak ko. Si Laurence ay nakausap kona din at naipaliwanag kona din lahat sa kanya, natutuwa ako dahil sinabi n'yang masaya para samin.

Matagal din kaming nag-usap noong umuwi kami ng nueva ecija kaya nalaman kong may kinababaliwan na ang bestfriend ko. Wala akong alam tungkol sa babae maliban sa pangalan nitong 'Mari' ang kwento ni Laurence ay abogado daw ito. 

Nang makabalik kami ng manila ay nagplano akong bumili ng condo na hindi sinang-ayunan ni Devon dahil ang gusto niya ay sa kanya kami titira. Sa condo unit niya pero hindi na ito yung condo unit niya noong college palang kami dahil bago na ito. Noong una ay hindi ako pumayag dahil hindi naman kami mag-asawa para tumira sa isang bubong pero talagang mapilit siya kaya napapayag niya na rin ako.

Habang lumilipas ang mga araw ay unti-unti kong nakikita kung gaano kabuting ama si Devon sa mga anak ko. Marami s'yang pagkukulang pero kitang kita kong bumabawi siya sa bawat araw na nawala sa kanilang mag-aama.

Wala kaming relasyon ni Devon at hindi maliwanag sakin kung anong meron samin pero pinaparamdam niya naman na mahal niya ako kaya nakuntento na mun ako doon, Isa pa ay pareho kaming abala sa pagiging magulang sa anak namin kaya hindi pa namin malagyan-lagyan ng label yung samin.

Natutulog kami ni Devon sa iisang kwarto at iisang kama dahil dadalawa ang kwarto sa unit niya pero ni minsan ay wala pa ulit nangyari samin. Hanggang yakap at halik lang si Devon kaya ramdam na ramdam ko ang respeto niya sakin.

Bumalik ako sa wisyo ng may humawak sa kamay ko kaya bumaba ang paningin ko doon. Masyado na pala akong pre-occupied.

"Anong iniisip mo?"Tanong ni Devon habang nakahawak sa kamay ko at ang isang kamay naman ay nasa manibela.

"Si Laurence.."

Sinulyapan niya ako at sinamaan ng tingin, ngumuso naman ako.

"Kasi gusto kong makilala yung nililigawan niya,"Paglilinaw ko.

"Kahit na.. wala ka dapat ibang iniisip maliban samin ng mga anak natin,"

Ngumiwi ako."At sino namang nagsabi na iniisip kita?"

"Hindi ba?"Tumaas ang kilay niya kahit nakafocus ang mata niya sakalsada.

"M-minsan lang.."Napakurap-kurap ako dahil parang may sariling buhay ang bibig ko.

Pinapahamak ako!

"Dev.."

"Hmm, yes?"

"Tingin mo.. uh, magugustuhan ako ng magulang mo?"Mahinang tanong ko."Tsaka yung tungkol sa mga bata tingin mo, matatanggap kaya nila?"

Hinigpitan niya ang pagkakahawak sa kamay ko. Kaya medyo kumalma ako.

"Don't worry, nabanggit na kita sa kanila pati mga bata,"Ngumiti siya ng tipid.

"B-baka ayaw nila sakin..o sa mga anak natin,"