لِـماذا لم تبحث عنيِّ؟

- الفصل السادس والثلاثون -

« 36 ».

الكاتبة: آية مصطفى فرغلي.
- رواية: لماذا لم تبحث عني؟
- لا تنسى التصويت بنجمة وكتابة رأيك.

                   _________________

لكن جميلة مقدرتش تستحمل واستأذنت من المدير ومشيت.

نوح كان مضايق من نفسه جدًا، مع إن جميلة هي ال استفزته الأول، لكن زي ما يقال كدا، الإنسان مبيعرفش يشوف حد بيحبه زعلان حتى لو هو سبب الزعل.

نوح بيرن على جميلة كتير،، مبطلش رن عليها من وقت ما مشيت، وبعتلها رسائل كتير علشان ترد عليه.

لكن جميلة اتقفلت منه وحست إنها خلاص فعلًا مش طايقاه..

جميلة روحت البيت وعايطة بإنهيار وركعت على رجل والدها وهو نايم على السرير، بابا هو ليه حظي وحش قوي كدا في الناس؟؟ ليه؟

ليلى دخلت وراها بسرعة، جميلة مالك؟

والدة جميلة "أسماء" : جميلة حبيبتي مالك!

جميلة بصتلهم وقالتلهم أنا مش عايزة اروح الشغل تاني، أنا هدور على شغل تاني بجد، مش عايزة اروح نفسيتي أدمرت من كتر الكبت ال جوايا وساكتة.

حاولوا الكل يلطفوا شوية بحيث جميلة تهدى، لكن جميلة إختارت أنها تروح تغير الهدوم وتنام أحسن..

من وقت ما جميلة دخلت الاوضة، ونوح بيرن مش ساكت، دخلت ليلى وراها وشافت الموبايل وهو بيرن، مسكت الموبايل وبصت لاقت نوح بيرن.

ليلى من ورا جميلة: نوح السبب برضوا؟

جميلة بزعيق: بوووووووه، هو مفيش غير نوح، وفجأة لاقت ليلى ماسكة تليفونها.. ف جميلة سكتت.. أه نوح.

ليلى: على فكرة الواد دا بيحبك، بعيدًا عن إني معرفش بتبكي ليه، واي المشكلة ال حصلت، بس يرن عليكي 65 مرة؟ ويبعتلك 25 رسالة على الواتساب؟ تفتكري دا اهتمام عادي؟ يعني حتى لو مشكلة، معتقدش لو شخص شايفك طرف عادي بالنسباله، هيتصرف كدا.

أسماء والدة جميلة بصوت عالي بتنادي: يا ليلى التليفوونون بيرن.

ليلى خرجت من الأوضة بتجري على تليفونها ال سابته على الكرسي في الصالة لاحظت رقم غريب

ليلى: ألو؟
نوح: أنا آسف أولًا إن برن على حضرتك، بس أنا نوح وأخدت رقمك من دهب صديقة جميلة.

ليلى: أه، أهلًا وسهلًا بيك.

نوح: هي جميلة كويسة؟