ليلى: حلووووو خاااااالص في العلاقات الحقيقية لكن علاقتك أنتِ ونوح اي؟ جه قالك بحبك؟ جه قالك هتقدملك؟ جه اعترفلك حتى بمشاعر ؟
جميلة بإقتناع: عندك حق!
ليلى: عارفة أنا شايفة تجسي نبضه شوية.
جميلة: بمعنى اي؟
ليلى: يعني جربي كدا تحيكله عن شخص كإنك بتحبيه؟
جميلة: اي القرف دا، عايزاني اكذب؟ ولفرض عرف إني بكذب شكلي قدامه اي
ليلى بتريقة: يوووووه، دا أنتٓ غلبانة قوي.
جميلة: بجد أنا مضايقة وعايزاه يكلمني.
ليلى: ادخلي كلميه وقوليله عايزة اقولك حاجة، وهو لما يرد قوليله إن في شخص اعترفلك بحبه .. ومن هنا ردة فعله هتعرفنا اي مشاعره بالظبط ناحيتك.
جميلة قعدت تفكر الليل كله، اعمل كدا ولا لاء.. لحد ما قررت.
فتحت الموبايل وبعتت رسالة لنوح.
"المحادثة"..
جميلة: مساء الخير.
نوح في نفس اللحظة معرفش يتقل من الفرحة: مساء الخير
جميلة: عامل اي؟
نوح: الحمدلله بخير طمنيني عنك
جميلة من جواها عايزة تقوله، ما أنتَ يا كذاب لو فارق جواك تطمن عني كنت بعت.
جميلة: اهو الحمدلله.. أنا عايزة أحكيلك حاجة حصلت معايا شغلاني شوية.
نوح وقتها اتبسط جدًا، ال هو حس إنه محور اهتمام ل جميلة ودخلت تحكيله حاجة حصلت معاها.
نوح: أكيد طبعًا سامعك أهو.
جميلة: في حد اعترفلي إنه بيحبني.
نوح وشه اتقلب.. ماسك الموبايل مش عارف يقولها اي.. وفي نفس الوقت خايف يطلع منه أي حاجة ويحس نفسه سخيف قدامها..
نوح: جميل، مين هو؟
جميلة: اتخضت، جميل؟؟؟ واي دا بيسألني مين؟ معرفتش تقول اي، فجأة جميلة بعتتله، حُذيفة.
جميلة جوا نفسها يلهوي، بلاش حذيفة، ويادوب بتمسح الرسالة.
نوح: حُذيفة؟ مش أنتِ قولتلي إنه مجرد صديق ليكي؟
جميلة بتردد: أه، منا مش عارفة إزاي حاسس بمشاعر ناحيتي، علشان كدا بعتلك.
نوح وجواه متغاظ: أنتِ حاسة ب أي؟ بيسألها ومستنيها بفارغ الصبر تقول مش حاسة ناحيته بحاجة.
YOU ARE READING
لِـماذا لم تبحث عنيِّ؟
Romanceالرواية عاطفية اللغة: العامية المصرية الدارجة هُنا ستجد نفسك بين مشاعر الأبطال.♡
- الفصل الخامس والثلاثون -
Start from the beginning
